Ɨnû 2:13 - Meta’

¹³ Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.

Ikan feg

¹³ Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 2:13 ပူးပေါင်းရင်းမြစ်များ

Matìyò 10:23

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Matìyò 4:10

Yeso nyaʼa wììrɨ̀ ɨ bɔ ni, “Satàn, nɔʼ əwe rɨ ɨban num! Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwìə̀, bə̀ fàʼ àmei ɨ bɔ.'”

Lk 21:17

Bə̂d mɨ̀jìm bɨrɨ ban əwən ɨmbə̀ʼ əmɨ.

Ɨ̀fàʼì 22:20

Ənɨ mbɨ nyaʼə zwiirɨ ə Stɨfɨ̀n we nɨ nyaʼə ghà ɨnû ɨmbə̀ʼ əwe, mə nyaʼa təm ɨban ben ni mbɨ zwiirɨ əməd. Mə wɨə nyaʼə nəŋgɨə ngywɨ̌ rɨ bə̂d mbe nɨ nyaʼa zwiirɨ əməd.'

Ɨ̀fàʼì 9:14

Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

1 Timotì 5:8

Wə̀d mɨ ton nɨ nəŋgɨ mbi ɨfurɨ, màànɨ̀ mbe nɨ yeʼ ɨnəbɨ məd, əne wɨ̀ fə waʼ i ɨbenɨ. Wɨ̀ fə bə̂ chè wə̀d we nɨ chəi wɨ̀ ben ə Kristo.

2 Timotì 1:13

Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

2 Timotì 2:12

Tɨ̀ mɨ nyiʼ, tɨ̀ bɨrɨ bɨ tumbɨ ɨsɨg mbɨ məd. Tɨ̀ mɨ ton əməd, wɨ̀ bɨrɨ bɨ ton əwa.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Jems 2:7

Kaʼ à wa kɨ i mɨ̀mə̌d ə chə̀kɨ̀ ɨkum ɨwumnɨ we nɨ Ŋwìə̀ naʼ ɨ nən ə?

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 11:3

Mə bɨrɨ naʼ ɨka əmbɨ mbɨ mɨ̀zərɨmbin mɨbe nɨ zɨ tɨkurɨ ɨdì, ni mbɨ wò ghà ɨkə̂n we nɨ mə̀ ghà əmbɨ mɨ̀mə̌d ɨni chuʼ fibɨ̀ mbɨ əkɨ əbe mbɨ ɨwum rɨ̀fuə.”

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Ɨnû 13:2

Nyam kyeŋ ze nɨ mə nyaʼa zə zɨə nyaʼa ɨghabɨ əfɔn. Ɨwu məd mbɨə nyaʼa ɨghabɨ ɨwu bê. Ɨchû məd wɨə nyaʼa ɨghabɨ ɨchû ŋgwàbaʼ. Tɨ̀sɔ̀ʼɔ̀ jɔ ze nyaʼa nàʼ i ɨka, nàʼ i ətən ɨfɔ̀n bə̀ nàʼ ɨka kyeŋ nɨ tumbɨ bə̂d əmbɨ ə nyam kyeŋ ze.

Ɨnû 14:12

Əne yɨ ni bə̂d Ŋwiə̀ berɨ nyìʼ, mbɨ berɨ nùŋ tɨkə rɨ Ŋwiə̀ bə̀ nùŋ fîŋ ɨgun ə Yeso.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 17:6

Mə nyaʼa zə ni əyi we nyaʼa fə nɔ ənəm ə bə̂d Ŋwiə̀ bə̀ nɔ ənəm ə bə̂d mbe nɨ nyaʼa ghà ɨnû ɨmbə̀ʼ ə Yeso. Wɨ̀ nyaʼa nɔ əne be. Ənɨ mə̀ nyaʼa zə əməd, mə nyaʼa yiirɨ kwàʼ rɨŋgəʼ.

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ɨnû 3:11

Mə bɨrɨ zambɨ yeʼe. Àwɔ̀ nuŋ fîŋ ɨgwɨ num, ɨmbə̀ʼ tɨ wə̀d mɔʼɔ fe i ɨneʼe we nɨ à berɨ.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.