Ɨnû 3:5 - Meta’

⁵ Wə̀d we nɨ baŋ ɨnû rɨbɔ̀ŋ bɨrɨ bɨ zɨ ngywɨ̌ tɨ rɨ̀fɨ ɨghabɨ mɨ̀mə̌d. Chəi mə̀ bɨrɨ nimnɨ ɨkum məd rɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Mə bɨrɨ gha ɨfě mɨ Mbǎʼ bə̀ ghà ɨfě mbɨ̀aŋgɨrə̀ məd ni mə kyerɨ əməd.

Ikan feg

⁵ Wə̀d ne che àkwàʼrì biri bə zì ndwi fu fu icheg inɔb. Chəyi mə̀ biri nimni ikum məd inga àŋwàʼrì ze ne mbi ŋwàʼri tikum bəd mbe ne biri jəg ìtḛ̀. Mə biri ghà imbìghè abə ìmə Mbaʼ bə̀ ghà imbìghè abə mbè angirə̀ məd gha mə kyèri tengàŋ.

Ɨnû 3:5 ပူးပေါင်းရင်းမြစ်များ

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

Lk 10:20

Àyɨə tɨ mbə ghaʼ àmei ni ɨzwî rɨbɔ̀ŋ mbɨə zuunɨ əwən, àyɨə mbə ghaʼ yeʼ ɨmbə̀ʼ ɨghəm nɨ Ŋwìə̀ fə ŋwaʼnɨ tə rɨkum ɨkaŋ.”

Lk 12:8

“Mə ghà ɨ nən ni, wə̀d jìm we nɨ ben ɨfě bə̂d ni tə kyerɨ əmɨ, Wan Wə̀d bɨrɨ bɨ ben ɨfě mbɨ̀aŋgɨrə̀ Ŋwiə̀ ni tə kyerɨ əməd.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 17:8

Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.

Ɨnû 19:8

Ŋwìə̀ fə nàʼ ngywɨ̌ əka ɨnun ɨ bɔ ni wɨ̀ zɨə. Ngywɨ̌ ze zɨə teenɨə bə̀ zeŋə.” (Ngywɨ̌ əka ɨnun ze yɨ ɨnû chɔ̀m mbe nɨ bə̂d Ŋwiə̀ ə ghɨ̀ə̀.)

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 20:12

Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.

Ɨnû 21:27

Chəi əghɨ ə mɔʼɔ ze nɨ rɨka zeŋ i bɨrɨ nɔ nyɨ ɨŋga əsɨ ze, kɨ̀ à kɨ ə wə̀d nɨə ghɨ̀ ɨnû tɨ̀nìd ətu, kɨ̀ we nɨə ghàə̀ mɨghab. Àmei bə̂d mbe nɨ mbɨ ŋwaʼnɨ rɨkum tɨ mɨ̀mə̌d ɨŋga ə̀ŋwàʼnɨ̀ ə Wan njɨ̀g nɨ bə̂d bɨrɨ jɨg ɨ̀tènɨ̀ bɨrɨ nyɨ ɨŋga əsɨ ze.

Ɨnû 22:19

Wə̀d mɔʼɔ mɨ chɨ ənû ə mɔʼɔ rəbɔʼ mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, chəi Ŋwìə̀ bɨrɨ ben ni wɨ̀ nyɨ ɨŋga əsɨ ə zeŋɨ ze, kɨ̀ ni wɨ̀ jɨg rɨtam tɨ ənɨ əzed ze nɨə nàʼ ɨ̀tènɨ̀, nɨ mbɨ mə̌ ɨŋga ə̀ŋwàʼnɨ̀ zɔ̂.

Ɨnû 3:12

Mə bɨrɨ nuŋ wə̀d we nɨ baŋ ɨnû rɨbɔ̀ŋ ənɨ ə təʼ ɨŋga mbàn mɨ Ŋwìə̀. Chəi wɨ̀ bɨrɨ nɔ jwɨ rɨŋga mbàn ze. Mə bɨrɨ ŋwàʼnɨ̀ ɨkum mɨ Ŋwiə̀ ɨgwɨ məd, bə̀ ŋwàʼnɨ̀ ɨkum tɨ ənɨ əsɨ mɨ Ŋwiə̀. Əsɨ ze yɨə Jèrusalèm fi we nɨ Ŋwiə̀ ə swiə rɨkaŋ. Mə bɨrɨ bɨ ŋwàʼnɨ̀ mɨ ɨkum fi ɨgwɨ məd.

Ɨnû 3:4

Àyɨə bə̂d mɔʼɔ rɨpiî mbɨ ə Sadìs nɨ chəi mbɨ kɨrɨ tab tə ngywɨ. Mbɨ bɨrɨ yen mbɨ num ɨŋga ngywɨ̌ tɨ rɨ̀fɨ, ɨmbə̀ʼ ɨghəm nɨ mbɨ kàŋ kùʼ nɨ ghɨ əne.

Ɨnû 6:11

Ŋwìə̀ nyaʼa nàʼ ngywɨ̌ rɨ̀fɨ əmbɨ əzwî ə mɔʼ mɔʼ rəbɔʼ ɨzwî mbe, ghà əmbɨ mɨ̀mə̌d ni mbɨ zwiirɨ ənɨ akə nyùmə̀ pè ənɨ ɨnun bə̂d mbe nɨə fàʼ əmbɨ Kristo mbɨ ɨnun bɔŋgɔb mbe nɨ mbɨ bɨrɨ zwiirɨ ɨchî nɨ mbɨ nyaʼa zwiirɨ mɨ̀mə̌d fə kuʼu.