Ɨnû 22:10 - Meta’

¹⁰ Wɨ̀ nyaʼa ghà ɨ num ni, “Tɨrə̀ tɔ nə̀m e mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ zambɨ ghɨ̀ fə tiinə.

Ikan feg

¹⁰ Wì ya bə̀ ghà inum gha, “Imbə̀ʼ àghò nəmbə awe inug mbe ne mbi ŋwaʼri inga àŋwàʼrì azo̰ imbə̀ʼ icheg ne nyùmə̀ ne inug mbe biri dù fə tinde.

Ɨnû 22:10 ပူးပေါင်းရင်းမြစ်များ

Matìyò 10:27

Ɨnû mbe nɨ mə gha ɨ nən ɨŋga ɨsɨ firɨ, mbə̀ gha ənɨ ɨsɨ ə zeŋə. Ɨnû mbe nɨ mə ghà ɨ nən əchùmə, mbə̀ təm rɨ ɨdom nəb saʼ.

Rm 13:11

Kaʼi əjìm əze, mbə̀ fə kàŋ kyerɨ ə nyùmə̀ wɔ̂ rɨ̀nîn. À yɨə nyùmə̀ ɨ nən nɨ nɔʼ rɨ əŋgwenɨ, ɨmbə̀ʼ ɨghəm nɨ ənû nɨ jwɨ rəŋgəʼ fə tiinɨ ɨban na tɨ̀nîn chè rɨ ənɨ nyùmə̀ we nɨ tɨ̀ nyaʼa be benɨ.

Rm 13:12

Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

2 Tès 2:3

Tɨ mbə̀ ben ə ni wə̀d mɔʼɔ che ənɨ ɨkwɨ ɨnə̂njɨ̀ mɔʼɔ tambɨ əwən, ɨmbə̀ʼ ɨghəm nɨ chəi əni ze ə bɨrɨ kɨrɨ yeʼe pè ənɨ bə̂d mbe nɨ bɨrɨ ton ɨnû jìm ɨmbə̀ʼ ə Ŋwiə̀ fə yeʼe, wə̀d we nɨ ton ə Ŋwiə̀ bə̀ ton tɨkə rɨ məd bə̀ jwɨ̀ bə̂d zə. Məd yɨ we nɨ bɨrɨ nim.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:3

Ŋwìə̀ zɨ əbɔrəbɔd ɨgun ə wə̀d we nɨ foŋ mɨŋgam mbɔ̂ ɨmbə̀ʼ ɨnû mbe nɨ bɨrɨ ghɨ̀. Ŋwìə̀ zɨ əbɔrəbɔd ɨgun ə bə̂d mbe nɨ zu mɨŋgam mbɔ̂ bə̀ ghɨ̀ ɨnû mbe nɨ mbɨ ŋwàʼnɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ ghɨ̀ fə tiinə.

Ɨnû 10:4

Ənɨ mbə̀ŋ ze nyaʼa kum ɨghəm sambe, mə nyaʼa nɨrə ŋwàʼnɨ̀ ɨnû mbe nɨ mbə̀ŋ ze nyaʼa kumɨ ghà ɨ num, àyɨə mə nyaʼa zu gɨ̂ nɨ nyaʼa ghàm rɨkaŋ ghà ni, “Tɨrə̀ tɔ ghà e ənû ze nɨ mbə̀ŋ kum ɨghəm sambe ghà ɨ ne. Tɨrə̀ bɨ tɔ ŋwàʼnɨ̀ e ə si.”

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 22:18

Mə wɨə patɨə wə̀d jìm we nɨ zu mɨŋgam mbɔ̂ nɨ mbɨ ə̀ŋwàʼnɨ̀ ɨmbə̀ʼ ɨnû mbe nɨ bɨrɨ ghɨ̀. Wə̀d mɔʼɔ mɨ yì ɨnû əbɔʼ mbɔ̂, Ŋwìə̀ bɨrɨ yi ŋgəʼ kǎ kǎ te nɨ mbɨ mə̌ ɨŋga ə̀ŋwàʼnɨ̀ zɔ̂ ɨgwɨ məd.

Ɨnû 22:20

Wə̀d we nɨ gha ɨnû mbɔ̂ jìm ə ghà ni, “À yɨ rəsìʼ, mə bɨrɨ zambɨ yeʼe.” À yɨ əne, Ə̀nùŋɨ̀sɨg Yeso, yeʼe!

Ɨnû 22:7

Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”

Ɨnû 5:1

Mə nyaʼa zə ə̀ŋwàʼnɨ̀ nɨ mbɨ karɨ ɨŋga əbɔ ə jɨgɨ məd we nɨ nyaʼa chub ɨgun ətən ɨfɔ̀n. Mbɨ nyaʼa ŋwàʼnɨ̀ ɨnû ɨgun ə̀ŋwàʼnɨ̀ ze ɨba jìm, kad ə̀ŋwàʼnɨ̀ ze sɨ neŋ ɨsɨ sambe.