Ɨnû 22:6 - Meta’

⁶ Aŋgɨrə̀ we nyaʼa ghà ɨ num ni, “Ŋwìə̀ wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Əne Ə̀nùŋɨ̀sɨg Ŋwìə̀, nɨə nàʼ e Əzwî əmbɨ ə bə̂d ɨ̀kə̀n ɨməd, fə tom wi aŋgɨrə̀ nɨ wɨ̀ chwi ɨnû mbe nɨ bɨrɨ zambɨ ghɨ̀ əmbɨ mbi bə̂d ə̀fàʼì.”

Ikan feg

⁶ Angirə̀ we ya ywìrì ghà inum gha, “Ŋwiye we ghà tesiʼ. Ane, tì kòʼ ni bḛ ìngam məd. Anɔŋisəg Ŋwiye ne nàʼà àzi Azwighi abə ìmbi bədkə̀n fə chà ìwi angirə̀ gha wì chwi inug ne biri zàmbi dù abə ìmbi bəd àfàʼì”.

Ɨnû 22:6 ပူးပေါင်းရင်းမြစ်များ

Matìyò 13:41

Wan Wə̀d bɨrɨ cha mbi mbɨ̀aŋgɨrə̀, mbɨ wò fetɨ ɨghɨjìm mbe nɨə ghɨ̀ə̀ ni bə̂d ghɨ ɨnû rɨbɔ̀ŋ, bə̀ fetɨ bə̂d mɨ̀jìm mbe nɨə ghɨ̀ ɨnû rɨbɔ̀ŋ chɨ̀ rɨŋga ənû ɨfɔ̀n əməd,

Lk 1:70

Wɨ̀ nyaʼa fə kàʼ rəŋwe ənjìm mbi bə̂d ɨ̀kə̀n zeŋɨ

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Ɨ̀fàʼì 12:11

Ənɨ Pità nyaʼa kyerɨ ənû ze nɨ nyaʼa ghɨ ənɨ məd, wɨ̀ nyaʼa ghà ni, “Tɨ̀nîn mə fə kyerɨ ənɨ rəsìʼ ni Ə̀nùŋɨ̀sɨg fə tom wi aŋgɨrə̀ ni wɨ̀ yeʼe chɨ̀ əmɨ rɨŋga tɨkyerɨ-ɨbɔ Herɔ̀d, bə̀ chɨ əmɨ rɨ ənɨ ɨnû jìm mbe nɨ mɨ̀Jû ə kə̀ʼə̀ wòmə̀ ni mbə bɨrɨ ghɨ ənɨ ə num.”

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Rm 1:2

Ŋwìə̀ nyaʼa fə bè kàʼ ɨkə̂n chɔ̀m wɔ̂ ənjìm bə̂d ɨ̀kə̀n məd. Əne mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

1 Kɔrèn 14:32

Bə̂d mbe nɨə ghà ɨkə̂n Ŋwiə̀ mbe tɨ̀ mbɨ ghɨ ni mbə ɨzwî zuunɨ əwən,

1 Kɔrèn 7:29

Mbɨ bɔŋgɔb, ənû nɨ mɨə ghàə̀ yɨ ni nyùmə̀ nɨ ɨsɨg wɔ̂ bɨrɨ nwìə̀ fə tiinɨ. Əne ɨ kɔ rɨ̀nîn, mbaŋə̀ te nɨ berɨ məyi chub ɨghabɨ ni chəi mbɨ kɨrɨ nam.

2 Tès 1:7

Wɨ̀ bɨrɨ naʼ ə̀zwììrɨ̀ əmbɨ mbə̀n mbe nɨə zəə ŋgəʼ. Wɨ̀ bɨrɨ bɨ naʼ ɨ na. Wɨ̀ bɨrɨ ghɨ̀ əne ənɨ ə nyùmə̀ we nɨ Ə̀nùŋɨ̀sɨg Yeso bɨrɨ swiʼ rɨkaŋ mbɨ mbi mbɨ̀aŋgɨrə̀ nɨ berɨ ɨka.

Mə̀Hibrù 12:9

Ənû ə cherə yɨ ni, tɨ̀ nyaʼa kweʼ berɨ mɨ̀mbǎʼ ɨgwɨ ə si nɨ nyaʼə chə əwa. Tɨ̀ wɨə nyaʼə wumnɨə mɨ̀mə̌d ɨchî nɨ mbɨ nyaʼə ghɨ̀ əne. À mɨ yeʼ ɨchî nɨ tɨ̀ nyaʼə ghɨ̀ə̀ we, njɨ ka tɨ̀ wa bɨrɨ swi a ɨnyod əmbɨ a Mbǎʼ we nɨ naʼ əzwî ɨ na chè ɨchî nɨ tɨ̀ nyaʼə swi əmbɨ mɨ̀mə̌d ə? Tɨ̀ berɨ swi ɨnyod ɨmbə̀ʼ chub ɨkǎ.

2 Pità 1:21

ɨmbə̀ʼ ɨghəm nɨ chəi ɨkə̂n Ŋwiə̀ nyaʼa yeʼe ɨchî nɨ bə̂d mɨ̀sɔŋɨchù nyaʼa kəbɨ. À yɨ Əzwî ə Zeŋɨ ə nyaʼa ghɨ ni bə̂d gha ɨkə̂n Ŋwiə̀.

2 Pità 3:2

Mə kə̀b ni mbə̀ kɔndɨ ɨŋgam we nɨ bə̂d ɨ̀kə̀n Ŋwiə̀ zeŋɨ nyaʼa ghàm rəŋwe bə̀ kɔndɨ rɨkə te nɨ Ə̀nùŋɨ̀sɨg nɨ chɨ̀ə̀ bə̂d rəŋgəʼ nyaʼa che ənjìm mbə bə̂d tom nàʼ ɨ nən.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Ɨnû 21:5

Məd we nɨ nyaʼa chub ɨgun ətən ɨfɔ̀n ze nyaʼa ghà ni, “Mbə̀ zə, mə wɨə tekɨ ɨghɨjìm ənɨ mbɨ fi!” Wɨ̀ nyaʼa bə̀ ghà ni, “Ŋwaʼnɨ ənû zɔ̂ ɨmbə̀ʼ ɨghəm nɨ mɨŋgam mbɔ̂ yɨ mɨŋgam rəsìʼ nɨ tɨ̀ bə̂d benɨ.”

Ɨnû 21:9

Wɨ mɔʼɔ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nɨ ŋgəʼ kǎ kǎ te sambe nɨ sɨ nwìə̀ nyaʼa swi ɨŋga, nyaʼa yeʼe ghà ɨ num ni, “Yeʼe, mə bɨrɨ chwi ɨgən we nɨ yeʼ ɨwi Wan njɨ̀g ɨ ne.”

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 22:7

Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”

Ɨnû 4:1

Ənɨ mə nyaʼa fə zə ɨnû mbɔ̂ jìm, mə nyaʼa neŋ ɨkaŋ, əne zə ɨchû nəb əfìʼə. Gɨ̂ ze nɨ mə̀ nyaʼa be zu nɨ nyaʼə ghàm ɨ num ɨghabɨ ə taŋ, nyaʼa ghà ni, “Kɔʼ yeʼe əgha. Ənɨ ɨnû mbɔ̂ fə che, mə bɨrɨ chwi ɨnû mbe nɨ berɨ ghɨ̀ ɨ ne.”