Ɨnû 2:5 - Meta’

⁵ Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.

Ikan feg

⁵ Ane, kɔndi icheg ne àghò ya bi yaʼ bɔŋ se bə̀ndə̀ anjìm! Bə̀ŋə ìze fìŋ se ywìrè ghìyə̀ inug mbe ne àghò yaya bè ghìyə̀ a mbègtog. Àghò mə ton awe ni kɔpɔ, mə biri yeʼe ine, pè chì atən anam ze ne àghò we nɔ̀ŋɔ̀ àze anam igun.

Ɨnû 2:5 ပူးပေါင်းရင်းမြစ်များ

Matìyò 5:14

“Mbə yɨ ɨghabɨ ɨzeŋɨ zeŋɨ əmbɨ ɨsɨg. Chəi ənɨ tɨ mbɨ nə̀m əkəm əsɨ ze nɨ yeʼ ɨkaŋ ɨwum.

Matìyò 5:15

Chəi wə̀d mɔʼɔ əŋgu nɨ wɨ̀ mɨ che ənam wɨ̀ nùŋ yeʼ əton fɨkuʼù. Wɨ̀ mɨ che ənam, wɨ̀ bɨrɨ nuŋ yeʼ ɨgun əsɨ nɨ mbɨə te ənam, ɨmbə̀ʼ zɨə te əmbɨ wə̀d jìm we nɨ yeʼ ɨŋga nəb.

Mk 12:9

“Mbaŋə̀ ze nɨ nyaʼa berɨ mbeŋ vaìn ze kɨə wo ghɨ ye ə? Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.

Lk 1:17

Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Lk 20:16

Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Gàlesìyà 5:4

Mbə̀n mbe nɨə kə̀b təm kùʼnɨ̀ ɨchî nɨ mbə̀ə nùŋ rɨkə, fə sùŋgɨ̀ rɨ ənɨ ə Kristo. Mbə̀ fə ton ɨ̀chɔ̀m we nɨ Ŋwìə̀ ghɨ̌ ənɨ nən.

Fìlipì 2:15

ɨmbə̀ʼ tɨ bə̂d gha ə ɨnû rɨbɔ̀ŋ ɨmbə̀ʼ əwən, fɔrɨ ɨmbə̀ʼ mbə̀ zeŋ ɨghabɨ ə bɔn Ŋwiə̀ nɨ chəi ɨgu ənû ɨgwɨ mɨ̀mə̌d. Ɨgu ənû yɨ əkaʼ bə̂d mbe nɨə ghɨ̀ ɨnû rɨbɔ̀ŋ bə̀ ghɨ̀ ɨnû nɨ chəi mbɨ kuʼnɨ. Mbə̀ berɨ chub əkaʼ mɨ̀mə̌d ɨchî nɨ rɨtəmɨ ə te ɨŋga ɨsɨg.

Mə̀Hibrù 10:32

Mbə̀ kɔndɨ ɨni mbe nɨ nyaʼa fə che i. Mbə̀ kɔndɨ ɨchî nɨ ənɨ mbə̀ nyaʼa zə ɨzeŋɨ zeŋɨ Ŋwiə̀, mbə mbɨə nyaʼə kàŋə̀ zə ə ŋgəʼ àyɨə mbə nyaʼa nyìʼ kwàʼ ɨchî chɔ̀m.

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 1:20

Ənû ze nɨ yeʼ ənə̀mə ɨmbə̀ʼ rɨtəmɨ te sambe nɨ à zə ɨŋga mɨ əbɔ ə jɨgɨ bə̀ fɔrɨ ɨmbə̀ʼ ɨghɨ mbe sambe nɨ mbɨə te ɨnam ɨgun yɨ ni: rɨtəmɨ te sambe yɨ mbɨ̀aŋgɨrə̀ mbe nɨə nəŋgɨ rɨfetɨ bə̂d Kristo te sambe, ɨghɨ mbe sambe nɨ mbɨə te ɨnam ɨgun, nɨ mbɨ nyaʼa tekɨ ənɨ ə gôl yɨ rɨfetɨ bə̂d Kristo te sambe.”

Ɨnû 16:9

Əzuʼ ə ka ka ze ə nyaʼa tɔ̀n bə̂d mbe, əne mbɨ nyaʼa zɔ̀m ɨkum Ŋwìə̀ we nɨ berɨ ɨka ɨgwɨ ə ŋgəʼ rɨ kǎ kǎ te, àyɨə chəi mbɨ nyaʼa beŋ tə fîŋ wumnɨ əməd.

Ɨnû 2:16

Əne beŋ e fîŋ! À mɨ ton beŋ e, mə bɨrɨ zambɨ yeʼe əsɨ ne pè màʼ bid mbɨ mɨ̀mə̌d mbɨ ɨbi bid we nɨ yeʼ ɨŋga mɨ ɨchû.

Ɨnû 2:19

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à ghaʼ mbe bɔŋgɔb bə̀ kyerɨ ni à fə nùŋ e fîŋ ɨgwɨ num. Mə bə̀ kyerɨ ni à wɨə faʼə fɔrɨ ni à wɨə nyìʼ əton ə ŋgəʼ. Ɨ̀fàʼì mbe nɨ à sɨ nwìə̀ faʼ, mbɨ chè mbɨ rɨtu.

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.