Ɨnû 5:11 - Meta’

¹¹ Mə nyaʼa wɨrɨ nèŋ əne zu gɨ̂ mbɨ̀aŋgɨrə̀ əkam mbɨ əkam fɔrɨ chuʼ mbɨ ə chuʼ. Mbɨ nyaʼa təm kad ətən ɨfɔ̀n ze, kad ɨghɨ mbe ɨkwè nɨ yeʼ ɨkǎ bə̀ kad bə̂d kyeŋ mbe.

Ikan feg

¹¹ Mə ya ywìrì nèn, si zug gì mbè angirə̀ akam tì akam fɔrɔ chuʼ tì chuʼ. Mbi ya təm chè kad atən ifɔn ze, chè kad ighi izɔm mbe ikwè bə̀ chè kad itog bəd mbe.

Ɨnû 5:11 ပူးပေါင်းရင်းမြစ်များ

Mə̀Hibrù 12:22

Mbə fə yeʼe ɨkaŋ Ɨwum Zayɔ̀n. Mbə fə yeʼe ə Jèrusalèm we nɨ yeʼ ɨkaŋ, nɨ yeʼ əsɨ ə Ŋwìə̀ we nɨ yeʼ ɨkǎ. Mbə fə yeʼe əsɨ mbɨ̀aŋgɨrə̀ chuʼ mbɨ ə chuʼ nɨ fɔtɨ chub ənɨ ɨghaʼi.

Jûd 1:14

À yɨ ɨmbə̀ʼ ə bə̂d mbɔ̂ nɨ Enɔ̀k nyaʼa ghamɨ rəŋwe. Enɔ̀k yɨə nyaʼə tɨ ənɨ əghaŋ ə Adàm nɨ pè ənɨ ɨwaŋ sambe. Wɨ̀ nyaʼa ghà ni, “Mbə̀ zə, Ə̀nùŋɨ̀sɨg wɨə yeʼe mbɨ mbi mbɨ̀aŋgɨrə̀ zeŋɨ chuʼ mbɨ ə chuʼ

Ɨnû 19:6

Mə nyaʼa zu əghɨ ə mɔʼɔ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨghabɨ ɨchî nɨ mbə̀ŋ ə kùmə̀. Zɨ̀ nyaʼə ghàə̀ rɨ̀kǎ ni, “Tɨ̀ yiirɨ ə Ŋwiə̀! Ə̀nùŋɨ̀sɨg a Ŋwìə̀kɔʼ wɨə sɨə tùmbɨ̀ə̀ mbi bə̂d.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 4:6

Əghɨ ə mɔʼɔ zɨə nyaʼa ɨfě ətən ɨfɔ̀n ze ɨghabɨ rɨ̀bàà mɨ̀manèm nɨ tɨ̀ wə̀d zə ɨghɨ ənjìm, ɨchî nɨ mbɨə zə ənjìm ə kristal. Ɨghɨ mɔʼɔ ɨkwè nɨ yeʼ ɨkǎ, nyaʼa təm kad ətən ɨfɔ̀n ze ənɨ ɨba məd mbe ɨkwè. Əghə ə nyaʼa swi ɨgwɨ ɨghɨ mbe ɨfě bə̀ fɔrɨ ə njìm.

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.

Ɨnû 5:6

Mə nyaʼa zə Wan njɨ̀g nɨ nyaʼa təm ɨŋga mɨgharə̀ ətən ɨfɔ̀n, ɨŋga mɨgharə̀ ɨghɨ mbe ɨkwè nɨ yeʼ ɨkǎ bə̀ təm əkaʼ bə̂d kyeŋ mbe. Zɨə chub ɨghabɨ ni mbɨ nyaʼa fə kyemɨ Wan njɨ̀g we, àyɨə ɨ zɨ i ɨkǎ. Zɨ̀ nyaʼa berɨ ndɔŋ sambe mbɨ əghə ə sambe. Əghə ze sambe yɨ ɨzwî mbe sambe nɨə fàʼ əmbɨ ə Ŋwiə̀, nɨ Ŋwìə̀ nyaʼa cha ɨŋga ɨsɨg jìm.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ɨnû 7:11

Mbɨ̀aŋgɨrə̀ mbe mɨ̀jìm nyaʼa təm kad ətən ɨfɔ̀n ze, kad bə̂d kyeŋ mbe bə̀ kad ɨghɨ mbe ɨkwè nɨ yeʼ ɨka. Mbɨ nyaʼa gù nòkɨ̀ ə si rəkubə ɨfě ətən ɨfɔ̀n ze wumnɨ ə Ŋwiə̀,

Ɨnû 9:16

Mə nyaʼa zu ɨnun mɨ̀sɔgyɨ̀ we nɨ nyaʼa kɔʼ ngyi. Ɨnun mɨ̀mə̌d yɨə nyaʼa chuʼ əkam əkɨ əbe.