Ɨnû 5:5 - Meta’

⁵ Wə̀d mɔʼɔ rəbɔʼ bə̂d kyeŋ mbe nyaʼa ghà ɨ num ni, “Tɨrə̀ chweŋ e mɨsɨ. Zə, Ŋgwàbaʼ we rɨŋga ɨnəbɨ Judà, nɨ yeʼ rɨ ənɨ əghaŋ Ɨfɔ̂n Dèvîd, fə baŋ mbi bə̂d pə̀n, əne ɨ we tɨ̀ wɨ̀ kyeʼrɨ ɨneŋ we ɨsɨ mbe sambe, fiʼ ə̀ŋwàʼnɨ̀ ze.”

Ikan feg

⁵ Ane, wə̀d mɔ̀ʼɔ abɔ̀ʼ itog bəd mbe ya ghà inum gha, “Imbə̀ʼ àghò dèghe awe. Nḛ, wə̀d we ne yaʼi icheg Àfɔn inga inəbi Judà, ne yaʼi aghaŋ inga inəbi ifɔn Dèvid, wì fə chè ìmbi bəd ìpàb. Ane, məd kòʼ ni chì isiŋi ìnen mbe ìsàmbe, fìʼì àŋwàʼrì ze.”

Ɨnû 5:5 ပူးပေါင်းရင်းမြစ်များ

Lk 23:28

Àyɨə Yeso nyaʼa bèŋ nèŋ mɨ̀mə̌d ghà ni, “Bɔn məyi rɨ ə Jèrusalèm, tɨ mbə̀ chweŋ ə mɨsɨ ɨmbə̀ʼ əmɨ, mbə̀ chweŋ mɨsɨ yeʼ ɨmbə̀ʼ ə ɨnyod fɔrɨ ɨmbə̀ʼ mbə bɔn.

Lk 7:13

Ənɨ Ə̀nùŋɨ̀sɨg nyaʼa zə əməd, wɨ̀ nyaʼa kə̀n ənɨ məd ghà ɨ bɔ ni, “Tɨrə̀ dì e.”

Lk 8:52

Bə̂d mɨ̀jìm mbe nɨ nyaʼa əŋgu mbɨə nyaʼə zə̀ʼə̀, dìə̀ wan we. Àyɨə Yeso nyaʼa ghà əmbɨ mɨ̀mə̌d ni, “Tɨ mbə̀ zəʼ ə ɨmbə̀ʼ ɨghəm nɨ chəi wɨ̀ kɨrɨ kwɨ. Ɨ wɨə gwenɨ i gwenɨ.”

Jn 20:13

Mbɨ nyaʼa biirɨ ɨ bɔ ni, “Əyî, à kɨə zə̀ʼ ə ye ə?” Wɨ̀ nyaʼa wììrɨ̀ əmbɨ mɨ̀mə̌d ni, “Mbɨ fə chɨ̀ mɨ Ə̀nùŋɨ̀sɨg, əne chəi mə kyerɨ əsɨ ze nɨ mbɨ nuŋ əməd əŋgu.”

Rm 1:3

Ɨkə̂n chɔ̀m wɔ̂ yɨ ɨmbə̀ʼ Wan məd, nɨ nyaʼə tɨ ənɨ əghaŋ ə Dèvîd ənɨ ɨgywɨ.

Rm 15:12

Wə̀d ɨ̀kə̀n Ŋwìə̀ Aizayà nyaʼa bə̀ yì ghà ni, “Wan bɨrɨ jwɨ rɨ ənɨ əghaŋ ə Jesè, nɨ bɨrɨ tumbɨ bə̂d mbe nɨ kaʼi mɨ̀Jû, əne mbɨ bɨrɨ nuŋ tə rɨkɔndɨ ɨgwɨ məd.”

Mə̀Hibrù 7:14

Zɨə zeŋ ni a Ə̀nùŋɨ̀sɨg yɨə nyaʼa rɨŋga ɨnəbɨ Judà. Chəi Mose nyaʼa gha ənû ə mɔʼɔ ɨmbə̀ʼ bə̂d mbàn Ŋwìə̀ dè ɨnəbɨ we.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.

Ɨnû 4:10

bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 5:4

Mə nyaʼa chweŋ mɨsɨ kwàʼ rɨŋgəʼ ɨmbə̀ʼ ɨghəm nɨ chəi wə̀d mɔʼɔ nɨ kəʼ kùʼ nɨ fiʼ ə̀ŋwàʼnɨ̀ ze kɨ̀ nɨ be nèŋ ɨŋga.

Ɨnû 6:1

Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨnû 7:13

Wɨ mɔʼɔ rəbɔʼ bə̂d kyeŋ mbe nyaʼa biirɨ ɨ num ni, “Bə̂d mbɔ̂ nɨ zɨ ngywɨ̌ tɨ rɨ̀fɨ kɨ mɨ̀we ə? Mbɨ kɨ rɨ ə yi ə?”