Ɨnû 8:7 - Meta’

⁷ Aŋgɨrə̀ rɨtu nyaʼa fə i taŋ, əne əwəŋ mbɨ ɨwid, nɨ nyaʼa nyamɨ mbɨ ənəm, nyaʼa feŋgɨ ɨgwɨ ə si. Əba ə fibɨ̀ ənɨ mbɨ ghapɨ si ɨba tad nyaʼa fɨə. Əba ə fibɨ̀ ənɨ mbɨ ghapɨ ɨzed ɨba tad nyaʼa fɨə. Ɨfu zwɨ̂ jìm nyaʼa bə̀ fɨə.

Ikan feg

⁷ Angirə̀ mbègtog ya fə ìzi tì tàŋ. Ane, awḛ fɔrɔ iywid ne ya nyàmba tì anəm ya kwebe igun isəg. Aba isəg amɔʼ inga iba itad ya bere. Aba amɔʼ inga iba itad ane ized igun isəg fɔrɔ agyen zu ya bə̀ bère.

Ɨnû 8:7 ပူးပေါင်းရင်းမြစ်များ

Jems 1:11

Nyùmə̀ wɨə teə mbɨ əzuʼ ə ka ka. Əzuʼ ze ə zɨə ghɨ̀ ni ɨghɨ nəŋə. Ɨghɨ mbe nɨə nəŋə, tɨ̀kwě feŋgɨ. Tɨ̀kwě te nɨ nyaʼa kaŋ bɔ̀ŋ fə wɨrɨ bèŋ bə i. À yɨə bə̀ əndəŋ əndəŋ ni wə̀d mbɔ̂n bɨrɨ nim ɨchî nɨ wɨə beenɨ əbɔʼ mbi ɨnû.

1 Pità 1:24

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mɨjìm yɨ ɨghabɨ ɨfu, ɨwumnɨ mɨ̀mə̌d yɨ ɨghabɨ wɨ rɨ̀kwě. Ɨfu wɨə kwɨə, rɨ̀kwě nə̀ŋə̀ feŋgɨə,

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 16:2

Aŋgɨrə̀ rɨtu nyaʼa wò sab ɨsə ɨtəm Ŋwiə̀ we nɨ nyaʼa ɨŋga əŋgupɨ əkaŋ əməd ɨgwɨ ə si. Ənɨ wɨ̀ nyaʼa sab əne, mɨchɔʼɔ nɨ nyaʼa bə kwàʼ rɨŋgəʼ bə̀ seə kwàʼ rɨŋgəʼ nyaʼa jwɨ̀ ɨgun ə bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d, mbɨ bə̀ wumnɨ anèŋ məd.

Ɨnû 16:21

Əwəŋ ə kyeŋ nɨ wɨ mɔʼ rəbɔʼ nyaʼə nìrə̀ ɨghabɨ mɨkirə̀ ɨwum tân nyaʼa nɔ̀ʼ rɨkaŋ feŋgɨ ɨgun ə bə̂d. Ənɨ əwəŋ ze ə nyaʼa feŋgɨ əne, mbɨ nyaʼa zɔ̀m ə Ŋwiə̀ ɨmbə̀ʼ ŋgəʼ ze nɨ əwəŋ ze ə nyaʼa zɨ ɨgun ə bə̂d, ɨmbə̀ʼ ɨghəm nɨ ŋgəʼ ze nyaʼa chè əbɔ.

Ɨnû 6:8

Mə nyaʼa neŋ, əne zə ngyǐ nɨ nyaʼa əfuʼnɨ əfuʼnɨ̀. Ɨkum wə̀d we nɨ nyaʼa kɔʼ ngyǐ ze yɨ Ɨvɨ. Əbeŋ ɨvɨ bə̂d zɨə nyaʼə beenɨ əbɔʼ məd. Mbɨ nyaʼa naʼ ɨka əmbɨ mɨ̀mə̌d ni mbɨ zwiirɨ bə̂d rɨŋga əbà ə fibɨ̀ tɨ ənɨ mbɨ kwè ɨgwɨ ə si ənɨ ə bid, ənɨ ə njì kǎ kǎ, ənɨ ɨwɔn bə̀ fɔrɨ ənɨ ə nyam tɔ̂ tɔ̂ te rɨ ɨgwɨ ə si.

Ɨnû 7:1

Ənɨ rɨ̀taanɨ njə̀m ze nyaʼa chě, mə nyaʼa zə mbɨ̀aŋgɨrə̀ mɨkwè nɨ nyaʼa təm ənɨ rɨbu te rɨ̀kwè ɨgwɨ ə si. Ɨ mbɨə nyaʼə kən ɨfim mbe ɨkwè rɨ ɨgwɨ ə si ɨmbə̀ʼ tɨ əfim ə mɔʼɔ ə chè i ɨgwɨ ə si kɨ ɨgwɨ rɨ̀bàà kɨ̀ chè nun əzed ə mɔʼɔ.

Ɨnû 9:15

Aŋgɨrə̀ we nyaʼa zà mbɨ̀aŋgɨrə̀ mbe mɨkwè. Ŋwìə̀ nyaʼa fə nùŋ ni ɨgwɨ ə awà wɔ̂, ɨgwɨ əni zɔ̂, ɨŋga ɨmɨg wɔ̂ bə̀ fɔrɨ ɨŋga əghəm əwu zɔ̂, mbɨ̀aŋgɨrə̀ mbe bɨrɨ zwiirɨ bə̂d əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad.

Ɨnû 9:18

Ŋgəʼ kǎ kǎ tɔ̂ rɨtad nyaʼa zwiirɨ əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad. Ŋgəʼ kǎ kǎ tɔ̂ yɨ ɨwid, ndiʼ mbɨ ə sɔlfò we nɨə jwɨ̀ rɨŋga mɨchû ngyi te.

Ɨnû 9:4

Mbɨ nyaʼa ghà əmbɨ mɨ̀mə̌d ni tɨ mbɨ tɔ ghɨ ə əghəm ənɨ ɨfu we rɨ ɨgwɨ ə si, kɨ ənɨ ɨkwɨ ɨghɨjìm mbe nɨə zɨ̀ rɨfuʼ, kɨ ənɨ ɨkwɨ ɨzed jìm. Mbɨ ghɨ əghəm àmei ənɨ ə bə̂d mɨ̀sɔŋɨchù mbe nɨ chəi Ŋwìə̀ zɨ ənweenɨ ənɨ ɨkəŋ ɨsɨ mɨ̀mə̌d.