Ɨnû 22:11 - Meta’

¹¹ Wə̀d we nɨə ghɨ̀ ɨnû rɨbɔ̀ŋ wo ɨmbì ghɨ̀ ɨnû rɨbɔ̀ŋ. We nɨə nyɔɔnɨə wo ɨmbì nyɔɔnɨ. We nɨə ghɨ̀ ɨnû nɨ kuʼnɨ wo ɨmbì ghɨ̀ ɨnû nɨ kuʼnɨ. We nɨ zeŋɨ wo ɨmbì ghɨ̀ ɨnû zeŋɨ zeŋɨ.”

Ikan feg

¹¹ Wə̀d ne ghìyə̀ inug tibɔ̀ŋ, wì chè yi imbìghè inga ìmbi inug tibɔ̀ŋ. Wə̀d ne ghìyə̀ izṵ inug, wì bə chè yi imbìghè inga ìmbi izṵ inug. Àsi wə̀d ne ghìyə̀ inug ne təmi kòʼ, wì chè yi imbìghè inga ìmbi inug ne təmi kòʼ. Wə̀d ne ghìyə̀ inug inga ìzḛzḛ, wì bə chè yi imbìghè inga ìmbi inug ìzḛzḛ.”

Ɨnû 22:11 ပူးပေါင်းရင်းမြစ်များ

Matìyò 15:14

Mbə̀ saŋ mɨ̀mə̌d! Mbɨ yɨ mɨfɨgɨ̀ nɨə chàə̀ mbɨ cherə. Ɨfɨgɨ mɨ yim mbàŋ əmbɨ wɨ cherə, mɨ̀mə̌d mbe mɨ̀be bɨrɨ feŋ ɨŋga ɨbɨgɨ.”

Matìyò 21:19

Wɨ̀ nyaʼa zə əzed ə fîg ɨban ɨnə̂njɨ̀, əne wɨ̀ nyaʼa wo nèŋ àyɨə chəi wɨ̀ nyaʼa zə fɨtam ɨkaŋ. Wɨ̀ nyaʼa zə àmei rɨfuʼ wən. Əne wɨ̀ nyaʼa ghà əmbɨ əzed ze ni, “Chəi à bɨrɨ wɨrɨ nɔ kɔ fɨtam.” Àmei əwu əwən, əzed ze ə nyaʼa zom i.

Matìyò 25:10

Ənɨ mbɨ nyaʼa wo zon, ɨnom ɨgən we nyaʼa yeʼe. Mbe nɨ nyaʼa fə tekɨ ə ɨnyod nyaʼa wò nyɨ ə nəb mbɨ məd ɨ jɨg əchwɨ̂ ɨnamɨ ze. Mbɨ nyaʼa nyɨ əne wùb ɨchû nəb.

Matìyò 5:45

ɨmbə̀ʼ mbə̀ yeʼ bɔn ə Mbǎʼ we nɨ yeʼ ɨkaŋ. Mbə̀ ghɨ əne ɨmbə̀ʼ ɨghəm nɨ məd wɨə ghɨ̀ə̀ ni nyùmə̀ te ɨgwɨ ə bə̂d rɨbɔ̀ŋ bə̀ fɔrɨ ɨgwɨ ə bə̂d chɔ̀m. Ɨ wɨə ghɨ̀ə̀ ni mbə̀ŋ nɔ ɨgwɨ ə bə̂d mbe nɨə ghɨ̀ ɨnû nɨ kuʼnɨ bə̀ fɔrɨ ɨgwɨ mbe nɨ chəi mbɨə ghɨ̀ ɨnû nɨ kuʼnɨ.

Matìyò 5:6

Ŋwìə̀ zɨ əbɔrəbɔd ɨgun ə bə̂d mbe nɨ njì tɨə zaŋə mɨ̀mə̌d, ədɔʼ ə bə̀ neə mɨ̀mə̌d nɨ ghɨ ɨnû nɨ kuʼnɨ, ɨmbə̀ʼ ɨghəm nɨ məd ziə bɨrɨ naʼ ɨghɨ mbe nɨ mbɨ kəbɨ.

Jn 8:21

Yeso nyaʼa yì ghà əmbɨ mɨ̀Farisiî mbe ni, “Mə bɨrɨ wo. Mbə bɨrɨ kəb əmɨ təkan, àyɨə mbə ɨnû rɨbɔ̀ŋ bɨrɨ zwiirɨ əwən. Chəi ənɨ tɨ̀ mbə yeʼe əsɨ ze nɨ mɨə wò əŋgu.”

Efesùs 5:27

Wɨ̀ nyaʼa ghɨ əne ɨmbə̀ʼ nuŋ ɨfetɨ we ənɨ i ɨfě, nɨ wɨ̀ fə yèʼɨ wɨ bɔŋ, nɨ chəi rɨfiŋ ɨgun, nɨ chəi ɨfě nyɔpɨ, nɨ chəi ənɔʼɔ kɨ̀ əghɨ ə mɔʼɔ ɨghabɨ əze ɨgun, ɨmbə̀ʼ ɨfetɨ we chub ɨzeŋɨ zeŋɨ nɨ chəi əghəm ɨgun.

Kòlosè 1:22

Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 16:21

Əwəŋ ə kyeŋ nɨ wɨ mɔʼ rəbɔʼ nyaʼə nìrə̀ ɨghabɨ mɨkirə̀ ɨwum tân nyaʼa nɔ̀ʼ rɨkaŋ feŋgɨ ɨgun ə bə̂d. Ənɨ əwəŋ ze ə nyaʼa feŋgɨ əne, mbɨ nyaʼa zɔ̀m ə Ŋwiə̀ ɨmbə̀ʼ ŋgəʼ ze nɨ əwəŋ ze ə nyaʼa zɨ ɨgun ə bə̂d, ɨmbə̀ʼ ɨghəm nɨ ŋgəʼ ze nyaʼa chè əbɔ.

Ɨnû 22:3

Chəi əghɨ ə mɔʼɔ ze nɨ Ŋwìə̀ zɨ ndɔ̀n ɨgun bɨrɨ yeʼ ɨŋga əsɨ ze. Ətən ɨfɔ̀n ə Ŋwiə̀ mbɨ Wan njɨ̀g bɨrɨ yeʼ ɨŋga əsɨ ze, əne bə̂d ə̀fàʼì məd bɨrɨ wumnɨ əməd.