Ɨnû 19:6 - Meta’

⁶ Mə nyaʼa zu əghɨ ə mɔʼɔ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨghabɨ ɨchî nɨ mbə̀ŋ ə kùmə̀. Zɨ̀ nyaʼə ghàə̀ rɨ̀kǎ ni, “Tɨ̀ yiirɨ ə Ŋwiə̀! Ə̀nùŋɨ̀sɨg a Ŋwìə̀kɔʼ wɨə sɨə tùmbɨ̀ə̀ mbi bə̂d.

Ikan feg

⁶ Mə ya zug aghi mɔ̀ʼɔ ne ya yaʼi icheg gì inɔ̰ bəd ne yaʼi kwàʼ ìwi kyen. Gì ze ya bə̀ yaʼ kwàʼ icheg ni gha à ya tigyi nɔʼ nɔʼ te jòʼò bə̀ ywìrì yaʼ icheg ni gha à ya mbə̀ŋ ne kùmə̀. Zì ya ghà ane ika gha, “Tì ghumni Ŋwiye! À ya ane imbə̀ʼ icheg ne Anɔŋisəg, ìwa Ŋwiyekɔʼ we se tùmbə̀ isəg.

Ɨnû 19:6 ပူးပေါင်းရင်းမြစ်များ

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Ɨnû 1:15

Tɨkyerɨ-ɨwu məd tɨə nyaʼa ɨghabɨ ə brɔnz nɨ mbɨ tɔn ɨŋga ɨsweŋ ɨwid ənam, chiʼ kwàʼ ɨchî chɔ̀m. Gɨ̂ məd zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 12:10

Mə nyaʼa zu gɨ̂ nɨ kǎ ɨkaŋ. Gɨ̂ ze zɨə nyaʼə ghàə̀ ni, “Tɨ̀nîn Ŋwìə̀ fə chɨ̀ mbi bə̂d rəŋgəʼ, wɨ̀ fə chwi i ɨka. Ɨ wɨə tùmbɨ̀ə̀ bə̂d mɨ̀jìm ɨghabɨ ɨfɔ̀n! Tɨ̀nîn wə̀d we nɨ Ŋwìə̀ zɔʼɔ fə chwi i ɨka, ɨmbə̀ʼ ɨghəm nɨ mbɨ fə chɨ̀ wə̀d we nɨ nyaʼə təm ɨfě a Ŋwiə̀ màʼ ɨgwɨ ə si. Məd wɨə nyaʼə chuʼə mba bɔŋgɔb mbe nɨ nyaʼa ben ə Kristo. Ɨ wɨə nyaʼə chuʼə mɨ̀mə̌d əziə mbɨ ɨzimɨ.

Ɨnû 14:2

Mə nyaʼa zu gɨ̂ nɨ gham rɨkaŋ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨchî nɨ mbə̀ŋ ə kùmə̀ kwàʼ rɨ̀kǎ. Gɨ̂ ze nyaʼa ghàm ɨchî nɨ mə̀buʼ mɨ̀noŋ ə buʼə mbə mɨ̀noŋ ŋgyi.

Ɨnû 19:1

Əze ə nɨə cheə, mə nyaʼa zu əghɨ ə mɔʼɔ ɨkaŋ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼə ghàə̀ rɨ̀kǎ ni, “Tɨ̀ yiirɨ ə Ŋwìə̀! Məd wɨə chɨ̀ə̀ bə̂d rəŋgəʼ. Bə̂d mbɨə nàʼ ɨwumnɨ ɨ bɔ. Məd ziə ə berɨ ɨka!

Ɨnû 19:4

Bə̂d kyeŋ mbe ɨwum be chɔ̀b rɨ̀kwè mbɨ ɨghɨ mbe ɨkwè nɨ yeʼ ɨkǎ nyaʼa gundɨ ə si wumnɨ ə Ŋwiə̀ nɨ nyaʼa chubɨ ɨgun ətən ɨfɔ̀n. Ɨ mbɨə nyaʼə wumnɨə ghàə̀ ni, “À yɨ əne! Tɨ yiirɨ ə Ŋwiə̀!”

Ɨnû 21:22

Chə nyaʼa i mbàn Ŋwìə̀ ɨŋga əsɨ ze, ɨmbə̀ʼ ɨghəm nɨ mbàn Ŋwìə̀ məd yɨ Ə̀nùŋɨ̀sɨg Ŋwìə̀kɔʼ mbɨ ə Wan njɨ̀g.

Ɨnû 4:5

Ɨbi mbə̀ŋ wɨə nyaʼə ŋwàŋə̀, gɨ̂ rɨ mɔʼɔ ghàmə̀, mbə̀ŋ bə̀ kùmə̀ rɨ ənɨ ətən ɨfɔ̀n ze. Tɨbiŋ rɨkaʼi sambe tɨə nyaʼə berə ɨfě məd. Tɨbiŋ rɨkaʼi te yɨ ɨzwî mbe sambe nɨə fàʼ əmbɨ ə Ŋwiə̀.

Ɨnû 6:1

Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨnû 8:5

Aŋgɨrə̀ we nyaʼa nɨŋ əkaŋ ze, swe ənɨ mbɨ̀akyiwid nɨə ghə̀ʼə̀, maʼ ɨgwɨ ə si. Wɨ̀ nyaʼa chɨ̀ mbɨ̀akyiwid mbe rɨ ənɨ ɨkwi ɨjə̀ŋ ə̀fààrɨ̀ we. Ənɨ wɨ̀ nyaʼa ghɨ̀ əne mbə̀ŋ nyaʼa kùm, gɨ̂ rɨ mɔʼɔ ghàm, ɨbi mbə̀ŋ ŋwàŋ, si bə̀ wùd.