Ɨnû 22:16 - Meta’

¹⁶ “Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ikan feg

¹⁶ Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.

Ɨnû 22:16 ပူးပေါင်းရင်းမြစ်များ

Matìyò 1:1

Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

Matìyò 2:2

Mbɨ nyaʼa pè biirɨ ni, “Wan we mbɨ gywɨ nɨ yeʼ ɨfɔ̂n mɨ̀Jû kɨ ə yi ə? Tɨ̀ kə̀ʼ zə fɨtəmɨ məd əbà ze nɨ nyùmə̀ ə jwɨ̀ rəŋgu, əne tɨ̀ fə yeʼe ɨ wumnɨ əməd.”

Matìyò 22:42

“Mbə̀ kɔn əzən ni ye ɨmbə̀ʼ Wə̀d we nɨ Ŋwiə̀ zɔʼ ə? À kɨə wan tɨ ənɨ əghaŋ ə we ə?” Mbɨ nyaʼa wììrɨ̀ ni, “À yɨə wan tɨ ənɨ əghaŋ ə Dèvîd.”

Matìyò 22:45

Dèvîd mɨ yeʼə tɔŋ əməd ənɨ Ə̀nùŋɨ̀sɨg, wɨ̀ sɨ wɨrɨ yeʼ wan tɨ ənɨ əghaŋ əməd rɨ ye ə?”

Lk 1:78

A Ŋwiə̀ wɨə dììrɨ̀ əwa kwàʼ rɨŋgəʼ. Wɨ̀ bɨrɨ ghɨ̀ ni nyùmə̀ toʼ rɨkaŋ te ɨgwɨ na,

Lk 20:44

Dèvîd mɨ yeʼə tɔŋ əməd ni Ə̀nùŋɨ̀sɨg, wɨ̀ sɨ wɨrɨ yeʼ wan tɨ ənɨ əghaŋ əməd rɨ ye ə?”

Rm 15:12

Wə̀d ɨ̀kə̀n Ŋwìə̀ Aizayà nyaʼa bə̀ yì ghà ni, “Wan bɨrɨ jwɨ rɨ ənɨ əghaŋ ə Jesè, nɨ bɨrɨ tumbɨ bə̂d mbe nɨ kaʼi mɨ̀Jû, əne mbɨ bɨrɨ nuŋ tə rɨkɔndɨ ɨgwɨ məd.”

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

2 Pità 1:19

Əne tɨ̀ fə kyerɨ ni ɨŋgam we nɨ bə̂d ɨ̀kə̀n nyaʼa ghǎ ɨmbə̀ʼ əməd yɨə kàŋ ɨŋgam rəsìʼ. Mbə̀ jeŋgɨ zɨ̀ ətu ənɨ ɨŋgam wɔ̂, ɨmbə̀ʼ ɨghəm nɨ ɨ wɨ ɨghabɨ ənam nɨə te ɨŋga ɨsɨ firɨ. Mbə̀ ghɨ ɨnû mbe nɨ ɨŋgam wɔ̂ gha ɨ nən ɨmbə̀ʼ ɨtuʼ mɨ chɨg i chɨgɨ, Kristo te ɨŋga tə fîŋ ɨchî nɨ təbid ə te ənjɨtuʼ.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 22:11

Wə̀d we nɨə ghɨ̀ ɨnû rɨbɔ̀ŋ wo ɨmbì ghɨ̀ ɨnû rɨbɔ̀ŋ. We nɨə nyɔɔnɨə wo ɨmbì nyɔɔnɨ. We nɨə ghɨ̀ ɨnû nɨ kuʼnɨ wo ɨmbì ghɨ̀ ɨnû nɨ kuʼnɨ. We nɨ zeŋɨ wo ɨmbì ghɨ̀ ɨnû zeŋɨ zeŋɨ.”

Ɨnû 22:20

Wə̀d we nɨ gha ɨnû mbɔ̂ jìm ə ghà ni, “À yɨ rəsìʼ, mə bɨrɨ zambɨ yeʼe.” À yɨ əne, Ə̀nùŋɨ̀sɨg Yeso, yeʼe!

Ɨnû 22:6

Aŋgɨrə̀ we nyaʼa ghà ɨ num ni, “Ŋwìə̀ wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Əne Ə̀nùŋɨ̀sɨg Ŋwìə̀, nɨə nàʼ e Əzwî əmbɨ ə bə̂d ɨ̀kə̀n ɨməd, fə tom wi aŋgɨrə̀ nɨ wɨ̀ chwi ɨnû mbe nɨ bɨrɨ zambɨ ghɨ̀ əmbɨ mbi bə̂d ə̀fàʼì.”

Ɨnû 3:13

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo.'”

Ɨnû 3:22

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo.'”

Ɨnû 3:6

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo.'”

Ɨnû 5:5

Wə̀d mɔʼɔ rəbɔʼ bə̂d kyeŋ mbe nyaʼa ghà ɨ num ni, “Tɨrə̀ chweŋ e mɨsɨ. Zə, Ŋgwàbaʼ we rɨŋga ɨnəbɨ Judà, nɨ yeʼ rɨ ənɨ əghaŋ Ɨfɔ̂n Dèvîd, fə baŋ mbi bə̂d pə̀n, əne ɨ we tɨ̀ wɨ̀ kyeʼrɨ ɨneŋ we ɨsɨ mbe sambe, fiʼ ə̀ŋwàʼnɨ̀ ze.”