Ɨnû 21:3 - Meta’

³ Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ikan feg

³ Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.

Ɨnû 21:3 ပူးပေါင်းရင်းမြစ်များ

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

2 Kɔrèn 6:16

À kɨ ənû ə ye nɨ mbàn Ŋwìə̀ berɨ mbɨ mbɨ̀anèŋ ə? Tɨ̀ yɨə mbàn Ŋwìə̀ we nɨ yeʼ ɨkǎ. Ŋwìə̀ ziə ə ghà ni: “Mə bɨrɨ chubɨ mbɨ mɨ̀mə̌d bə̀ yèn əkaʼ mɨ̀mə̌d. Mə bɨrɨ yeʼ Ŋwiə̀ mɨ̀mə̌d, mɨ̀mə̌d bə̀ yeʼ mbɨ bə̂d.”

2 Kɔrèn 6:18

Mə bɨrɨ yeʼ Mbǎʼ ɨ nən, əne mbə bɨrɨ yeʼ mbɨ bɔn mbaŋə̀ mbɨ mbɨ bɔn məyi. Əzɔ̂ yɨ ənû nɨ Ə̀nùŋɨ̀sɨg Ŋwìə̀kɔʼ ghǎ.”

1 Tèsàlonikà 3:11

Tɨ̀ wɨə kɔ̀ŋgɨ̀ ə Ŋwiə̀ nɨ yeʼ à Mbǎʼ bə̀ kɔ̀ŋgɨ̀ a Ə̀nùŋɨ̀sɨg Yeso ni mbɨ ghɨ̀ əpan ə jwɨ ni tɨ̀ yeʼe əsɨ nən.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Mə̀Hibrù 8:10

Ə̀nùŋɨ̀sɨg ə ghà ni, fɨso fe nɨ mə̀ bɨrɨ san mbɨ mɨ̀Izre yɨ ni: ənɨ ɨni mbe fə che i, mə bɨrɨ zɨ tum rɨkə ɨŋga ɨtu mɨ̀mə̌d, bə̀ ŋwàʼnɨ̀ ɨŋga fîŋ tɨ mɨ̀mə̌d. Mə bɨrɨ yeʼ Ŋwìə̀ mɨ̀mə̌d, mɨ̀mə̌d bə̀ yeʼ mbɨ bə̂d.

Mə̀Hibrù 8:2

Ɨ wɨə fàʼ ɨŋga əsɨ ɨwumnɨ nɨ yeʼ ɨŋwenɨ rəsìʼ we nɨ Ə̀nùŋɨ̀sɨg ziə korɨ, nɨ kaʼi bə̂d mɨ̀sɔŋɨchù korɨ.

Ɨnû 10:4

Ənɨ mbə̀ŋ ze nyaʼa kum ɨghəm sambe, mə nyaʼa nɨrə ŋwàʼnɨ̀ ɨnû mbe nɨ mbə̀ŋ ze nyaʼa kumɨ ghà ɨ num, àyɨə mə nyaʼa zu gɨ̂ nɨ nyaʼa ghàm rɨkaŋ ghà ni, “Tɨrə̀ tɔ ghà e ənû ze nɨ mbə̀ŋ kum ɨghəm sambe ghà ɨ ne. Tɨrə̀ bɨ tɔ ŋwàʼnɨ̀ e ə si.”

Ɨnû 10:8

Ənɨ wɨ̀ nyaʼa gham əne, gɨ̂ ze nɨ mə nyaʼa zu rɨkaŋ nyaʼa wɨrɨ ghàm ɨ num ghà ni, “Ndə̀ wo nɨŋ ə̀ŋwàʼnɨ̀ ze nɨ yeʼ əfìʼə tɨ ɨkye əbɔ aŋgɨrə̀ we nɨ təm ɨgun rɨ̀bàà bə̀ təm ɨgun ə si.”

Ɨnû 12:10

Mə nyaʼa zu gɨ̂ nɨ kǎ ɨkaŋ. Gɨ̂ ze zɨə nyaʼə ghàə̀ ni, “Tɨ̀nîn Ŋwìə̀ fə chɨ̀ mbi bə̂d rəŋgəʼ, wɨ̀ fə chwi i ɨka. Ɨ wɨə tùmbɨ̀ə̀ bə̂d mɨ̀jìm ɨghabɨ ɨfɔ̀n! Tɨ̀nîn wə̀d we nɨ Ŋwìə̀ zɔʼɔ fə chwi i ɨka, ɨmbə̀ʼ ɨghəm nɨ mbɨ fə chɨ̀ wə̀d we nɨ nyaʼə təm ɨfě a Ŋwiə̀ màʼ ɨgwɨ ə si. Məd wɨə nyaʼə chuʼə mba bɔŋgɔb mbe nɨ nyaʼa ben ə Kristo. Ɨ wɨə nyaʼə chuʼə mɨ̀mə̌d əziə mbɨ ɨzimɨ.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.

Ɨnû 22:3

Chəi əghɨ ə mɔʼɔ ze nɨ Ŋwìə̀ zɨ ndɔ̀n ɨgun bɨrɨ yeʼ ɨŋga əsɨ ze. Ətən ɨfɔ̀n ə Ŋwiə̀ mbɨ Wan njɨ̀g bɨrɨ yeʼ ɨŋga əsɨ ze, əne bə̂d ə̀fàʼì məd bɨrɨ wumnɨ əməd.

Ɨnû 7:15

Əne ɨ mbɨ ɨfě ətən ɨfɔ̀n ə Ŋwiə̀ fàʼ ɨ bɔ əziə mbɨ ɨzimɨ ɨŋga mbàn məd. Məd we nɨ chub ɨgun ətən ɨfɔ̀n bɨrɨ kubrɨ mɨ̀mə̌d.