Ɨnû 4:10 - Meta’

¹⁰ bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ikan feg

¹⁰ Anyumə̀ ne mbɔb mbe ghùmnə aməd we ne chughi igun atən ifɔn ze, itog bəd mbe ìghum ibe chɔ̀b ikwè ya chìyè ìmbɔb ighi atog ifɔn nɔ̀ŋɔ̀ aseg ibo imbìghè, məd we ne yaʼi izɔm kwàʼ ane ighə̀m imɔʼ. Mbɔb ya chìyè ìmbɔb ighi atog nɔ̀ŋì aseg se ghùmnə aməd gha,

Ɨnû 4:10 ပူးပေါင်းရင်းမြစ်များ

Matìyò 2:11

Mbɨ nyaʼa wò nyɨ ɨŋga nəb ze nɨ fɨtəmɨ fe kəʼ təm ɨgun, əne zə wan we nɨ nyaʼa mbɨ ɨŋgɔb məd Mèri. Mbɨ nyaʼa zə əne, chìndɨ̀ ɨtu ɨnywɨ ə si, wumnɨ əməd. Mbɨ nyaʼa bə̀ zà mbə ɨ̀bàmɨ̀, chɨ̀ ə gôl fɔrɨ ə frankɨnsèns mbɨ ə myrrh nèʼ wan we əŋgu.

Lk 24:52

Mbɨ nyaʼa wumnɨ əməd, wɨrɨ bə̀ndɨ̀ wò ə Jèrusalèm. Ɨghaʼi nyaʼa swi ɨŋga fîŋ tɨ mɨ̀mə̌d.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

Ɨnû 10:6

əne kàn ənɨ ɨkum məd we nɨ ten i koŋ, nɨ à yɨə məd nyaʼa tekɨ ɨkaŋ bə̀ tekɨ ɨghɨjìm mbe nɨ yeʼ ɨkaŋ, tekɨ si bə̀ tekɨ ɨghɨjìm mbe nɨ yeʼ ɨgwɨ ə si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga rɨ̀bàà. Wɨ̀ nyaʼa kàn ghà ni, “Chəi Ŋwìə̀ bɨrɨ wɨrɨ wòm.

Ɨnû 11:16

Bə̂d kyeŋ mbe ɨwum be chɔ̀b rɨ̀kwè nɨə chub ɨgun ɨtən ɨfɔ̀n ɨfě Ŋwiə̀ nyaʼa gù nòkɨ̀ ə si rəkubə wumnɨ ə Ŋwiə̀.

Ɨnû 15:4

Ə̀nùŋɨ̀sɨg, à kɨə we nɨ chəi wɨ̀ bɨrɨ bɔ əwe ə? À kɨə we nɨ chəi wɨ̀ bɨrɨ yiirɨ e ɨkum ə? Àmei àwɔ̀ rə̀zìʼ we nɨ zeŋɨ màànɨ̀. Bə̂d rɨŋga ɨbeŋ jìm bɨrɨ yeʼe wumnɨ əwe, ɨmbə̀ʼ ɨghəm nɨ wə̀d jìm fə zə ɨchî nɨ àwɔ̀ ə ghɨ̀ ɨnû nɨ kuʼnɨ.”

Ɨnû 15:7

Əghɨ ə mɔʼ rəbɔʼ ɨghɨ ɨkwè mbe nɨ yeʼ ɨkǎ nyaʼa nàʼ ɨŋgupɨ ɨkaŋ sambe nɨ mbɨ nyaʼa tekɨ ənɨ ə gôl əmbɨ mbɨ̀aŋgɨrə̀ mbe sambe. Ɨsə ɨtəm Ŋwìə̀ we nɨ tən i koŋ koŋ nyaʼa swi ɨŋga ŋgupɨ ɨkaŋ mbe.

Ɨnû 19:4

Bə̂d kyeŋ mbe ɨwum be chɔ̀b rɨ̀kwè mbɨ ɨghɨ mbe ɨkwè nɨ yeʼ ɨkǎ nyaʼa gundɨ ə si wumnɨ ə Ŋwiə̀ nɨ nyaʼa chubɨ ɨgun ətən ɨfɔ̀n. Ɨ mbɨə nyaʼə wumnɨə ghàə̀ ni, “À yɨ əne! Tɨ yiirɨ ə Ŋwiə̀!”

Ɨnû 4:2

Àmei əwu əwən, Əzwî ə nyaʼa nyɨ ɨŋga num, əne mə nyaʼa zə ətən ɨfɔ̀n ɨkaŋ, bə̀ zə wə̀d we nɨ nyaʼa chub ɨgun ətən ze.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 4:9

Ənɨ ɨghɨ mbe nɨ yeʼ ɨkǎ naʼ wumnɨ, yiirɨ bə̀ nàʼ məben-əwe əmbɨ məd we nɨ chub ɨgun ətən ɨfɔ̀n ze, nɨ wɨ̀ yeʼ ɨkǎ koŋ koŋ,

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ɨnû 7:11

Mbɨ̀aŋgɨrə̀ mbe mɨ̀jìm nyaʼa təm kad ətən ɨfɔ̀n ze, kad bə̂d kyeŋ mbe bə̀ kad ɨghɨ mbe ɨkwè nɨ yeʼ ɨka. Mbɨ nyaʼa gù nòkɨ̀ ə si rəkubə ɨfě ətən ɨfɔ̀n ze wumnɨ ə Ŋwiə̀,