Ɨnû 3:19 - Meta’

¹⁹ Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.

Ikan feg

¹⁹ Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.

Ɨnû 3:19 ပူးပေါင်းရင်းမြစ်များ

Matìyò 25:7

Ənɨ bɔn məyi mbe nyaʼa zu ənû ze, mbɨ nyaʼa nɔ̀ʼ kɔ̀ʼrɨ tə ngywɨ̌ rɨ ɨnam.

Jn 2:17

Mə̀mə̀ə̀nɨ̀-ɨnû ɨməd nyaʼa kɔndɨ ni ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨchî nɨ mə zɨ ətu ənɨ e nəb, kyɨə Ŋwìə̀, ə bɨrɨ ghɨ ni bə̂d zwiirɨ əmɨ.”

Rm 12:11

Tɨ mbə̀ tɔ ghɨ̀ ə ɨgwed ənɨ mbə̀ə fàʼ əmbɨ ə Ŋwiə̀. Mbə̀ saŋ Əzwî ə nyɨ ɨŋga tə fîŋ ghɨ̀ ni mbə̀ faʼ rɨkǎ. Mbə̀ faʼ əmbɨ Ə̀nùŋɨ̀sɨg ənɨ tə fîŋ rɨ̀jìm.

1 Kɔrèn 11:32

Ənɨ Ə̀nùŋɨ̀sɨg ə saʼ əwa bə̀ chə əwa, ɨ wɨə kə̀bə̀ ni tɨ̀ təm kàànɨ̀, ɨmbə̀ʼ tɨ wɨ̀ zɨ i ɨsaʼi ɨgwɨ na ənɨ ə nyùmə̀ we nɨ wɨ̀ bɨrɨ saʼ ɨsɨg.

2 Kɔrèn 6:9

Bə̂d mɔʼɔ mbɨə ghɨ̀ mbɨ na ɨghabɨ ni chəi mbɨ kyerɨ əwa, àyɨə mbɨ kàŋ jeŋgɨ kyerɨ. Bə̂d mɔʼɔ mbɨə som əwa, àyɨə chəi mbɨ kɨrɨ zwiirɨ əwa.

2 Kɔrèn 7:11

Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

Gàlesìyà 4:18

Zɨə bɔ̀ŋ ni mbə̀ ben ɨnû mbe nɨ mbɨə ghàə̀ əwu ze nɨ mbɨə ghɨ̀ ɨnû mbe nɨ bɨrɨ weerɨ əwən. Mbɨ ghɨ əne ənɨ mɨ̀nyùmə̀ jìm kaʼ àmei ənɨ mə̀ yeʼ əkaʼ nən.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Ɨnû 2:5

Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.