Ɨnû 20:1 - Meta’

¹ Mə nyaʼa zə aŋgɨrə̀ nɨ nyaʼə swiʼə rɨkaŋ. Wɨ̀ nyaʼa yim əfiʼ tɨ ənɨ ɨbɨgɨ we nɨ chəi ɨnwǐ. Wɨ̀ nyaʼa bə̀ yim karə kyeŋ.

Ikan feg

¹ Mə ya bàd angirə̀ ne ya swiʼi tikaŋ àbɔ̀ŋɔ. Wì ya nyimi afiʼì ane ichug ibighi kyen we ne chəyi ìnwḭ. Wì ya bə̀ nyìmi chen kyen mɔ̀ʼɔ.

Ɨnû 20:1 ပူးပေါင်းရင်းမြစ်များ

Lk 8:31

Ɨzwî rɨbɔ̀ŋ mbe nyaʼa buʼ ɨbɔ əmbɨ Yeso ni wɨ̀ mɨ fid əwən, tɨ wɨ̀ chà i ɨŋga ɨbɨgɨ rɨ chə ɨnwǐ.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 10:1

Mə nyaʼa zə aŋgɨrə̀ cherə nɨ berɨ ɨka nɨ nyaʼə swiʼə rɨkaŋ yeʼe. Ngywɨ̌ aŋgɨrə̀ we yɨə nyaʼə pàʼ. Tə̀nàbə nyaʼa kad ətu əməd. Ɨfě məd wɨə nyaʼə te ɨchî nɨ nyùmə̀ ə teə. Ɨwu məd mbɨə nyaʼa ɨghabɨ ə təʼ nɨə berɨə ɨchî nɨ ɨwid ə berɨə.

Ɨnû 18:1

Mə nyaʼa zə aŋgɨrə̀ cherə nɨ nyaʼə swiʼə rɨkaŋ. Wɨ̀ nyaʼa kàŋ berɨ ɨka. Ɨzeŋɨ zeŋɨ we nɨ nyaʼə teə rɨ ənɨ məd nyaʼa ghɨ̀ ni ɨsɨ jìm ɨgwɨ ə si zeŋ.

Ɨnû 20:3

Wɨ̀ nyaʼa kod əne, màʼ ɨŋga ɨbɨgɨ we, kubrɨ ɨchû ɨbɨgɨ we ɨgwɨ məd bə̀ zɨ̀ ənweenɨ ɨgwɨ ɨchû we ɨmbə̀ʼ tɨ wɨ̀ wɨrɨ tambɨ i ɨbeŋ, pè ənɨ ɨghəm ɨwu mbe chuʼ fibɨ̀ fə mi. Ənɨ ɨghəm ɨwu mbe fə mi, mbɨ berɨ za əməd sàŋ ənɨ ɨkə nyumə̀.