Ɨnû 7:9 - Meta’

⁹ Ənɨ rɨ̀taanɨ njə̀m ze nyaʼa chě, mə nyaʼa nèŋ, əne zə ɨnɔ̂n bə̂d nɨ nyaʼa kwàʼ wɨ kyeŋ, nɨ chəi ənɨ tɨ̀ wə̀d nyaʼa taŋ. Mbɨ yɨə nyaʼə rɨŋga ɨbeŋ jìm, rɨŋga mɨnəbɨ jìm, rɨŋga ɨsɨ jìm bə̀ fɔrɨ rɨŋga mɨŋgam jìm. Mbɨ nyaʼa təm ɨfě ətən ɨfɔ̀n bə̀ təm ɨfě Wan njɨ̀g. Mbɨ nyaʼa zɨ̀ ngywɨ̌ tɨ rɨ̀fɨ bə̀ yim ɨzaŋ.

Ikan feg

⁹ Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.

Ɨnû 7:9 ပူးပေါင်းရင်းမြစ်များ

Lk 12:1

À nyaʼa ənɨ ə nyùmə̀ we, ɨnɔ̂n bə̂d chuʼ mbɨ ə chuʼ nyaʼa wò fetɨ. Mbɨ nyaʼa fetɨ əne, mbɨ mɔʼɔ sɨə tə̀ʼrɨ̀ə̀ mbɨ cherə. Yeso nyaʼa bè kɔ ghǎ əmbɨ mbi mə̀mə̀ə̀nɨ̀-ɨnû ni, “Mbə̀ we əwən ɨmbə̀ʼ ɨfuʼ mɨ̀Farisiî we nɨə ghɨ̀ ni ŋgə̀ŋ kɔʼ. Əne yɨ mə̀ gha ni mbə̀ we ɨmbə̀ʼ ɨbekɨ ɨnû mɨ̀mə̌d.

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Jn 12:13

Əne mbɨ nyaʼa nɨŋ ɨzaŋ ɨghəb jwɨ̀ wo bòm əməd. Mbɨ nyaʼə kyeŋə rɨ̀kǎ ghàə̀ ni, “Tɨ̀ yiirɨ ə Ŋwiə̀! Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum məd. Ŋwìə̀ zɨ əbɔrəbɔd ɨgun ɨfɔ̂n mɨ̀Izre!”

Rm 11:25

Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.

Efesùs 6:13

Əne mbə̀ zɨ ɨghɨ bid Ŋwiə̀ jìm ɨmbə̀ʼ əni rɨbɔ̀ŋ ze ə mɨ yeʼe, mbə təm kàànɨ̀. Mbə̀ nɨə fə ghɨ ɨnû jìm, mbə kɨrɨ təm kàànɨ̀.

Mə̀Hibrù 11:12

Əne tɨ ənɨ ə wə̀d wɔ̂ mɔʼ, nɨ nyaʼa fə sɨ i ɨghabɨ əvɨ ə wə̀d, mbɨ nyaʼa berɨ bɔn tɨ ənɨ əghaŋ əməd nɨ nyaʼa nɔʼ ɨghabɨ rɨtəmɨ te rɨ əton ɨkaŋ, bə̀ nɔʼ ɨghabɨ rɨsi ze nɨ yeʼ əŋgo rɨ̀bàà nɨ chəi ənɨ tɨ̀ wə̀d taŋ.

Mə̀Hibrù 12:22

Mbə fə yeʼe ɨkaŋ Ɨwum Zayɔ̀n. Mbə fə yeʼe ə Jèrusalèm we nɨ yeʼ ɨkaŋ, nɨ yeʼ əsɨ ə Ŋwìə̀ we nɨ yeʼ ɨkǎ. Mbə fə yeʼe əsɨ mbɨ̀aŋgɨrə̀ chuʼ mbɨ ə chuʼ nɨ fɔtɨ chub ənɨ ɨghaʼi.

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 22:3

Chəi əghɨ ə mɔʼɔ ze nɨ Ŋwìə̀ zɨ ndɔ̀n ɨgun bɨrɨ yeʼ ɨŋga əsɨ ze. Ətən ɨfɔ̀n ə Ŋwiə̀ mbɨ Wan njɨ̀g bɨrɨ yeʼ ɨŋga əsɨ ze, əne bə̂d ə̀fàʼì məd bɨrɨ wumnɨ əməd.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 5:11

Mə nyaʼa wɨrɨ nèŋ əne zu gɨ̂ mbɨ̀aŋgɨrə̀ əkam mbɨ əkam fɔrɨ chuʼ mbɨ ə chuʼ. Mbɨ nyaʼa təm kad ətən ɨfɔ̀n ze, kad ɨghɨ mbe ɨkwè nɨ yeʼ ɨkǎ bə̀ kad bə̂d kyeŋ mbe.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Ɨnû 6:11

Ŋwìə̀ nyaʼa nàʼ ngywɨ̌ rɨ̀fɨ əmbɨ əzwî ə mɔʼ mɔʼ rəbɔʼ ɨzwî mbe, ghà əmbɨ mɨ̀mə̌d ni mbɨ zwiirɨ ənɨ akə nyùmə̀ pè ənɨ ɨnun bə̂d mbe nɨə fàʼ əmbɨ Kristo mbɨ ɨnun bɔŋgɔb mbe nɨ mbɨ bɨrɨ zwiirɨ ɨchî nɨ mbɨ nyaʼa zwiirɨ mɨ̀mə̌d fə kuʼu.

Ɨnû 7:8

zɨ̀ ɨgun ə bə̂d chuʼ wum chɔ̀b rɨ̀be ɨŋga ɨnəbɨ Zebulùn, zɨ̀ ɨgun ə bə̂d chuʼ wum chɔ̀b rɨ̀be ɨŋga ɨnəbɨ Jòsêf, zɨ̀ ɨgun ə bə̂d chuʼ wum chɔ̀b rɨ̀be ɨŋga ɨnəbɨ Benjamìn.