Ɨnû 4:6 - Meta’

⁶ Əghɨ ə mɔʼɔ zɨə nyaʼa ɨfě ətən ɨfɔ̀n ze ɨghabɨ rɨ̀bàà mɨ̀manèm nɨ tɨ̀ wə̀d zə ɨghɨ ənjìm, ɨchî nɨ mbɨə zə ənjìm ə kristal. Ɨghɨ mɔʼɔ ɨkwè nɨ yeʼ ɨkǎ, nyaʼa təm kad ətən ɨfɔ̀n ze ənɨ ɨba məd mbe ɨkwè. Əghə ə nyaʼa swi ɨgwɨ ɨghɨ mbe ɨfě bə̀ fɔrɨ ə njìm.

Ikan feg

⁶ Aghi mɔ̀ʼɔ ne yaya zùʼə icheg manə̀m bə̀ ŋwàŋi ŋwaŋi icheg aghi mɔ̀ʼɔ ne mbe kàrà ane kristà ya təm imbìghè abə atən ighumni ze. Ighi izɔm mɔ̀ʼɔ ikwè ya kam atən ifɔn ze iba ijìm. Ighi izɔm mbe ya bèrì aghə imbìghè fɔrɔ anjìm.

Ɨnû 4:6 ပူးပေါင်းရင်းမြစ်များ

Ɨnû 14:3

Bə̂d mbe chuʼ ɨkɨ fibɨ̀ mbɨ ɨwum kwè chɔ̀b rɨ̀kwè nyaʼa təm ɨfě ətən ɨfɔ̀n, ɨfě ɨghɨ ɨkwè mbe nɨ yeʼ ɨkǎ fɔrɨ ɨfě bə̂d kyeŋ mbe nyaʼə kwerɨ ɨkyî fi. Chəi wə̀d mɔʼɔ nɨ tɨ̀ wɨ̀ nyaʼa kwembɨ ɨkyî we chè rɨ ənɨ ə bə̂d mbe chuʼ ɨkɨ fibɨ̀ mbɨ ɨwum kwè chɔ̀b rɨ̀kwè nɨ Ŋwìə̀ nyaʼa choʼ mɨ̀mə̌d rɨ ɨgwɨ ə si.

Ɨnû 15:2

Mə nyaʼa zə əghɨ ə mɔʼɔ nɨ nyaʼa ɨghabɨ ə rɨ̀bàà mɨ̀manèm nɨ mbɨ nyamɨ mbɨ ɨwid. Mə nyaʼa bə̀ zə bə̂d mbe nɨ nyaʼa baŋ nyam kyeŋ rɨtu ze, baŋ anèŋ məd bə̀ baŋ ə nombà we nɨ təm ənɨ ɨkum məd. Mbɨ nyaʼa təm ɨban rɨ̀bàà mɨ̀manèm we mbɨ mɨnoŋɨ ŋgyi nɨ Ŋwìə̀ nyaʼa naʼ əmbɨ mɨ̀mə̌d.

Ɨnû 15:7

Əghɨ ə mɔʼ rəbɔʼ ɨghɨ ɨkwè mbe nɨ yeʼ ɨkǎ nyaʼa nàʼ ɨŋgupɨ ɨkaŋ sambe nɨ mbɨ nyaʼa tekɨ ənɨ ə gôl əmbɨ mbɨ̀aŋgɨrə̀ mbe sambe. Ɨsə ɨtəm Ŋwìə̀ we nɨ tən i koŋ koŋ nyaʼa swi ɨŋga ŋgupɨ ɨkaŋ mbe.

Ɨnû 19:4

Bə̂d kyeŋ mbe ɨwum be chɔ̀b rɨ̀kwè mbɨ ɨghɨ mbe ɨkwè nɨ yeʼ ɨkǎ nyaʼa gundɨ ə si wumnɨ ə Ŋwiə̀ nɨ nyaʼa chubɨ ɨgun ətən ɨfɔ̀n. Ɨ mbɨə nyaʼə wumnɨə ghàə̀ ni, “À yɨ əne! Tɨ yiirɨ ə Ŋwiə̀!”

Ɨnû 21:11

Ɨwumnɨ Ŋwiə̀ wɨə nyaʼə te əsɨ ze. Ə zɨə nyaʼə mèŋnɨ̀ ɨghabɨ ndəŋ əka ɨnun bə̀ mèŋnɨ̀ ɨghabɨ ə jaspà. Ə zɨə nyaʼə bə̀ zeŋ ɨghabɨ ə kristal.

