Ɨnû 22:4 - Meta’

⁴ Mɨ̀mə̌d bɨrɨ zə ɨfě Ŋwiə̀. Mbɨ bɨrɨ bɨ ŋwaʼnɨ ɨkum Ŋwiə̀ ənɨ ɨkəŋ ɨsɨ mɨ̀mə̌d.

Ikan feg

⁴ Mbɔb biri bàd ìfe Ŋwiye. Mbi biri bə ŋwàʼrì ikum Ŋwiye igun ìmbɔb ikəŋi isi.

Ɨnû 22:4 ပူးပေါင်းရင်းမြစ်များ

Matìyò 5:8

Ŋwìə̀ zɨ əbɔrəbɔd ɨgun ə bə̂d mbe nɨ fîŋ tɨ mɨ̀mə̌d zeŋɨ, ɨmbə̀ʼ ɨghəm nɨ mbɨ bɨrɨ zə əməd.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

1 Kɔrèn 13:12

Tɨ̀nîn, əghɨ ze nɨ tɨə zə ɨghabɨ ni à yɨ ɨŋga əneŋ-ɨfě yɨ əziŋ nɨ yeʼ əfubrɨ əfubrɨ̀, àyɨə ənɨ ə nyùmə̀ we nɨ Kristo bɨrɨ wɨrɨ yeʼe, tɨ̀ bɨrɨ zə əməd tɨfě rɨfě. Tɨ̀nîn, mə kyerɨ ə Ŋwiə̀ əkwirɨ əkwirɨ, àyɨə ənɨ ə nyùmə̀ we nɨ Kristo bɨrɨ wɨrɨ yeʼe, mə bɨrɨ kyerɨ əməd màànɨ̀, àmei ɨchî nɨ məd bə̀ kyerɨ əmɨ màànɨ̀.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Ɨnû 14:1

Mə nyaʼa nəŋ, əne zə Wan njɨ̀g nɨ nyaʼa təm ɨkaŋ ɨwum Zayɔ̀n. Ɨ wɨə nyaʼə mbɨ ə bə̂d chuʼ ɨkɨ fibɨ̀ mbɨ ɨwum kwè chɔ̀b rɨ̀kwè. Mbɨ nyaʼa ŋwaʼnɨ ɨkum Wan njɨ̀g bə̀ ŋwàʼnɨ̀ ɨkum Mbǎʼ məd ənɨ ɨkəŋ ɨsɨ mɨ̀mə̌d.

Ɨnû 3:12

Mə bɨrɨ nuŋ wə̀d we nɨ baŋ ɨnû rɨbɔ̀ŋ ənɨ ə təʼ ɨŋga mbàn mɨ Ŋwìə̀. Chəi wɨ̀ bɨrɨ nɔ jwɨ rɨŋga mbàn ze. Mə bɨrɨ ŋwàʼnɨ̀ ɨkum mɨ Ŋwiə̀ ɨgwɨ məd, bə̀ ŋwàʼnɨ̀ ɨkum tɨ ənɨ əsɨ mɨ Ŋwiə̀. Əsɨ ze yɨə Jèrusalèm fi we nɨ Ŋwiə̀ ə swiə rɨkaŋ. Mə bɨrɨ bɨ ŋwàʼnɨ̀ mɨ ɨkum fi ɨgwɨ məd.

Ɨnû 7:3

Wɨ̀ nyaʼə kyeŋə ghàə̀ ni, “Tɨ mbə̀ ghɨ ə əghəm ənɨ ə si kɨ̀ ənɨ rɨ̀bàà kɨ̀ ənɨ ɨzed pè ənɨ tɨ̀ fə zɨ ənweenɨ ənɨ ɨkəŋ ɨsɨ bə̂d mbe nɨə fàʼ əmbɨ a Ŋwiə̀.”