Ɨnû 22:18 - Meta’

¹⁸ Mə wɨə patɨə wə̀d jìm we nɨ zu mɨŋgam mbɔ̂ nɨ mbɨ ə̀ŋwàʼnɨ̀ ɨmbə̀ʼ ɨnû mbe nɨ bɨrɨ ghɨ̀. Wə̀d mɔʼɔ mɨ yì ɨnû əbɔʼ mbɔ̂, Ŋwìə̀ bɨrɨ yi ŋgəʼ kǎ kǎ te nɨ mbɨ mə̌ ɨŋga ə̀ŋwàʼnɨ̀ zɔ̂ ɨgwɨ məd.

Ikan feg

¹⁸ Mo Jɔn, mə we pàta wə̀d ijìm ne zughi inug mbo̰ ne biri dù icheg ne mbi ŋwaʼri inga àŋwàʼrì azo̰. Wə̀d mɔ̀ʼɔ mə̀ yètì anug mɔ̀ʼɔ igun inug mbo̰, Ŋwiye biri bə yètì aku ngəʼ kyen kyen ze ne mbi ŋwaʼri inga àŋwàʼrì azo̰ igun ngəʼ məd.

Ɨnû 22:18 ပူးပေါင်းရင်းမြစ်များ

Matìyò 15:13

Wɨ̀ nyaʼa wììrɨ̀ ni, “Mbɨ bɨrɨ chɔʼrɨ ɨghɨjìm mbe nɨ chəi mɨ Mbǎʼ rɨkaŋ konɨ.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

1 Tèsàlonikà 4:6

Tɨ̀ wə̀d mɔʼɔ rəbɔʼ nən chəkɨ i fîŋ wi aŋgɔb ənɨ ənû zɔ̂. Tɨ wɨ̀ nɨŋ i ɨwi wi aŋgɔb. Ə̀nùŋɨ̀sɨg bɨrɨ chə bə̂d mbe nɨə ghɨ̀ tɨkwɨrɨ ɨnû rɨbɔ̀ŋ tɔ̂ rɨjìm, àmei ɨchî nɨ tɨ̀ nyaʼa fə gha ɨ nən bə̀ patɨ əwən.

Ɨnû 1:3

Ŋwìə̀ zɨ əbɔrəbɔd ɨgun ə wə̀d we nɨ foŋ mɨŋgam mbɔ̂ ɨmbə̀ʼ ɨnû mbe nɨ bɨrɨ ghɨ̀. Ŋwìə̀ zɨ əbɔrəbɔd ɨgun ə bə̂d mbe nɨ zu mɨŋgam mbɔ̂ bə̀ ghɨ̀ ɨnû mbe nɨ mbɨ ŋwàʼnɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ ghɨ̀ fə tiinə.

Ɨnû 15:1

Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ɨnû 15:6

Mbɨ̀aŋgɨrə̀ mbe sambe nɨ nyaʼa yim ŋgəʼ rɨ kǎ kǎ te sambe nyaʼa jwɨ̀ rɨŋga mbàn ze. Wɨ mɔʼ mɔʼ rəbɔʼ mɨ̀mə̌d nyaʼa zɨ̀ ngywɨ̌ əka ɨnun nɨ nyaʼə zeŋə bə̀ teenɨə. Mbɨ nyaʼa bə̀ neb ɨwâm nɨ mbɨ nyaʼa tekɨ ənɨ ə gôl.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.

Ɨnû 20:10

Mbɨ nyaʼa màʼ ə Debɨ̀rə̀ we nɨ nyaʼə tambɨ mɨ̀mə̌d ɨŋga əsɨ ze nɨ sɔlfò ə ghɨ̀ ni ɨwid kyeŋ berɨə, nɨ yeʼ əsɨ ze nɨ mbɨ nyaʼa fə be màʼ nyam kyeŋ ze mbɨ ə bə̂d ɨ̀kə̀n mɨghab mbe əŋgu. Mbɨ bɨrɨ sɨə chəə mɨ̀mə̌d əŋgu əziə mbɨ ɨzimɨ koŋ koŋ.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.

Ɨnû 22:10

Wɨ̀ nyaʼa ghà ɨ num ni, “Tɨrə̀ tɔ nə̀m e mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ zambɨ ghɨ̀ fə tiinə.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 22:7

Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.