Ɨnû 2:10 - Meta’

¹⁰ Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Ikan feg

¹⁰ Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 2:10 ပူးပေါင်းရင်းမြစ်များ

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Matìyò 24:13

Àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Mk 13:13

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.”

Mk 8:35

ɨmbə̀ʼ ɨghəm nɨ wə̀d mɔʼɔ we nɨə kə̀b nuŋ i ɨ̀tènɨ̀ bɨrɨ sam ɨ̀tènɨ̀ we. We nɨ sam i ɨ̀tènɨ̀ ɨmbə̀ʼ ɨkə̂n chɔ̀m bɨrɨ wɨrɨ jɨg ɨ̀tènɨ̀ we.

Lk 21:12

Àyɨə bɔŋ ɨnû mbɔ̂ jìm sɨə ghɨ̀ə̀, mbɨ bɨrɨ gywɨ əwən, nwèndɨ̀ tə rɨkyerɨ-ɨwu, nàʼ əwən ni mbɨ saʼ ɨŋga nəb rɨ ə̀kàtɨ̀, zɨ̀ əwən ə ndəŋ bə̀ nɨŋ əwən wò ɨfě mɨfɔ̂n mbɨ ɨfě mɨ̀gɔmnà ɨmbə̀ʼ əmɨ.

Jn 12:25

Wə̀d we nɨ ghaʼ i ɨ̀tènɨ̀ bɨrɨ sam ɨ̀tènɨ̀ we. We nɨ ban i ɨ̀tènɨ̀ ɨŋga ɨsɨg wɔ̂ bɨrɨ wɨrɨ jɨg ɨ̀tènɨ̀ we ɨmbə̀ʼ ten i koŋ.

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Jn 13:27

Ənɨ Judàs nyaʼa nɨŋ ŋgə̀ŋ ze, Satàn nyaʼa bèŋ fîŋ məd. Əne Yeso nyaʼa ghà ɨ bɔ ni, “Zambɨ ghɨ̀ ənû ze nɨ à kəbɨ ghɨ̀.”

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

1 Kɔrèn 9:25

Bə̂d mɨ̀jìm mbe nɨə ferɨə mbɨə yimbɨ ɨnyod ɨchî chɔ̀m ənɨ ɨnû jìm. Ɨ mbɨə ghɨ̀ əne ɨmbə̀ʼ nɨŋ ɨchwɨ nɨ yeʼ tɨ̀kwě te nɨə bə̀ə. Àyɨə tɨ̀ wɨə ghɨ̀ əne ɨmbə̀ʼ nɨŋ te nɨ chəi tɨə bə̀ə.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 13:2

Nyam kyeŋ ze nɨ mə nyaʼa zə zɨə nyaʼa ɨghabɨ əfɔn. Ɨwu məd mbɨə nyaʼa ɨghabɨ ɨwu bê. Ɨchû məd wɨə nyaʼa ɨghabɨ ɨchû ŋgwàbaʼ. Tɨ̀sɔ̀ʼɔ̀ jɔ ze nyaʼa nàʼ i ɨka, nàʼ i ətən ɨfɔ̀n bə̀ nàʼ ɨka kyeŋ nɨ tumbɨ bə̂d əmbɨ ə nyam kyeŋ ze.

Ɨnû 13:7

Mbɨ nyaʼa sàŋ əməd ni zɨ̀ maʼ bid mbɨ ə bə̂d Ŋwiə̀ bə̀ baŋ mɨ̀mə̌d. Mbɨ nyaʼa nàʼ ɨka ɨ bɔ ni zɨ̀ tumbɨ bə̂d rɨŋga ɨnəbɨ jìm, rɨŋga ɨsɨ jìm, rɨŋga mɨŋgam jìm bə̀ fɔrɨ rɨŋga ɨbeŋ jìm.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 2:13

Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.

Ɨnû 2:9

Mə kyerɨ ɨchî nɨ àwɔ̀ ə zəə ŋgəʼ bə̀ kyerɨ ɨchî nɨ à kwaŋɨ, àyɨə àwɔ̀ yɨə wə̀d ɨkab. Mə kyerɨ ɨnû mbe nɨ bə̂d mbe nɨə ghà ni mbə yɨə mɨ̀Jû, àyɨə kaʼi mbɨwən, ə ghàə̀ ɨmbə̀ʼ chəkɨ e ɨkum. Mbɨ yɨ rɨŋga ɨfetɨ Satàn.