Ɨnû 4:11 - Meta’

¹¹ “Ə̀nùŋɨ̀sɨg à Ŋwìə̀, àwɔ̀ ə kùʼ ni wə̀d jìm yiirɨ əwe, nàʼ ɨwumnɨ ɨ ne bə̀ ghà ni à berɨ ɨka, ɨmbə̀ʼ ɨghəm nɨ à nyaʼa tekɨ ɨghɨjìm, ɨghɨjìm mbɨ əŋgu bə̀ yeʼ ɨkǎ ɨchî nɨ à nyaʼa kəbɨ.”

Ikan feg

¹¹ “Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”

Ɨnû 4:11 ပူးပေါင်းရင်းမြစ်များ

Ɨ̀fàʼì 14:15

“Mba mɨ̀sə̀ʼ, mbə̀ kɨə ghɨ̀ ənû zɔ̂ ɨmbə̀ʼ ə yè ə? Tɨ̀ yɨə bə̂d mɨ̀sɔŋɨchù ɨghabɨ ə mbə̀nə. Tɨ̀ fə yeʼe mbɨ ɨkə̂n chɔ̀m ɨ nən ni mbə̀ saŋ ɨghɨ əko mbɔ̂ beenɨ əbɔʼ Ŋwìə̀ we nɨ yeʼ ɨkǎ. À yɨə məd nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

Ɨ̀fàʼì 17:24

Ka Ŋwìə̀ we nɨ nyaʼa tekɨ ɨsɨg bə̀ tekɨ ɨghɨjìm mbe nɨ yeʼ ɨŋga, nɨ yeʼ Ə̀nùŋɨ̀sɨg ɨkaŋ fɔrɨ ɨgwɨ ə si wɨə chub i ɨŋga mbàn te nɨ bə̂d mɨ̀sɔŋɨchù korɨ,

Rm 11:36

À yɨə məd nyaʼa tekɨ ɨghɨjìm, ɨghɨjìm mbɨ əŋgu ənjìm məd, ɨghɨjìm yɨə bə mbɨ məd. Tɨ̀ wumnɨ əməd koŋ. À yɨ əne.

Efesùs 3:9

Wɨ̀ nyaʼa bə̀ chɔʼ əmɨ ni mə̀ ghɨ wə̀d jìm kyerɨ ənû zɔ̂ nɨ yeʼ ənə̀mə, nɨ Ŋwìə̀ we nɨ nyaʼa tekɨ ɨghɨjìm, nyaʼa nə̀m ɨŋga i fîŋ tɨ ənɨ wɨ̀ nyaʼa tekɨ ɨsɨg.

Mə̀Hibrù 1:10

Wɨ̀ nyaʼa bə̀ ghà ni, “Àwɔ̀ Ə̀nùŋɨ̀sɨg, nyaʼa tekɨ si tɨ ənɨ ɨkɔ. À nyaʼa tekɨ ɨkaŋ ənɨ mbe ɨbɔ.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Ɨnû 1:6

Wɨ̀ nyaʼa ghɨ̀ əwa ənɨ mɨfɔ̂n bə̀ fɔrɨ ənɨ ə bə̂d mbàn ɨŋga ənû ɨfɔ̀n ə Ŋwiə̀. Wɨ̀ nyaʼa ghɨ̀ əne ɨmbə̀ʼ tɨ̀ fàʼ əmbɨ Ŋwiə̀ məd, nɨ bə̀ yeʼ Mbǎʼ məd. Tɨ̀ wumnɨ Yeso Kristo nɨ berɨ ɨka nɨ tumbɨ ɨsɨg koŋ koŋ! À yɨ əne.

Ɨnû 10:6

əne kàn ənɨ ɨkum məd we nɨ ten i koŋ, nɨ à yɨə məd nyaʼa tekɨ ɨkaŋ bə̀ tekɨ ɨghɨjìm mbe nɨ yeʼ ɨkaŋ, tekɨ si bə̀ tekɨ ɨghɨjìm mbe nɨ yeʼ ɨgwɨ ə si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga rɨ̀bàà. Wɨ̀ nyaʼa kàn ghà ni, “Chəi Ŋwìə̀ bɨrɨ wɨrɨ wòm.

Ɨnû 14:7

Wɨ̀ nyaʼa ghà ənɨ ə gɨ̂ kǎ kǎ ni, “Mbə̀ bɔ ə Ŋwiə̀ bə̀ nàʼ ɨwumnɨ ɨ bɔ, ɨmbə̀ʼ ɨghəm nɨ nyùmə̀ we nɨ məd bɨrɨ saʼ bə̂d fə kùʼ. Mbə̀ wumnɨ əməd we nɨ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ mɨ̀jwɨ̀-əmboŋ!”

Ɨnû 19:1

Əze ə nɨə cheə, mə nyaʼa zu əghɨ ə mɔʼɔ ɨkaŋ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼə ghàə̀ rɨ̀kǎ ni, “Tɨ̀ yiirɨ ə Ŋwìə̀! Məd wɨə chɨ̀ə̀ bə̂d rəŋgəʼ. Bə̂d mbɨə nàʼ ɨwumnɨ ɨ bɔ. Məd ziə ə berɨ ɨka!

Ɨnû 5:12

Ɨ mbɨə nyaʼə kwerɨ ɨkyî ənɨ ə gɨ̂ kǎ kǎ ghàə̀ ni, “Wan njɨ̀g we nɨ mbɨ nyaʼa kyemɨ ə kùʼ ni mbɨ naʼ ɨka, naʼ mbɔ̂n, naʼ ɨwe, naʼ ɨwumnɨ bə̀ naʼ ɨzeŋɨ zeŋɨ ɨ bɔ. Wɨ̀ bə̀ kùʼ ni mbɨ zɨ əbɔrəbɔd ɨgwɨ məd!”

Ɨnû 5:2

Mə nyaʼa bə̀ zə aŋgɨrə̀ kǎ kǎ mɔʼɔ, nɨ nyaʼə saʼ ənɨ gɨ̂ nɨ kǎ ni, “À kɨə we nɨ kuʼu nɨ tɨ̀ wɨ̀ kyeʼrɨ ɨneŋ we fiʼ ə̀ŋwàʼnɨ̀ ze nɨ mbɨ karɨ ə?”

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.