Ɨnû 21:18

Mbɨ nyaʼa bɔm ə̀gùʼ ze ənɨ ə jaspà. Mbɨ nyaʼa bɔm əsɨ ze àmei ənɨ ə gôl. Gôl we wɨə nyaʼə zeŋə ɨghabɨ manèm nɨ tɨ̀ wə̀d zə ɨghɨ ənjìm.

Ɨnû 21:21

Mɨchû ɨkam mbe wum chɔ̀b rɨ̀be yɨə nyaʼə mɨ̀pə̂l wum chɔ̀b rɨ̀be. Ɨchû ɨkam mɔʼ yɨə nyaʼə pə̂l mɔʼ. Mbɨ nyaʼa tekɨ ɨnə̂njɨ̀ kyeŋ we rɨŋga əsɨ ze àmei ənɨ ə gôl. Gôl we wɨə nyaʼa ɨghabɨ ə manèm nɨ tɨ̀ wə̀d zə ɨghɨ ənjìm.

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 5:11

Mə nyaʼa wɨrɨ nèŋ əne zu gɨ̂ mbɨ̀aŋgɨrə̀ əkam mbɨ əkam fɔrɨ chuʼ mbɨ ə chuʼ. Mbɨ nyaʼa təm kad ətən ɨfɔ̀n ze, kad ɨghɨ mbe ɨkwè nɨ yeʼ ɨkǎ bə̀ kad bə̂d kyeŋ mbe.

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.

Ɨnû 5:6

Mə nyaʼa zə Wan njɨ̀g nɨ nyaʼa təm ɨŋga mɨgharə̀ ətən ɨfɔ̀n, ɨŋga mɨgharə̀ ɨghɨ mbe ɨkwè nɨ yeʼ ɨkǎ bə̀ təm əkaʼ bə̂d kyeŋ mbe. Zɨə chub ɨghabɨ ni mbɨ nyaʼa fə kyemɨ Wan njɨ̀g we, àyɨə ɨ zɨ i ɨkǎ. Zɨ̀ nyaʼa berɨ ndɔŋ sambe mbɨ əghə ə sambe. Əghə ze sambe yɨ ɨzwî mbe sambe nɨə fàʼ əmbɨ ə Ŋwiə̀, nɨ Ŋwìə̀ nyaʼa cha ɨŋga ɨsɨg jìm.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ɨnû 6:1

Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨnû 6:6

Mə nyaʼa zu əghɨ ə mɔʼɔ ɨghabɨ ə gɨ̂ wə̀d əkaʼ ɨghɨ mbe ɨkwè nɨ yeʼ ɨkǎ nɨ gha ni, “Mbɨ bɨrɨ zon ə kirə əburɨ ə kywɨ-kɔ̀ʼ ənɨ ɨkab ə̀fàʼì əni ə fibɨ̀, bə̀ zon ə mɨkirə̀ əburɨ ə kywɨ ɨtad ənɨ ɨkab ə̀fàʼì əni ə fibɨ̀. Tɨrə̀ chəkɨ e mɨwud mbɨ mɨnoʼ!”

Ɨnû 7:11

Mbɨ̀aŋgɨrə̀ mbe mɨ̀jìm nyaʼa təm kad ətən ɨfɔ̀n ze, kad bə̂d kyeŋ mbe bə̀ kad ɨghɨ mbe ɨkwè nɨ yeʼ ɨka. Mbɨ nyaʼa gù nòkɨ̀ ə si rəkubə ɨfě ətən ɨfɔ̀n ze wumnɨ ə Ŋwiə̀,

Ɨnû 7:17

ɨmbə̀ʼ ɨghəm nɨ Wan njɨ̀g we nɨ təm ɨŋga mɨgharə̀ ətən ɨfɔ̀n ze bɨrɨ nəŋgɨ mɨ̀mə̌d ɨghabɨ ənə̂ŋgɨ̀-njɨ̀g; wɨ̀ bɨrɨ kə̀ŋ mɨ̀mə̌d wò ənɨ mɨ̀jwɨ̀-əmboŋ mɨnib nɨə nàʼ ɨ̀tènɨ̀. Ŋwìə̀ bɨrɨ fu mɨsɨ jìm tɨ ənɨ əghə mɨ̀mə̌d.”