Ɨnû 6:10 - Meta’

¹⁰ Mbɨ nyaʼa kyeŋ ənɨ ə gɨ̂ nɨ kǎ ni, “Ə̀tùmbɨ̀ ɨsɨg nɨ zeŋɨ màànɨ̀, nɨə ghɨ̀ ɨnû mbe nɨ wɨ̀ ghǎ, əgha ə kɨə wo sa rɨ ye bɔŋ à sob ɨsaʼi bə̂d mbe nɨ yeʼ ɨgwɨ ə si əne wì ɨchî nɨ mbɨ nyaʼa zwiirɨ əwa ə?”

Ikan feg

¹⁰ Mbɔb ya biri ane gì ka ka gha, “Atumbisəg, àghò ya Ŋwiye ìzḛzḛ bə̀ Ŋwiye tesiʼ. Agha kə ywìrì sà iye bɔŋ àghò sɔb isaʼi igun bəd igun isəg bə̀ chə awɔb imbə̀ʼ icheg ne mbi ya zweti awa?”

Ɨnû 6:10 ပူးပေါင်းရင်းမြစ်များ

Lk 2:29

“Ə̀nùŋɨ̀sɨg, tɨ̀nîn sɨ sàŋ ni e wə̀d ə̀fàʼì kwɨ ənɨ əbɔrəbɔd, ɨchî nɨ à nyaʼa fə kaʼi;

Lk 21:22

ɨmbə̀ʼ ɨghəm nɨ ɨŋga ɨni mbe, Ŋwìə̀ bɨrɨ sə ɨtəm, əne zɨ̀ ɨchə ɨgwɨ ə bə̂d ɨmbə̀ʼ ɨnû rɨbɔ̀ŋ mɨ̀mə̌d. Əne yɨ ɨmbə̀ʼ ɨnû jìm mbe nɨ mbɨ nyaʼa ŋwaʼnɨ jwɨ ənɨ rəsìʼ.

Rm 12:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ wi ə pə̀n, àyɨə mbə saŋ ənû nɨ wi pə̀n əmbɨ ə Ŋwiə̀, ɨmbə̀ʼ ɨghəm nɨ ə zɨ ɨŋga Ə̀ŋwàʼnɨ̀ ə Ŋwiə̀ ni, Ə̀nùŋɨ̀sɨg ə ghà ni, “À yɨ mɔ̌ ə wìə̀ pə̀n. Mə bɨrɨ wì.”

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

Ɨnû 11:18

Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”

Ɨnû 18:24

Ənəm ə bə̂d ɨ̀kə̀n, ənəm ə bə̂d Ŋwiə̀ mbɨ ənəm ə bə̂d mɨjìm mbe nɨ mbɨ nyaʼa zwiirɨ ɨgwɨ ə si fə tàb əwe.”

Ɨnû 19:2

Tɨ̀ ghɨ̀ əne ɨmbə̀ʼ ɨghəm nɨ ɨchî nɨ məd ə chəə bə̂d ə kaŋ kùʼ. À yɨə bə̀ ɨchî rəsìʼ. Wɨ̀ fə zɨ̀ ɨchə ɨgwɨ ə̀kùnɨ̀ əka ze nɨ nyaʼə chə̀kɨ̀ ɨsɨg ɨchî nɨ wɨ̀ nyaʼə niirɨə mbaŋə̀ əbəŋ əbəŋ. Ŋwìə̀ fə zɨ̀ ɨchə ɨgwɨ məd ɨmbə̀ʼ ɨghəm nɨ wɨ̀ nyaʼa zwiirɨ bə̂d ə̀fàʼì məd.”

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.