Ɨnû 4:1 - Meta’

¹ Ənɨ mə nyaʼa fə zə ɨnû mbɔ̂ jìm, mə nyaʼa neŋ ɨkaŋ, əne zə ɨchû nəb əfìʼə. Gɨ̂ ze nɨ mə̀ nyaʼa be zu nɨ nyaʼə ghàm ɨ num ɨghabɨ ə taŋ, nyaʼa ghà ni, “Kɔʼ yeʼe əgha. Ənɨ ɨnû mbɔ̂ fə che, mə bɨrɨ chwi ɨnû mbe nɨ berɨ ghɨ̀ ɨ ne.”

Ikan feg

¹ Anyumə̀ ne angirə̀ ya màni ni ghàm imbə̀ʼ tikən te tijìm, mə̀ ya nèn ikaŋ àbɔ̀ŋɔ bàd inuʼ nəb mɔ̀ʼɔ ijə. Mə ya ywìrì zug gì mɔ̀ʼɔ icheg ìzi mbègtog. Gì ze ya ghàm icheg tàŋ ne mbi fə. Zì ya ghà inum gha, “Kɔʼ yèʼe aŋa, mə biri chwi inug ne biri dù ine ane nyùmə̀ gho̰ fə che.”

Ɨnû 4:1 ပူးပေါင်းရင်းမြစ်များ

Matìyò 3:16

Ənɨ Yeso nyaʼa fə nɨŋ mɨnib, wɨ̀ nyaʼa jwɨ̀ rɨŋga ɨgyɨ̀ we. Àmei əwu əwən, ɨkaŋ nyaʼa fìʼə̀, əne wɨ̀ nyaʼa zə Əzwî ə Ŋwiə̀ nɨ nyaʼə swiʼə yeʼe ɨgwɨ ɨghabɨ tə̀bə̀ŋə pè naŋ ɨgwɨ məd.

Mk 1:10

Ənɨ Yeso nyaʼə jwɨ̀ rɨŋga ɨgyɨ̀ we, wɨ̀ nyaʼa zə ɨkaŋ nɨ nyaʼa əfìʼə, bə̀ zə Əzwî ə Ŋwìə̀ nɨ nyaʼə swiʼə yeʼe ɨgwɨ məd ɨghabɨ tə̀bə̀ŋə.

Lk 3:21

Ənɨ Jɔ̌n nyaʼa fə naʼ mɨnib əmbɨ ə bə̂d mbe mɨjìm, wɨ̀ nyaʼa bə̀ naʼ əmbɨ Yeso. Ənɨ Yeso nyaʼə kɔŋgɨ ə Ŋwiə̀, ɨkaŋ nyaʼa fìʼə̀,

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Ɨ̀fàʼì 10:11

Wɨ̀ nyaʼa zə ɨkaŋ əfìʼə, bə̀ zə əghɨ ə mɔʼɔ nɨ nyaʼə swiʼə rɨkaŋ ɨghabɨ əbapɨ ə ngywɨ̌ ə kyeŋ. Mbɨ nyaʼə swi ə si ənɨ rɨbu rɨkwè.

Ɨ̀fàʼì 7:56

Wɨ̀ nyaʼa zə əne ghà ni, “Mbə̀ zə! Mə wɨə zə ɨkaŋ əfìʼə. Mə wɨə bə̀ zə ə Wan Wə̀d nɨ təm əbà əbɔ ə jɨgɨ ə Ŋwiə̀.”

Ɨnû 1:10

À nyaʼa ɨgwɨ əni Ə̀nùŋɨ̀sɨg, Əzwî ə nyaʼa nyɨ ɨŋga num, əne mə nyaʼa zu gɨ̂ kǎ kǎ ənɨ mɨ njìm. Gɨ̂ ze nyaʼa ghàm ɨghabɨ ə tàŋ

Ɨnû 1:12

Mə nyaʼa bèŋ nèŋ ɨmbə̀ʼ zə wə̀d we nɨ nyaʼə ghàm ɨ num. Ənɨ mə̀ nyaʼa beŋ nèŋ əne, mə nyaʼa zə ɨghɨ sambe nɨ mbɨə te ɨnam ɨgun. Mbɨ nyaʼa tekɨ ɨghɨ mbe ənɨ ə gôl.

Ɨnû 1:19

Əne ŋwàʼnɨ̀ ɨnû jìm mbe nɨ à fə zə, əne yɨ mbe nɨ yeʼ rɨ̀nîn mbɨ mbe nɨ bɨrɨ ghɨ̀ əwu rənjìm.

Ɨnû 11:12

Əne bə̂d ɨ̀kə̀n mbɔ̂ mɨ̀be nyaʼa zu gɨ̂ kǎ kǎ nɨ nyaʼa ghàm rɨkaŋ ghàə̀ əmbɨ mɨ̀mə̌d ni, “Mbə̀ kɔʼ yeʼe əgha!” Ənɨ bə̂d pə̀n mɨ̀mə̌d nyaʼə nèŋə̀, mbɨ nyaʼa wo ɨkaŋ ɨŋga pàʼ.

Ɨnû 11:19

Mbɨ nyaʼa fiʼ mbàn Ŋwìə̀ ze nɨ yeʼ ɨkaŋ, əne bə̂d nyaʼa zə tɨkub ə fɨso ze ɨŋga. Ɨbi mbə̀ŋ wɨə nyaʼə ŋwàŋə̀, gɨ̂ rɨ ghàmə̀, mbə̀ŋ kùmə̀, si wùd, əwəŋ ə feŋgɨ kwàʼ rɨ̀kǎ.

Ɨnû 16:17

Aŋgɨrə̀ we nɨ pe ənɨ mbɨ sambe nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨŋga ɨfə. Ənɨ wɨ̀ nyaʼa sab əne, gɨ̂ kǎ kǎ nyaʼa jwɨ̀ rɨ ənɨ ətən ɨfɔ̂n ze nɨ nyaʼa ɨŋga mbàn Ŋwìə̀. Zɨ̀ nyaʼə ghàə̀ ni, “Ɨnû jìm fə mì i!”

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

Ɨnû 22:6

Aŋgɨrə̀ we nyaʼa ghà ɨ num ni, “Ŋwìə̀ wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Əne Ə̀nùŋɨ̀sɨg Ŋwìə̀, nɨə nàʼ e Əzwî əmbɨ ə bə̂d ɨ̀kə̀n ɨməd, fə tom wi aŋgɨrə̀ nɨ wɨ̀ chwi ɨnû mbe nɨ bɨrɨ zambɨ ghɨ̀ əmbɨ mbi bə̂d ə̀fàʼì.”