Ɨnû 7:2 - Meta’

² Mə nyaʼa zə aŋgɨrə̀ cherə nɨ nyaʼə kɔʼ rɨ əbà ze nɨ nyùmə̀ ə jwɨ̀ə̀. Wɨ̀ nyaʼa yim əghɨ ze nɨ Ŋwìə̀ we nɨ yeʼ ɨkǎ ə zɨ̀ ənweenɨ ɨgwɨ mbi bə̂d. Wɨ̀ nyaʼa kyeŋ rɨkǎ əbɔʼ mbɨ̀aŋgɨrə̀ mbe mɨkwè nɨ nyaʼa berɨ ɨka nɨ ghɨ əghəm ənɨ ə si bə̀ ghɨ̀ ənɨ rɨ̀bàà.

Ikan feg

² Mə ya bàd angirə̀ ndəŋ ne yaya kɔ̀ʼɔ ane aba ze ne nyùmə̀ we dùwə̀. Wì ya nyimi aghi ze ne Ŋwiye we ne yaʼi izɔm we zìyè ineni igun ìmbi bəd angu. Wì ya kyen ane gì ka ka ghàm abə mbè angirə̀ mbe məkwè ne ya beri ika ni zì anə ane ìseg bə̀ zì anə ane tìbà.

Ɨnû 7:2 ပူးပေါင်းရင်းမြစ်များ

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

2 Kɔrèn 1:22

zɨ̀ ənweenɨ əməd ɨgwɨ na, bə̀ zɨ̀ e Əzwî ɨŋga ta fîŋ. Əzwî ze yɨ əghɨ rəbɔʼ mbe nɨ wɨ̀ kaʼ ni tə bɨrɨ naʼ ɨ na.

Efesùs 1:13

Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

1 Tèsàlonikà 1:9

ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

Mə̀Hibrù 12:22

Mbə fə yeʼe ɨkaŋ Ɨwum Zayɔ̀n. Mbə fə yeʼe ə Jèrusalèm we nɨ yeʼ ɨkaŋ, nɨ yeʼ əsɨ ə Ŋwìə̀ we nɨ yeʼ ɨkǎ. Mbə fə yeʼe əsɨ mbɨ̀aŋgɨrə̀ chuʼ mbɨ ə chuʼ nɨ fɔtɨ chub ənɨ ɨghaʼi.

Ɨnû 1:3

Ŋwìə̀ zɨ əbɔrəbɔd ɨgun ə wə̀d we nɨ foŋ mɨŋgam mbɔ̂ ɨmbə̀ʼ ɨnû mbe nɨ bɨrɨ ghɨ̀. Ŋwìə̀ zɨ əbɔrəbɔd ɨgun ə bə̂d mbe nɨ zu mɨŋgam mbɔ̂ bə̀ ghɨ̀ ɨnû mbe nɨ mbɨ ŋwàʼnɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ ghɨ̀ fə tiinə.

Ɨnû 10:1

Mə nyaʼa zə aŋgɨrə̀ cherə nɨ berɨ ɨka nɨ nyaʼə swiʼə rɨkaŋ yeʼe. Ngywɨ̌ aŋgɨrə̀ we yɨə nyaʼə pàʼ. Tə̀nàbə nyaʼa kad ətu əməd. Ɨfě məd wɨə nyaʼə te ɨchî nɨ nyùmə̀ ə teə. Ɨwu məd mbɨə nyaʼa ɨghabɨ ə təʼ nɨə berɨə ɨchî nɨ ɨwid ə berɨə.

Ɨnû 10:4

Ənɨ mbə̀ŋ ze nyaʼa kum ɨghəm sambe, mə nyaʼa nɨrə ŋwàʼnɨ̀ ɨnû mbe nɨ mbə̀ŋ ze nyaʼa kumɨ ghà ɨ num, àyɨə mə nyaʼa zu gɨ̂ nɨ nyaʼa ghàm rɨkaŋ ghà ni, “Tɨrə̀ tɔ ghà e ənû ze nɨ mbə̀ŋ kum ɨghəm sambe ghà ɨ ne. Tɨrə̀ bɨ tɔ ŋwàʼnɨ̀ e ə si.”

Ɨnû 16:12

Aŋgɨrə̀ we nɨ pe ənɨ mbɨ rɨ̀fuə nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨgwɨ ɨgyɨ̂ kyeŋ we nɨ mbɨə tɔŋ ənɨ ə Yufretìs. Ənɨ wɨ̀ nyaʼa sab əne, ɨgyɨ̀ kyeŋ we nyaʼa zom. Wɨ̀ nyaʼa zom ɨmbə̀ʼ tekɨ ɨnə̂njɨ̀ əmbɨ mɨfɔ̀n mbe rɨ əbà ze nɨ nyùmə̀ ə jwɨ̀ə̀.

Ɨnû 5:2

Mə nyaʼa bə̀ zə aŋgɨrə̀ kǎ kǎ mɔʼɔ, nɨ nyaʼə saʼ ənɨ gɨ̂ nɨ kǎ ni, “À kɨə we nɨ kuʼu nɨ tɨ̀ wɨ̀ kyeʼrɨ ɨneŋ we fiʼ ə̀ŋwàʼnɨ̀ ze nɨ mbɨ karɨ ə?”

Ɨnû 8:3

Aŋgɨrə̀ cherə, nɨ nyaʼa yim əkaŋ nɨ mbɨ tekɨ ənɨ ə gôl, nyaʼa yeʼe təm ɨban ɨkwi ɨjə̀ŋ ə̀fààrɨ̀. Mbɨ nyaʼa nàʼ ɨneŋ nɔnɔʼ ɨ bɔ ni wɨ̀ nyam əbɔʼ ɨ̀kɔ̀ŋgɨ̀ bə̂d Ŋwiə̀ mɨ̀jìm əne tɔ̀n ɨgun ɨkwi ɨjə̀ŋ we nɨ mbɨ nyaʼa tekɨ ənɨ ə gôl, nɨ nyaʼa ɨfě ətən ɨfɔ̀n ə Ŋwiə̀.

Ɨnû 9:14

Gɨ̂ ze nyaʼa ghà əmbɨ aŋgɨrə̀ we nɨ pe ənɨ mbɨ rɨ̀fuə ni, “Za mbɨ̀aŋgɨrə̀ mbe mɨkwè nɨ mbɨ kod ɨgyɨ̀ kyeŋ we nɨ mbɨə tɔŋ ənɨ ə Yufretìs.”

Ɨnû 9:4

Mbɨ nyaʼa ghà əmbɨ mɨ̀mə̌d ni tɨ mbɨ tɔ ghɨ ə əghəm ənɨ ɨfu we rɨ ɨgwɨ ə si, kɨ ənɨ ɨkwɨ ɨghɨjìm mbe nɨə zɨ̀ rɨfuʼ, kɨ ənɨ ɨkwɨ ɨzed jìm. Mbɨ ghɨ əghəm àmei ənɨ ə bə̂d mɨ̀sɔŋɨchù mbe nɨ chəi Ŋwìə̀ zɨ ənweenɨ ənɨ ɨkəŋ ɨsɨ mɨ̀mə̌d.