Ɨnû 19:14 - Meta’

¹⁴ Mɨnɔ̂n mɨ̀sɔgyɨ̀ mbe nɨ yeʼ ɨkaŋ nɨ nyaʼa zɨ̀ ngywɨ̌ rɨ̀fɨ əka ɨnun nