Ɨnû 6:16 - Meta’

¹⁶ Mbɨ nyaʼa kyeŋ ghà əmbɨ rɨwum te bə̀ ghà əmbɨ rɨwɔ̌ te ni, “Mbə̀ su ɨgwɨ na, nə̀m əwa rɨ əmbɨ ə məd we nɨ chub ɨgun ətən ɨfɔ̀n, bə̀ nə̀m əwa rɨ ənɨ ɨchə we nɨ Wan njɨ̀g bɨrɨ chə əwa,

Ikan feg

¹⁶ Mbɔb ya kyen abə tiwum fɔrɔ abə tigho gha, “Mbə̀ suyə igun ina. Mbə̀ nəmbə awa abə Wə̀d we ne chughi igun atən ifɔn. Mbə̀ bə nə̀mbì imbə̀ʼ icheg ne Ŋwan njə̀g we gàŋa ina bə̀ kə̀bə̀ ni chə awa!

Ɨnû 6:16 ပူးပေါင်းရင်းမြစ်များ

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

Lk 23:30

Əne mbɨ bɨrɨ kɔ ghǎ əmbɨ rɨwum kyeŋ ni, 'Mbə̀ su ɨgwɨ na,' bə̀ ghà əmbɨ rɨwum kwa ni, 'Mbə̀ kubrɨ əwa.'

Ɨnû 10:6

əne kàn ənɨ ɨkum məd we nɨ ten i koŋ, nɨ à yɨə məd nyaʼa tekɨ ɨkaŋ bə̀ tekɨ ɨghɨjìm mbe nɨ yeʼ ɨkaŋ, tekɨ si bə̀ tekɨ ɨghɨjìm mbe nɨ yeʼ ɨgwɨ ə si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga rɨ̀bàà. Wɨ̀ nyaʼa kàn ghà ni, “Chəi Ŋwìə̀ bɨrɨ wɨrɨ wòm.

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.

Ɨnû 20:11

Mə nyaʼa zə ətən ɨfɔ̀n ə kyeŋ ə fufu bə̀ zə məd we nɨ nyaʼa chub ɨgun. Ɨkaŋ mbɨ ə si nyaʼa nim rɨ ɨfě məd. Chəi mbɨ nyaʼa wɨrɨ zə mɨ̀mə̌d.

Ɨnû 4:2

Àmei əwu əwən, Əzwî ə nyaʼa nyɨ ɨŋga num, əne mə nyaʼa zə ətən ɨfɔ̀n ɨkaŋ, bə̀ zə wə̀d we nɨ nyaʼa chub ɨgun ətən ze.

Ɨnû 4:5

Ɨbi mbə̀ŋ wɨə nyaʼə ŋwàŋə̀, gɨ̂ rɨ mɔʼɔ ghàmə̀, mbə̀ŋ bə̀ kùmə̀ rɨ ənɨ ətən ɨfɔ̀n ze. Tɨbiŋ rɨkaʼi sambe tɨə nyaʼə berə ɨfě məd. Tɨbiŋ rɨkaʼi te yɨ ɨzwî mbe sambe nɨə fàʼ əmbɨ ə Ŋwiə̀.

Ɨnû 4:9

Ənɨ ɨghɨ mbe nɨ yeʼ ɨkǎ naʼ wumnɨ, yiirɨ bə̀ nàʼ məben-əwe əmbɨ məd we nɨ chub ɨgun ətən ɨfɔ̀n ze, nɨ wɨ̀ yeʼ ɨkǎ koŋ koŋ,

Ɨnû 5:1

Mə nyaʼa zə ə̀ŋwàʼnɨ̀ nɨ mbɨ karɨ ɨŋga əbɔ ə jɨgɨ məd we nɨ nyaʼa chub ɨgun ətən ɨfɔ̀n. Mbɨ nyaʼa ŋwàʼnɨ̀ ɨnû ɨgun ə̀ŋwàʼnɨ̀ ze ɨba jìm, kad ə̀ŋwàʼnɨ̀ ze sɨ neŋ ɨsɨ sambe.

Ɨnû 6:10

Mbɨ nyaʼa kyeŋ ənɨ ə gɨ̂ nɨ kǎ ni, “Ə̀tùmbɨ̀ ɨsɨg nɨ zeŋɨ màànɨ̀, nɨə ghɨ̀ ɨnû mbe nɨ wɨ̀ ghǎ, əgha ə kɨə wo sa rɨ ye bɔŋ à sob ɨsaʼi bə̂d mbe nɨ yeʼ ɨgwɨ ə si əne wì ɨchî nɨ mbɨ nyaʼa zwiirɨ əwa ə?”

Ɨnû 9:6

Ənɨ əmɨg ze ətân, bə̂d bɨrɨ kəb ni ɨvɨ nɨŋ mɨ̀mə̌d, àyɨə chəi mbɨ bɨrɨ zə ɨvɨ. Mbɨ bɨrɨ kəb ni mbə̀ kwɨ, àyɨə chəi ɨvɨ bɨrɨ yeʼe.