Ɨnû 21:8 - Meta’

⁸ Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ikan feg

⁸ Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 21:8 ပူးပေါင်းရင်းမြစ်များ

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Matìyò 25:25

Mə nyaʼa bɔ ni mə bɨrɨ nimnɨ e ɨkab, əne mə nyaʼa wò nə̀m ɨŋga si. Zə, à yɨ e ə̀bàm ɨkab ə gôl ze ə zɔ̂.'

Matìyò 8:26

Yeso nyaʼa wììrɨ̀ əmbɨ mɨ̀mə̌d ni, “Ə ɨbenɨ ə kàŋ kə! Mbə kɨə bɔə ye ə?” Wɨ̀ nyaʼa ghà əne, nɔ̀ʼ ghàm əbɔʼ əfim ze bə̀ fɔrɨ əbɔʼ ə sà ze, əne ɨsɨ nyaʼa bɔd rɨ gwèèd.

Mk 9:44

Əŋgu, chəi tɨgwid te nɨə kurə nyamnyod bə̂d ə nɔ̀ kwɨə, chə bəi ɨwid we nɨə tɔ̀n mɨ̀mə̌d ə nɔ̀ nìmə.]

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

2 Tès 2:9

Wə̀d we nɨ ton ə Ŋwiə̀ bə̀ ton tɨkə rɨ məd bɨrɨ yeʼe mbɨ ɨka we nɨ Satàn naʼ ɨ bɔ. Wɨ̀ bɨrɨ pe ghɨ̀ tɨkwɨrɨ ɨnû yiirɨ mɨghab jìm, ghɨ̀ tɨkwɨrɨ ɨnweenɨ-ɨnû mɨghab jìm bə̀ ghɨ̀ tɨkwɨrɨ ɨnû mɨghab jìm nɨ dabə.

1 Timotì 4:2

Bə̂d mbe nɨə chwi tɨkwɨrɨ ɨnû tɔ̂ yɨ ɨbekɨ bə̂d fɔrɨ bə̂d mɨghab. Fîŋ tɨ mɨ̀mə̌d fə kwɨ.

Tayitùs 1:16

Ɨ mbɨə ghàə̀ ni mbə kyerɨ ə Ŋwiə̀, àyɨə ənû mbe nɨ mbɨə ghɨ̀ə̀ mbɨə chwiə ni ɨ mbɨə ton əməd. Chəi bə̂d ghaʼ mɨ̀mə̌d. Chəi mbɨə zuunɨ ə Ŋwiə̀. Mbɨ rɨka kaŋ kuʼ əwən nɨ ghɨ ənû ə chɔ̀m ə mɔʼɔ.

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 13:4

Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.

1 Jɔn 2:22

Wə̀d mɨghab kɨə we? Kaʼ à wa kɨ i wə̀d we nɨə ghàə̀ ni ka Yeso yɨ i wə̀d we nɨ Ŋwìə̀ zɔʼ ə? Wə̀d we nɨ ton ə Mbǎʼ bə̀ ton Wan yɨə wə̀d pə̀n Kristo.

1 Jɔn 3:15

Wə̀d we nɨə bàn wi aŋgɔb yɨ ə̀zwììrɨ̀-bə̂d. Mbə fə bə̀ kyerɨ ə ni chəi ə̀zwììrɨ̀-bə̂d bɨrɨ jɨg ɨ̀tènɨ̀ rɨ mì.

1 Jɔn 5:10

Wə̀d we nɨ ben Wan Ŋwìə̀ fə bə̀ ben ənû ze nɨ Ŋwìə̀ ghǎ. We nɨ chəi wɨ̀ ben ənû ze nɨ Ŋwìə̀ ghǎ ɨmbə̀ʼ i Wan wɨə ghàə̀ ni Ŋwìə̀ yɨə wə̀d mɨghab, ɨmbə̀ʼ ɨghəm nɨ chəi məd ben ənû ze nɨ Ŋwìə̀ ghǎ ɨmbə̀ʼ i Wan.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ɨnû 21:27

Chəi əghɨ ə mɔʼɔ ze nɨ rɨka zeŋ i bɨrɨ nɔ nyɨ ɨŋga əsɨ ze, kɨ̀ à kɨ ə wə̀d nɨə ghɨ̀ ɨnû tɨ̀nìd ətu, kɨ̀ we nɨə ghàə̀ mɨghab. Àmei bə̂d mbe nɨ mbɨ ŋwaʼnɨ rɨkum tɨ mɨ̀mə̌d ɨŋga ə̀ŋwàʼnɨ̀ ə Wan njɨ̀g nɨ bə̂d bɨrɨ jɨg ɨ̀tènɨ̀ bɨrɨ nyɨ ɨŋga əsɨ ze.

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.

Ɨnû 9:17

Mə nyaʼa zə bə̂d mbe nɨ nyaʼa kɔʼ ngyi bə̀ zə ngyi te ɨŋga rɨ̀taanɨ njə̀m ze. Mbɨ nyaʼa zɨ̀ mɨparɨwà nɨ kən ɨgɔ̂ nɨ nyaʼə bàŋə̀ ɨghabɨ ɨwid, finə fùʼnə̀ ɨghabɨ ə safi, bə̀ bàŋə̀ fùʼnə̀ ɨghabɨ ə sɔlfò. Ɨtu ngyi te tɨə nyaʼa ɨghabɨ tɨ mɨ̀ŋgwàbaʼ. Ɨwid mbɨ ə ndiʼ fɔrɨ ə sɔlfò mbɨə nyaʼə jwɨ̀ rɨŋga mɨchû mɨ̀mə̌d.

Ɨnû 9:21

Chəi mbɨ nyaʼa beŋ tə fîŋ tɨ ənɨ ɨchî nɨ mbɨə zwiirɨ ə bə̂d, tɨ ənɨ ɨchî nɨ mbɨə ghɨ̀ mɨ̀sà, tɨ ənɨ ɨchî nɨ mbɨə ghɨ̀ ɨfabrɨ-ɨnû kɨ̀ rɨ ənɨ ɨchî nɨ mbɨə jɨə.