Ɨnû 20:12 - Meta’

¹² Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.

Ikan feg

¹² Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.

Ɨnû 20:12 ပူးပေါင်းရင်းမြစ်များ

Matìyò 11:22

Mə ghà ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Taì mbɨ mbe rɨ ə Sidòn chè ɨchî nɨ tɨ̀ wɨ̀ dììrɨ̀ əwən!

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Lk 10:20

Àyɨə tɨ mbə ghaʼ àmei ni ɨzwî rɨbɔ̀ŋ mbɨə zuunɨ əwən, àyɨə mbə ghaʼ yeʼ ɨmbə̀ʼ ɨghəm nɨ Ŋwìə̀ fə ŋwaʼnɨ tə rɨkum ɨkaŋ.”

Ɨ̀fàʼì 24:15

Mə wɨə nùŋ ɨkɔndɨ wòmə̀ wə̀d we nɨ Ŋwiə̀ nyaʼa kaʼi, ɨchî nɨ mɨ̀mə̌d ə bə̀ wòmə̀. Ɨkɔndɨ we yɨ ni bə̂d mbe nɨ ɨnû mɨ̀mə̌d kuʼnɨ mbɨ mbe nɨ chəi ɨnû mɨ̀mə̌d kùʼnɨ̀ bɨrɨ zwemə.

Rm 2:6

Ŋwìə̀ bɨrɨ chwɨ wə̀d mɔʼ mɔʼ ɨchî nɨ wɨ̀ faʼi.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Kɔrèn 5:10

Mba mɨjìm berɨ təm ɨfě Kristo ni wɨ̀ saʼ əwa, ɨmbə̀ʼ wə̀d mɔʼ mɔʼ nɨŋ əghɨ ze nɨ kuʼ ɨ bɔ. Wɨ̀ bɨrɨ nɨŋ ɨ̀chɔ̀m kɨ̀ wɨ̀ nɨŋ ɨbə beenɨ əbɔʼ ɨchî nɨ wɨ̀ nyaʼa faʼ ənɨ wɨ̀ nyaʼa kɨrɨ ɨŋga nyamnyod.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Ɨnû 11:18

Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 17:8

Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.

Ɨnû 19:5

Gɨ̂ nyaʼa yeʼe rɨ ənɨ ətən ɨfɔ̀n, ghàə̀ ni, “Mbə̀ yiirɨ a Ŋwiə̀, mbə̀n bə̂d ə̀fàʼì məd mɨjìm. Mbə̀n mbe nɨə wumnɨ əməd, mbə̀ yiirɨ əməd, əne yɨ mbɨ kwa mbɨ mbɨ kyeŋ!”

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.

Ɨnû 20:11

Mə nyaʼa zə ətən ɨfɔ̀n ə kyeŋ ə fufu bə̀ zə məd we nɨ nyaʼa chub ɨgun. Ɨkaŋ mbɨ ə si nyaʼa nim rɨ ɨfě məd. Chəi mbɨ nyaʼa wɨrɨ zə mɨ̀mə̌d.

Ɨnû 20:13

Rɨ̀bàà nyaʼa chɨ̀ ɨvɨ bə̂d mbe nɨ nyaʼa ɨŋga məd. Ɨvɨ mbɨ əbeŋ ɨvɨ bə̂d nyaʼa bə̀ chɨ̀ ɨvɨ bə̂d mbe nɨ nyaʼa ɨŋga mɨ̀mə̌d. Ŋwìə̀ nyaʼa saʼ mɨ̀mə̌d mɨjìm beenɨ əbɔʼ ɨnû mbe nɨ mbɨ nyaʼa ghɨ̌.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.

Ɨnû 21:27

Chəi əghɨ ə mɔʼɔ ze nɨ rɨka zeŋ i bɨrɨ nɔ nyɨ ɨŋga əsɨ ze, kɨ̀ à kɨ ə wə̀d nɨə ghɨ̀ ɨnû tɨ̀nìd ətu, kɨ̀ we nɨə ghàə̀ mɨghab. Àmei bə̂d mbe nɨ mbɨ ŋwaʼnɨ rɨkum tɨ mɨ̀mə̌d ɨŋga ə̀ŋwàʼnɨ̀ ə Wan njɨ̀g nɨ bə̂d bɨrɨ jɨg ɨ̀tènɨ̀ bɨrɨ nyɨ ɨŋga əsɨ ze.

Ɨnû 22:12

Yeso ə ghà ni, “Mbə̀ zə, mə bɨrɨ zambɨ yeʼe! Mə bɨrɨ yeʼe mbɨ ɨchwɨ we nɨ mə bɨrɨ nàʼ əmbɨ wə̀d mɔʼ mɔʼ ɨgwɨ ɨnû mbe nɨ wɨ̀ ghɨ̌.

Ɨnû 3:5

Wə̀d we nɨ baŋ ɨnû rɨbɔ̀ŋ bɨrɨ bɨ zɨ ngywɨ̌ tɨ rɨ̀fɨ ɨghabɨ mɨ̀mə̌d. Chəi mə̀ bɨrɨ nimnɨ ɨkum məd rɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Mə bɨrɨ gha ɨfě mɨ Mbǎʼ bə̀ ghà ɨfě mbɨ̀aŋgɨrə̀ məd ni mə kyerɨ əməd.