Ɨnû 2:23 - Meta’

²³ Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.

Ikan feg

²³ Mə biri zweti bəd məd. Tifeti bəd Kristo tijìm biri kyeri gha mo ya wə̀d ne kyèʼrè tikɔndi bəd bə̀ kyèʼrè ìtɔb fìŋ. Mə biri nàʼ chùd abə wə̀d imɔʼ imɔʼ abɔ̀ʼ inən ane inug mbe ne wə̀d we ghìyə̀.

Ɨnû 2:23 ပူးပေါင်းရင်းမြစ်များ

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Jn 4:16

Yeso nyaʼa ghà ɨ bɔ ni, “Ndə̀ wo tɔŋ e ɨnom, wɨrɨ bə̀ndɨ̀ yeʼe əgha.”

Ɨ̀fàʼì 1:24

Mbɨ nyaʼa ghɨ̀ əne, kɔŋgɨ ə Ŋwiə̀ ghà ni, “Ə̀nùŋɨ̀sɨg, àwɔ̀ nɨ kyerɨ fîŋ rɨ bə̂d mɨ̀jìm, chwi mbaŋə̀ mɔʼ rəbɔʼ mbaŋə̀ tɔ̂ rɨ̀be nɨ à fə chɔʼɔ

Rm 14:12

Əne wə̀d mɔʼ mɔʼ rəbɔʼ na bɨrɨ gha ɨnû mbe nɨ wɨ̀ ghɨ̌ əmbɨ ə Ŋwiə̀.”

Rm 8:27

Əne Ŋwìə̀ we nɨə kyèʼrɨ̀ə̀ fîŋ ə kyerɨ ɨkɔndɨ we nɨ Əzwî ə berɨ, ɨmbə̀ʼ ɨghəm nɨ Əzwî ə zɨə kɔ̀ŋgɨ̀ ə Ŋwiə̀ ɨgwɨ ə bə̂d Ŋwiə̀ ɨchî nɨ Ŋwìə̀ kəbɨ.

2 Kɔrèn 5:10

Mba mɨjìm berɨ təm ɨfě Kristo ni wɨ̀ saʼ əwa, ɨmbə̀ʼ wə̀d mɔʼ mɔʼ nɨŋ əghɨ ze nɨ kuʼ ɨ bɔ. Wɨ̀ bɨrɨ nɨŋ ɨ̀chɔ̀m kɨ̀ wɨ̀ nɨŋ ɨbə beenɨ əbɔʼ ɨchî nɨ wɨ̀ nyaʼa faʼ ənɨ wɨ̀ nyaʼa kɨrɨ ɨŋga nyamnyod.

Gàlesìyà 6:5

ɨmbə̀ʼ ɨghəm nɨ wə̀d mɔʼ mɔʼ berɨ beʼ i ɨkom.

Mə̀Hibrù 4:13

Chəi əghɨ ə mɔʼɔ rəbɔʼ mbe nɨ Ŋwiə̀ tekɨ nɨ tɨ̀ zɨə nəmbɨ rɨ ənɨ əghə əməd. Ɨghɨjìm mbɨ əsaŋ ɨfě məd we nɨ tɨ̀ bɨrɨ gha ɨnû jìm mbe nɨ tɨ̀ fə ghɨ ɨ bɔ.

1 Pità 1:17

Ɨchî nɨ mbə̀ə tɔŋ ə Ŋwiə̀ ənɨ ə Mbǎʼ ənɨ mbə̀ə kɔ̀ŋgɨ̀ əməd, əne mbə̀ kyerɨ ni chəi məd ə ghɨ̀ ɨghə ənɨ wɨə saʼə bə̂d. Əne mbə̀ bɔ əməd ɨchî nɨ mbə̀ yeʼ ɨghabɨ ɨ̀nɔ̀ʼɔ̀ ɨgwɨ ə si əgha.

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 20:12

Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.

Ɨnû 20:13

Rɨ̀bàà nyaʼa chɨ̀ ɨvɨ bə̂d mbe nɨ nyaʼa ɨŋga məd. Ɨvɨ mbɨ əbeŋ ɨvɨ bə̂d nyaʼa bə̀ chɨ̀ ɨvɨ bə̂d mbe nɨ nyaʼa ɨŋga mɨ̀mə̌d. Ŋwìə̀ nyaʼa saʼ mɨ̀mə̌d mɨjìm beenɨ əbɔʼ ɨnû mbe nɨ mbɨ nyaʼa ghɨ̌.

Ɨnû 22:12

Yeso ə ghà ni, “Mbə̀ zə, mə bɨrɨ zambɨ yeʼe! Mə bɨrɨ yeʼe mbɨ ɨchwɨ we nɨ mə bɨrɨ nàʼ əmbɨ wə̀d mɔʼ mɔʼ ɨgwɨ ɨnû mbe nɨ wɨ̀ ghɨ̌.

Ɨnû 6:8

Mə nyaʼa neŋ, əne zə ngyǐ nɨ nyaʼa əfuʼnɨ əfuʼnɨ̀. Ɨkum wə̀d we nɨ nyaʼa kɔʼ ngyǐ ze yɨ Ɨvɨ. Əbeŋ ɨvɨ bə̂d zɨə nyaʼə beenɨ əbɔʼ məd. Mbɨ nyaʼa naʼ ɨka əmbɨ mɨ̀mə̌d ni mbɨ zwiirɨ bə̂d rɨŋga əbà ə fibɨ̀ tɨ ənɨ mbɨ kwè ɨgwɨ ə si ənɨ ə bid, ənɨ ə njì kǎ kǎ, ənɨ ɨwɔn bə̀ fɔrɨ ənɨ ə nyam tɔ̂ tɔ̂ te rɨ ɨgwɨ ə si.