Ɨnû 3:3 - Meta’

³ Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.

Ikan feg

³ Ane, kɔndi inug mbe ne mbi ya chwiti ine fɔrɔ inug mbe ne àghò ya bə zug, bə̀ŋì ìze fìŋ se zùgrə inug mbe. Àghò mə ton awe ni nɔ̀ʼ angwḛ, mə biri yeʼe icheg iji. Chəyi àghò biri kyeri nyùmə̀ ne mə̀ biri yeʼe.

Ɨnû 3:3 ပူးပေါင်းရင်းမြစ်များ

Matìyò 25:13

“Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze kɨ̀ ə nyùmə̀ we nɨ Wan Wə̀d bɨrɨ wɨrɨ yeʼe.

Mk 13:33

Əne mbə̀ we əwən, chub ɨkyèʼe ɨmbə̀ʼ ɨghəm nɨ chəi mbə̀ kyerɨ nyùmə̀ we nɨ Wan Wə̀d bɨrɨ wɨrɨ yeʼe.

Mk 13:36

Tɨ wɨ̀ saʼ yeʼe i pè zə əwən ənɨ mbə̀ə gwenə.

1 Tèsàlonikà 5:2

ɨmbə̀ʼ ɨghəm nɨ mbə̀ fə kyerɨ ə kwàʼ ɨchî chɔ̀m ni əni ze nɨ Ə̀nùŋɨ̀sɨg bɨrɨ wɨrɨ yeʼe bɨrɨ yeʼ àmei ɨghabɨ ɨchî nɨ ɨjɨ ə yeʼe ɨzimɨ.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

2 Timotì 1:13

Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

2 Pità 1:13

Mə kàŋ kɔndɨ ni zɨə kùʼ ni mə nɔɔrɨ mbə ɨtu ɨmbə̀ʼ ɨnû mbɔ̂ ənɨ mə kɨrɨ ɨkǎ.

2 Pità 3:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.

2 Pità 3:10

Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.

Ɨnû 16:15

Ə̀nùŋɨ̀sɨg Yeso ə ghà ni, “Mbə̀ zə, mə bɨrɨ yeʼe ɨghabɨ ɨjɨ! Ŋwìə̀ zɨ əbɔrəbɔd ɨgun ə wə̀d we nɨ chub ɨkyèʼe bə̀ tekɨ ti ngywɨ̌ nùŋ ɨmbə̀ʼ tɨ wɨ̀ yen i tɨ̀sɔ̀ʼ ɨkyerɨ, ətu əməd ə bə̀ nìd ɨmbə̀ʼ ɨchî nɨ bə̂d ə nèŋ əməd!”

Ɨnû 2:25

Ɨkom we nɨ mə̀ bɨrɨ zɨ ɨgwɨ nən mei ni mbə̀ nuŋ fîŋ ɨgwɨ num pè ənɨ mə̀ bɨrɨ wɨrɨ yeʼe.

Ɨnû 2:5

Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.

Ɨnû 22:7

Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”

Ɨnû 3:11

Mə bɨrɨ zambɨ yeʼe. Àwɔ̀ nuŋ fîŋ ɨgwɨ num, ɨmbə̀ʼ tɨ wə̀d mɔʼɔ fe i ɨneʼe we nɨ à berɨ.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.

Ɨnû 3:2

Nɔʼ rɨ əŋgwenɨ, ghɨ̀ ni tɨ əghɨ ze nɨ buʼ ɨŋga ne ə kwɨ i, ɨmbə̀ʼ ɨghəm nɨ mə̀ fə zə ni chəi ɨnû mbe nɨ àwɔ̀ ə ghɨ̀ə̀ kɨrɨ bɔŋ màànɨ̀ ɨfě mɨ Ŋwiə̀.