Ɨnû 8:12 - Meta’

¹² Aŋgɨrə̀ we nɨ pe ənɨ mbɨ mɨkwè nyaʼa fə i taŋ, əne əghɨ ə mɔʼɔ ə nyaʼa nun əbà ə fibɨ̀ ənɨ mbɨ ghapɨ nyùmə̀ ɨba tad, ənɨ mbɨ ghapɨ ɨmɨg ɨba tad, bə̀ fɔrɨ ənɨ mbɨ ghapɨ rɨtəmɨ ɨba tad. Əba ə fibɨ̀ ənɨ mbɨ tad ənɨ ɨzeŋɨ zeŋɨ mɨ̀mə̌d nyaʼa fin. Chəi nyùmə̀ nyaʼa te ənɨ əba ə fibɨ̀ ənɨ mbɨ ghapɨ əni ɨba tad. Chəi ɨmɨg mbɨ rɨtəmɨ nyaʼa te ənɨ əbà ə fibɨ̀ ənɨ mbɨ ghapɨ ɨzimɨ ɨba tad.

Ikan feg

¹² Angirə̀ ne pè ane ikwè ya fə ìzi tì tàŋ, aba nyùmə̀ amɔʼ inga iba itad tì aba iməg amɔʼ inga iba itad fɔrɔ aba amɔʼ inga iba itad ane titəm iməg ya bə̀ŋə̀ se fḭ fḭ. Aba aneg amɔʼ inga iba itad tì aba izimi amɔʼ inga iba itad ya chughi afub.

Ɨnû 8:12 ပူးပေါင်းရင်းမြစ်များ

Matìyò 24:29

“Ɨni ŋgəʼ mbe nɨ mɨ mì i mi, nyùmə̀ bɨrɨ fin, kaʼ ɨmɨg bɨrɨ te i, tɨtəmɨ bɨrɨ nɔʼ rɨ əton ɨkaŋ feŋgɨ ə si, Ŋwìə̀ bɨrɨ chɨ ɨzwî mbe nɨ yeʼ ɨkaŋ.

Matìyò 27:45

Ɨ kɔ rɨ ənɨ mɨ̀nyùmə̀ wum chɔ̀b rɨ̀be əziə, ɨsɨ nyaʼa fin əbeŋ ə jìm. Mbɨ nyaʼa fin əne wò pè ənɨ mɨ̀nyùmə̀ tad.

Mk 13:24

Yeso yi ghà əmbɨ mbi mə̀mə̀ə̀nɨ̀-ɨnû ni, “Ɨŋga ɨni mbe, ənɨ ə ŋgəʼ ze fə che i, nyùmə̀ bɨrɨ fin, kaʼ ɨmɨg bɨrɨ bɨ te i,

Mk 15:33

Ənɨ əzi ə nyaʼa kǎ, ɨsɨ nyaʼa fin əbeŋ əjìm. Mbɨ nyaʼa fin əne wò pè ənɨ mɨ̀nyùmə̀ tad.

Lk 21:25

“Ɨnweenɨ bɨrɨ jwɨ̀ ənɨ ɨmɨg bə̀ fɔrɨ ənɨ rɨtəmɨ. Ŋgəʼ bɨrɨ nyɨ ɨŋga ɨbeŋ jìm ɨgwɨ ə si, ɨtu bə̂d bɨrɨ bùùrɨ̀ ɨghabɨ ɨchî nɨ rɨ̀bàà mbɨ mɨnib nɨə nɔ̀ʼə̀ swiʼə ə jùʼə̀.

Ɨ̀fàʼì 2:20

Nyùmə̀ bɨrɨ beŋ sɨə finə, ɨmɨg bə̀ beŋ sɨə bàŋ ɨghabɨ ənəm, bɔŋ əni ze nɨ Ə̀nùŋɨ̀sɨg bɨrɨ wɨrɨ yeʼe, nɨ yeʼ əni ə kyeŋ ze nɨ che ɨni jìm.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 16:10

Aŋgɨrə̀ we nɨ pe ənɨ mbɨ mɨtân nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨgun ətən ɨfɔ̀n ə nyam kyeŋ ze. Ənɨ wɨ̀ nyaʼa sab əne, ɨsɨ nyaʼa fin ɨŋga əsɨ ze nɨ nyam kyeŋ ze nyaʼə tùmbɨ̀ə̀. Bə̂d mbɨə nyaʼə kud ə əsɔŋ ɨmbə̀ʼ ɨchî nɨ mbɨ nyaʼə zəə ŋgəʼ.

Ɨnû 6:12

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ rɨ̀fuə, mə nyaʼa neŋ, əne zə ni si nyaʼa wùd kwàʼ rɨ̀kǎ. Nyùmə̀ nyaʼa fin ɨghabɨ tɨkurɨ ɨdì firɨ, ɨmɨg bə̀ bàŋ ɨghabɨ ənəm.

Ɨnû 9:15

Aŋgɨrə̀ we nyaʼa zà mbɨ̀aŋgɨrə̀ mbe mɨkwè. Ŋwìə̀ nyaʼa fə nùŋ ni ɨgwɨ ə awà wɔ̂, ɨgwɨ əni zɔ̂, ɨŋga ɨmɨg wɔ̂ bə̀ fɔrɨ ɨŋga əghəm əwu zɔ̂, mbɨ̀aŋgɨrə̀ mbe bɨrɨ zwiirɨ bə̂d əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad.

Ɨnû 9:18

Ŋgəʼ kǎ kǎ tɔ̂ rɨtad nyaʼa zwiirɨ əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad. Ŋgəʼ kǎ kǎ tɔ̂ yɨ ɨwid, ndiʼ mbɨ ə sɔlfò we nɨə jwɨ̀ rɨŋga mɨchû ngyi te.