Ɨnû 20:2 - Meta’

² Wɨ̀ nyaʼa gywɨ̀ tɨ̀sɔ̀ʼɔ̀ jɔ ze, nɨ yeʼ jɔ ze nɨ nyaʼa rəŋwe, əne yɨə Debɨ̀rə̀ kɨ ə Satàn, əne kod əməd ɨghəm ɨwu chuʼ fibɨ̀.

Ikan feg

² Wì ya gwì tìsɔ̀ʼ jo ze te aneg ne ya Debrə̀ kə̀ Sàtàn kɔd ane tituʼ chuʼ ifibì.

Ɨnû 20:2 ပူးပေါင်းရင်းမြစ်များ

Matìyò 19:29

Wə̀d jìm we nɨ saŋ ti nəb, kɨ̀ mbi bɔŋgɔb mbaŋə̀ kɨ̀ mbɨ məyi, kɨ̀ i mbǎʼ, kɨ̀ i nɨŋ, kɨ̀ mbi bɔn, kɨ̀ mbi ɨsɨ si ɨmbə̀ʼ beenɨ əbɔʼ num, bɨrɨ wɨrɨ berɨ ɨghɨ ɨghəm ɨkɨ fibɨ̀, bə̀ jɨg ɨ̀tènɨ̀ rɨ mì.

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Mk 4:15

Bə̂d mɔʼɔ yɨ ɨghabɨ ɨghɨ ŋgwèd mbe nɨ nyaʼa feŋ ɨgun ɨnə̂njɨ̀. Mbɨ mɨ zu ɨŋgam Ŋwiə̀, Satàn wò chɨ̀ ɨŋgam we nɨ mbɨ kon ɨŋga mɨ̀mə̌d kwàʼ àmei əwu əwən.

Mk 5:7

kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Jn 12:31

Nyùmə̀ fə kùʼi nɨ Ŋwìə̀ bɨrɨ saʼ ɨsɨg wɔ̂. Wɨ̀ bɨrɨ fid məd we nɨə tùmbɨ̀ ɨsɨg wɔ̂.

Jn 16:11

Tɨkɔndɨ tɨ mɨ̀mə̌d rɨka kuʼi ɨmbə̀ʼ ɨchî nɨ Ŋwìə̀ bɨrɨ saʼ ɨsɨg, ɨmbə̀ʼ ɨghəm nɨ Ŋwìə̀ fə saʼ wə̀d we nɨə tùmbɨ̀ ɨsɨg wɔ̂.

Rm 16:20

Ŋwiə̀ we nɨə nàʼ əbɔrəbɔd bɨrɨ zambɨ baŋ ə Satàn, əne ghɨ̀ ni mbə̀ berɨ ɨka ɨgwɨ məd. A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən.

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.

Ɨnû 12:13

Ənɨ tɨ̀sɔ̀ʼɔ̀ jɔ ze nyaʼa zə ni mbɨ fə màʼ əməd ɨgwɨ ə si, zɨ̀ nyaʼa kɔ fid əyi we nɨ nyaʼa gywɨ wan mbaŋə̀ we.

Ɨnû 12:15

Tɨ̀sɔ̀ʼɔ̀ jɔ ze nyaʼa chwɨ mɨnib rɨŋga i ɨchû ɨmbə̀ʼ mbɨ beʼ əyi we wò. Mɨnib mbe mbɨə nyaʼa ɨghabɨ ɨgyɨ̀ kyeŋ.

Ɨnû 12:17

Tɨ̀sɔ̀ʼɔ̀ jɔ ze nyaʼa sə ɨtəm əbɔʼ əyi we. Əne zɨ̀ nyaʼa wò kɔ maʼ bid mbɨ ə bɔn mbe nɨ buʼu tɨ ənɨ bɔn əyi we, əne yɨə bə̂d mbe nɨə nuŋ tɨkə rɨ Ŋwiə̀ mbɨ mbe nɨ nyaʼə ghà rəsìʼ ɨmbə̀ʼ ə Yeso. [

Ɨnû 12:3

Ənweenɨ-ənû ə cherə ə nyaʼa jwɨ̀ ɨkaŋ: Tɨ̀sɔ̀ʼɔ̀ jɔ bagɨ zɨə nyaʼa əŋgu. Zɨ̀ nyaʼa berɨ ɨtu sambe, berɨ ndɔŋ wum bə̀ berɨ tɨdəm ɨfɔ̀n sambe ɨgwɨ ɨtu məd mbe.

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:2

Nyam kyeŋ ze nɨ mə nyaʼa zə zɨə nyaʼa ɨghabɨ əfɔn. Ɨwu məd mbɨə nyaʼa ɨghabɨ ɨwu bê. Ɨchû məd wɨə nyaʼa ɨghabɨ ɨchû ŋgwàbaʼ. Tɨ̀sɔ̀ʼɔ̀ jɔ ze nyaʼa nàʼ i ɨka, nàʼ i ətən ɨfɔ̀n bə̀ nàʼ ɨka kyeŋ nɨ tumbɨ bə̂d əmbɨ ə nyam kyeŋ ze.

Ɨnû 13:4

Bə̂d mbɨə nyaʼa wumnɨ tɨ̀sɔ̀ʼɔ̀ jɔ ze ɨmbə̀ʼ ɨghəm nɨ zɨ nyaʼa fə nàʼ ɨka nɨ tumbɨ bə̂d əmbɨ ə nyam kyeŋ ze. Ɨ mbɨə nyaʼə bə̀ wumnɨə nyam kyeŋ ze ghàə̀ ni, “À kɨə we nɨ yeʼ ɨghabɨ ə nyam kyeŋ zɔ̂ ə? À kɨə we nɨ tɨ̀ wɨ̀ zɔ̀ŋ əməd ə?”

Ɨnû 20:10

Mbɨ nyaʼa màʼ ə Debɨ̀rə̀ we nɨ nyaʼə tambɨ mɨ̀mə̌d ɨŋga əsɨ ze nɨ sɔlfò ə ghɨ̀ ni ɨwid kyeŋ berɨə, nɨ yeʼ əsɨ ze nɨ mbɨ nyaʼa fə be màʼ nyam kyeŋ ze mbɨ ə bə̂d ɨ̀kə̀n mɨghab mbe əŋgu. Mbɨ bɨrɨ sɨə chəə mɨ̀mə̌d əŋgu əziə mbɨ ɨzimɨ koŋ koŋ.

Ɨnû 20:7

Ənɨ ɨghəm ɨwu mbe chuʼ fibɨ̀ fə mi, mbɨ bɨrɨ chɨ ə Satàn rɨŋga ndəŋ məd ze.

Ɨnû 9:11

Aŋgɨrə̀ we nɨ nyaʼə nəŋgɨ ɨbɨgɨ we nɨ chəi ɨnwǐ yɨ ɨfɔ̀n mɨ̀mə̌d. Ɨkum məd ənɨ ɨŋgam Hibrù yɨə Àbadòn. Ɨkum məd ənɨ ɨŋgam Grik yɨə Àpoliòn. (Əton ənɨ ɨkum we yɨə, “Wə̀d nɨə chəkɨ ɨghɨ.”)