Ɨnû 22:3 - Meta’

³ Chəi əghɨ ə mɔʼɔ ze nɨ Ŋwìə̀ zɨ ndɔ̀n ɨgun bɨrɨ yeʼ ɨŋga əsɨ ze. Ətən ɨfɔ̀n ə Ŋwiə̀ mbɨ Wan njɨ̀g bɨrɨ yeʼ ɨŋga əsɨ ze, əne bə̂d ə̀fàʼì məd bɨrɨ wumnɨ əməd.

Ikan feg

³ Chəyi aghi ne ndɔ̀n Ŋwiye yaʼi igun biri yaʼ inga ikye aben we. Atən ifɔn àzi Ŋwiye tì Ŋwan njə̀g biri yaʼ inga ikye aben we. Ane, bəd àfàʼì məd biri ghumni aməd.

Ɨnû 22:3 ပူးပေါင်းရင်းမြစ်များ

Matìyò 25:21

Mbǎʼ ə̀fàʼì məd we nyaʼa ghà ɨ bɔ ni, 'À fə ghɨ̀ ɨchî chɔ̀m, kyɨə wə̀d ə̀fàʼì chɔ̀m nɨə fàʼ ənɨ i fîŋ jìm. Ɨchî nɨ à fàʼ ənɨ e fîŋ jìm mbɨ ɨghɨ rɨpiî, mə bɨrɨ nuŋ əwe ɨgwɨ ɨghɨ nɔnɔʼ. Nyɨ ə nəb tɨ̀ ghɨ ɨghaʼi!'

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 13:32

Mbɨ mɨ fə wumnɨ ə Ŋwiə̀ ənjìm məd, əne yɨ ni Ŋwìə̀ bɨrɨ bɨ wumnɨ əməd ənjìm ɨnû mbe nɨ wɨə ghɨ̀ə̀. Wɨ̀ bɨrɨ ghɨ əne kwàʼ àmei rɨ̀nîn.

Jn 14:3

Ənɨ mə̀ wo tekɨ əsɨ ɨ nən, mə bɨrɨ wɨrɨ yeʼe pè nɨŋ əwən ni mbə̀ yeʼe mbɨ num, ɨmbə̀ʼ əsɨ ze nɨ mə yeʼ əŋgu, mbə bɨrɨ bɨ yeʼ əŋgu.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Ɨnû 7:10

Ɨ mbɨə nyaʼə kyeŋ ənɨ gɨ̂ kǎ kǎ ghàə̀ ni, “À Ŋwìə̀ we nɨ chub ɨgun ətən ɨfɔ̀n mbɨ ə Wan njɨ̀g fə chɨ əwa rəŋgəʼ!”

Ɨnû 7:9

Ənɨ rɨ̀taanɨ njə̀m ze nyaʼa chě, mə nyaʼa nèŋ, əne zə ɨnɔ̂n bə̂d nɨ nyaʼa kwàʼ wɨ kyeŋ, nɨ chəi ənɨ tɨ̀ wə̀d nyaʼa taŋ. Mbɨ yɨə nyaʼə rɨŋga ɨbeŋ jìm, rɨŋga mɨnəbɨ jìm, rɨŋga ɨsɨ jìm bə̀ fɔrɨ rɨŋga mɨŋgam jìm. Mbɨ nyaʼa təm ɨfě ətən ɨfɔ̀n bə̀ təm ɨfě Wan njɨ̀g. Mbɨ nyaʼa zɨ̀ ngywɨ̌ tɨ rɨ̀fɨ bə̀ yim ɨzaŋ.