Ɨnû 8:10 - Meta’

¹⁰ Aŋgɨrə̀ we nɨ pe ənɨ mbɨ mɨtad nyaʼa fə i taŋ, əne fɨtəmɨ kyeŋ nɨ nyaʼə te ɨghabɨ ɨkaʼi nyaʼa nɔʼ rɨkaŋ feŋ ɨgun əba ə fibɨ̀ ənɨ mbɨ ghapɨ mɨgyɨ̂ ɨba tad bə̀ feŋ ɨgun mɨ̀jwɨ̀-əmboŋ.

Ikan feg

¹⁰ Angirə̀ we ne pè ane itad ya fə ìzi tì tàŋ. Ane, fitəm-məg kyen kyen mɔ̀ʼɔ ne yaya bère ikaŋ àbɔ̀ŋɔ icheg anam ya fen igun aba amɔʼ inga iba itad ane tigyi kyen fɔrɔ ìdùrì.

Ɨnû 8:10 ပူးပေါင်းရင်းမြစ်များ

Matìyò 25:1

“Ənɨ ə nyùmə̀ we nɨ Kristo bɨrɨ wɨrɨ yeʼe, ənû ɨfɔ̀n rɨkaŋ bɨrɨ yeʼ ɨghabɨ ɨchî nɨ bɔn məyi wum nɨ nyaʼa nɨŋ mbə ɨnam jwɨ̀ wo bòm ɨnom ɨgən.

Lk 10:18

Yeso nyaʼa wììrɨ̀ əmbɨ mɨ̀mə̌d ni, “Mə kə̀ʼ zə ə Satàn nɨ feŋ rɨkaŋ ɨchî nɨ ɨbi mbə̀ŋ ə ŋwàŋə̀.

Jûd 1:13

Mbɨ yɨ ɨghabɨ rɨ̀bàà nɨə kɔʼə swiʼə kwàʼ rɨ̀kǎ ghɨ̀ əjo. Əjo ze yɨ tɨ̀nìd ətu əmbɨ mɨ̀mə̌d. Mbɨ yɨ ɨghabɨ rɨtəmɨ te nɨə yènɨ̀ yenɨ, nɨ Ŋwìə̀ fə nuŋ əsɨ əmbɨ mɨ̀mə̌d ɨŋga ɨsɨ mbe nɨə finə kììm. Mbɨ bɨrɨ chub əŋgu koŋ.

Ɨnû 1:20

Ənû ze nɨ yeʼ ənə̀mə ɨmbə̀ʼ rɨtəmɨ te sambe nɨ à zə ɨŋga mɨ əbɔ ə jɨgɨ bə̀ fɔrɨ ɨmbə̀ʼ ɨghɨ mbe sambe nɨ mbɨə te ɨnam ɨgun yɨ ni: rɨtəmɨ te sambe yɨ mbɨ̀aŋgɨrə̀ mbe nɨə nəŋgɨ rɨfetɨ bə̂d Kristo te sambe, ɨghɨ mbe sambe nɨ mbɨə te ɨnam ɨgun, nɨ mbɨ nyaʼa tekɨ ənɨ ə gôl yɨ rɨfetɨ bə̂d Kristo te sambe.”

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 14:7

Wɨ̀ nyaʼa ghà ənɨ ə gɨ̂ kǎ kǎ ni, “Mbə̀ bɔ ə Ŋwiə̀ bə̀ nàʼ ɨwumnɨ ɨ bɔ, ɨmbə̀ʼ ɨghəm nɨ nyùmə̀ we nɨ məd bɨrɨ saʼ bə̂d fə kùʼ. Mbə̀ wumnɨ əməd we nɨ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ mɨ̀jwɨ̀-əmboŋ!”

Ɨnû 16:4

Aŋgɨrə̀ we nɨ pe ənɨ mbɨ mɨtad nyaʼa sab ɨsə ɨtəm Ŋwiə̀ we nɨ nyaʼa ɨŋga əŋgupɨ əkaŋ əməd ɨŋga mɨgyɨ̂ kyeŋ fɔrɨ ɨŋga mɨ̀jwɨ̀-əmboŋ. Ənɨ wɨ̀ nyaʼa sab əne, mɨgyɨ̂ kyeŋ mbe mbɨ mɨ̀jwɨ̀-əmboŋ mbe nyaʼa bèŋ ənɨ ənəm.

Ɨnû 6:13

Tɨtəmɨ te rɨ əton ɨkaŋ nyaʼa feŋgɨ ə si ɨchî nɨ əfim ə chiʼ əzed tɨtam rɨ bɔd feŋgɨə.

Ɨnû 8:7

Aŋgɨrə̀ rɨtu nyaʼa fə i taŋ, əne əwəŋ mbɨ ɨwid, nɨ nyaʼa nyamɨ mbɨ ənəm, nyaʼa feŋgɨ ɨgwɨ ə si. Əba ə fibɨ̀ ənɨ mbɨ ghapɨ si ɨba tad nyaʼa fɨə. Əba ə fibɨ̀ ənɨ mbɨ ghapɨ ɨzed ɨba tad nyaʼa fɨə. Ɨfu zwɨ̂ jìm nyaʼa bə̀ fɨə.

Ɨnû 9:1

Aŋgɨrə̀ we nɨ pe ənɨ mbɨ mɨtân nyaʼa fə i tàŋ, əne mə nyaʼa zə fɨtəmɨ nɨ nyaʼa nɔʼ rɨkaŋ feŋ ɨgwɨ ə si. Mbɨ nyaʼa nàʼ əfiʼ tɨ ənɨ ɨchû ɨbɨgɨ nɨ chəi ɨnwǐ ɨ bɔ.

Ɨnû 9:15

Aŋgɨrə̀ we nyaʼa zà mbɨ̀aŋgɨrə̀ mbe mɨkwè. Ŋwìə̀ nyaʼa fə nùŋ ni ɨgwɨ ə awà wɔ̂, ɨgwɨ əni zɔ̂, ɨŋga ɨmɨg wɔ̂ bə̀ fɔrɨ ɨŋga əghəm əwu zɔ̂, mbɨ̀aŋgɨrə̀ mbe bɨrɨ zwiirɨ bə̂d əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad.

Ɨnû 9:18

Ŋgəʼ kǎ kǎ tɔ̂ rɨtad nyaʼa zwiirɨ əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad. Ŋgəʼ kǎ kǎ tɔ̂ yɨ ɨwid, ndiʼ mbɨ ə sɔlfò we nɨə jwɨ̀ rɨŋga mɨchû ngyi te.