Ɨnû 22:1 - Meta’

¹ Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ikan feg

¹ Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Ɨnû 22:1 ပူးပေါင်းရင်းမြစ်များ

Jn 13:32

Mbɨ mɨ fə wumnɨ ə Ŋwiə̀ ənjìm məd, əne yɨ ni Ŋwìə̀ bɨrɨ bɨ wumnɨ əməd ənjìm ɨnû mbe nɨ wɨə ghɨ̀ə̀. Wɨ̀ bɨrɨ ghɨ əne kwàʼ àmei rɨ̀nîn.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 21:11

Ɨwumnɨ Ŋwiə̀ wɨə nyaʼə te əsɨ ze. Ə zɨə nyaʼə mèŋnɨ̀ ɨghabɨ ndəŋ əka ɨnun bə̀ mèŋnɨ̀ ɨghabɨ ə jaspà. Ə zɨə nyaʼə bə̀ zeŋ ɨghabɨ ə kristal.

Ɨnû 21:6

Wɨ̀ nyaʼa ghà ɨ num ni, “Ɨnû jìm fə mì i! Mɔ̌ yɨə Alfà mbɨ ə Omegà. Mɔ̌ yɨ ɨkɔ bə̀ yeʼ ɨnwǐ. Mə bɨrɨ naʼ mɨnib rɨ ənɨ jwɨ̀-əmboŋ we nɨ mɨnib məd ə nàʼ ɨ̀tènɨ̀ əmbɨ wə̀d we nɨ ədɔʼ ə ne əməd. Wɨ̀ bɨrɨ nɨŋ əko nɨ chəi wɨ̀ naʼ ɨkab.

Ɨnû 21:9

Wɨ mɔʼɔ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nɨ ŋgəʼ kǎ kǎ te sambe nɨ sɨ nwìə̀ nyaʼa swi ɨŋga, nyaʼa yeʼe ghà ɨ num ni, “Yeʼe, mə bɨrɨ chwi ɨgən we nɨ yeʼ ɨwi Wan njɨ̀g ɨ ne.”

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

Ɨnû 22:6

Aŋgɨrə̀ we nyaʼa ghà ɨ num ni, “Ŋwìə̀ wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Əne Ə̀nùŋɨ̀sɨg Ŋwìə̀, nɨə nàʼ e Əzwî əmbɨ ə bə̂d ɨ̀kə̀n ɨməd, fə tom wi aŋgɨrə̀ nɨ wɨ̀ chwi ɨnû mbe nɨ bɨrɨ zambɨ ghɨ̀ əmbɨ mbi bə̂d ə̀fàʼì.”

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.

Ɨnû 5:13

Mə nyaʼa zu gɨ̂ ɨghɨjìm mbe nɨ Ŋwìə̀ nyaʼa tekɨ ɨkaŋ, tekɨ ɨgwɨ ə si, tekɨ əton ə si, tekɨ ɨŋga rɨ̀bàà. Mə nyaʼa bə̀ zu gɨ̂ ɨghɨjìm mbe nɨ yeʼ ɨŋga mɨ̀mə̌d. Ɨghɨ mbe mbɨə nyaʼə kwerɨ ɨkyî ghàə̀ ni, “Mbə̀ naʼ əbɔrəbɔd, nàʼ wumnɨ, yiirɨ bə̀ tìmbɨ̀ ɨka məd we nɨ chub ɨgun ətən ɨfɔ̀n. Mbə̀ bə ghɨ̀ əne ənɨ ə Wan njɨ̀g koŋ koŋ.”

Ɨnû 5:6

Mə nyaʼa zə Wan njɨ̀g nɨ nyaʼa təm ɨŋga mɨgharə̀ ətən ɨfɔ̀n, ɨŋga mɨgharə̀ ɨghɨ mbe ɨkwè nɨ yeʼ ɨkǎ bə̀ təm əkaʼ bə̂d kyeŋ mbe. Zɨə chub ɨghabɨ ni mbɨ nyaʼa fə kyemɨ Wan njɨ̀g we, àyɨə ɨ zɨ i ɨkǎ. Zɨ̀ nyaʼa berɨ ndɔŋ sambe mbɨ əghə ə sambe. Əghə ze sambe yɨ ɨzwî mbe sambe nɨə fàʼ əmbɨ ə Ŋwiə̀, nɨ Ŋwìə̀ nyaʼa cha ɨŋga ɨsɨg jìm.

Ɨnû 7:17

ɨmbə̀ʼ ɨghəm nɨ Wan njɨ̀g we nɨ təm ɨŋga mɨgharə̀ ətən ɨfɔ̀n ze bɨrɨ nəŋgɨ mɨ̀mə̌d ɨghabɨ ənə̂ŋgɨ̀-njɨ̀g; wɨ̀ bɨrɨ kə̀ŋ mɨ̀mə̌d wò ənɨ mɨ̀jwɨ̀-əmboŋ mɨnib nɨə nàʼ ɨ̀tènɨ̀. Ŋwìə̀ bɨrɨ fu mɨsɨ jìm tɨ ənɨ əghə mɨ̀mə̌d.”