Ɨnû 5:13 - Meta’

¹³ Mə nyaʼa zu gɨ̂ ɨghɨjìm mbe nɨ Ŋwìə̀ nyaʼa tekɨ ɨkaŋ, tekɨ ɨgwɨ ə si, tekɨ əton ə si, tekɨ ɨŋga rɨ̀bàà. Mə nyaʼa bə̀ zu gɨ̂ ɨghɨjìm mbe nɨ yeʼ ɨŋga mɨ̀mə̌d. Ɨghɨ mbe mbɨə nyaʼə kwerɨ ɨkyî ghàə̀ ni, “Mbə̀ naʼ əbɔrəbɔd, nàʼ wumnɨ, yiirɨ bə̀ tìmbɨ̀ ɨka məd we nɨ chub ɨgun ətən ɨfɔ̀n. Mbə̀ bə ghɨ̀ əne ənɨ ə Wan njɨ̀g koŋ koŋ.”

Ikan feg

¹³ Mə ya zug gì ighi ijìm mbe ne Ŋwiye ya tangi ikaŋ àbɔ̀ŋɔ, tangi igun isəg, tangi aton isəg, tangi inga tìbà. Mə ya bə̀ zug gì ighi izɔm ijìm mbe ne yaʼi inga inɔb. Ighi mbe yaya zə̀ʼə̀ ikyeg gha, “Mbə̀ nàʼ ighumni, nàʼ məyakà bə̀ nàʼ ika ibo, məd we ne chughi igun atən ifɔn. Mbə̀ bə ghì ane abə Ŋwan njə̀g kwàʼ ane ighə̀m imɔʼ.”

Ɨnû 5:13 ပူးပေါင်းရင်းမြစ်များ

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Rm 11:36

À yɨə məd nyaʼa tekɨ ɨghɨjìm, ɨghɨjìm mbɨ əŋgu ənjìm məd, ɨghɨjìm yɨə bə mbɨ məd. Tɨ̀ wumnɨ əməd koŋ. À yɨ əne.

Rm 16:27

Mbə̀ naʼ ɨwumnɨ we nɨ ten i koŋ, ənjìm ə Yeso Kristo, əmbɨ ə Ŋwìə̀ we mɔʼ nɨ berɨ ɨwe! À yɨ əne.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

Efesùs 3:21

Tɨ̀ghə̀m rɨ bə̂d rɨ̀jìm te nɨ yeʼ ɨŋga ɨfetɨ bə̂d Kristo mbɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso wumnɨ Ŋwiə̀ koŋ koŋ! À yɨ əne.

Fìlipì 2:10

Wə̀d mɔʼɔ mɨ tɔŋ ɨkum Yeso, bə̂d mɨ̀jìm ɨkaŋ, ɨgwɨ ə si, mbɨ əton ə si bɨrɨ chìndɨ̀ ɨtu ɨnywɨ ə si.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

1 Timotì 4:16

We əwe ɨmbə̀ʼ e nyamnyod bə̀ we əwe ɨmbə̀ʼ ɨnû mbe nɨ àwɔ̀ ə chwiə. Yim ɨnû mbe nɨ mə̀ gha ɨ ne ɨmbə̀ʼ ɨghəm nɨ à mɨ ghɨ̀ əne, àwɔ̀ mbɨ ə bə̂d mbe nɨə zu ɨnû mbe nɨ àwɔ̀ ə ghàə̀ bɨrɨ jwɨ̀ rəŋgəʼ.

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

1 Pità 5:11

Məd tumbɨ ɨsɨg koŋ koŋ. À yɨ əne.

Jûd 1:25

Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.

Ɨnû 1:6

Wɨ̀ nyaʼa ghɨ̀ əwa ənɨ mɨfɔ̂n bə̀ fɔrɨ ənɨ ə bə̂d mbàn ɨŋga ənû ɨfɔ̀n ə Ŋwiə̀. Wɨ̀ nyaʼa ghɨ̀ əne ɨmbə̀ʼ tɨ̀ fàʼ əmbɨ Ŋwiə̀ məd, nɨ bə̀ yeʼ Mbǎʼ məd. Tɨ̀ wumnɨ Yeso Kristo nɨ berɨ ɨka nɨ tumbɨ ɨsɨg koŋ koŋ! À yɨ əne.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 5:1

Mə nyaʼa zə ə̀ŋwàʼnɨ̀ nɨ mbɨ karɨ ɨŋga əbɔ ə jɨgɨ məd we nɨ nyaʼa chub ɨgun ətən ɨfɔ̀n. Mbɨ nyaʼa ŋwàʼnɨ̀ ɨnû ɨgun ə̀ŋwàʼnɨ̀ ze ɨba jìm, kad ə̀ŋwàʼnɨ̀ ze sɨ neŋ ɨsɨ sambe.

Ɨnû 5:12

Ɨ mbɨə nyaʼə kwerɨ ɨkyî ənɨ ə gɨ̂ kǎ kǎ ghàə̀ ni, “Wan njɨ̀g we nɨ mbɨ nyaʼa kyemɨ ə kùʼ ni mbɨ naʼ ɨka, naʼ mbɔ̂n, naʼ ɨwe, naʼ ɨwumnɨ bə̀ naʼ ɨzeŋɨ zeŋɨ ɨ bɔ. Wɨ̀ bə̀ kùʼ ni mbɨ zɨ əbɔrəbɔd ɨgwɨ məd!”

Ɨnû 5:3

Chəi wə̀d mɔʼɔ ɨkaŋ kɨ̀ ɨgwɨ ə si kɨ̀ əton ə si nɨ tɨ̀ wɨ̀ kə̀ʼ fìʼ ə̀ŋwàʼnɨ̀ ze kɨ̀ bè nèŋ ɨŋga.

Ɨnû 5:6

Mə nyaʼa zə Wan njɨ̀g nɨ nyaʼa təm ɨŋga mɨgharə̀ ətən ɨfɔ̀n, ɨŋga mɨgharə̀ ɨghɨ mbe ɨkwè nɨ yeʼ ɨkǎ bə̀ təm əkaʼ bə̂d kyeŋ mbe. Zɨə chub ɨghabɨ ni mbɨ nyaʼa fə kyemɨ Wan njɨ̀g we, àyɨə ɨ zɨ i ɨkǎ. Zɨ̀ nyaʼa berɨ ndɔŋ sambe mbɨ əghə ə sambe. Əghə ze sambe yɨ ɨzwî mbe sambe nɨə fàʼ əmbɨ ə Ŋwiə̀, nɨ Ŋwìə̀ nyaʼa cha ɨŋga ɨsɨg jìm.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Ɨnû 6:16

Mbɨ nyaʼa kyeŋ ghà əmbɨ rɨwum te bə̀ ghà əmbɨ rɨwɔ̌ te ni, “Mbə̀ su ɨgwɨ na, nə̀m əwa rɨ əmbɨ ə məd we nɨ chub ɨgun ətən ɨfɔ̀n, bə̀ nə̀m əwa rɨ ənɨ ɨchə we nɨ Wan njɨ̀g bɨrɨ chə əwa,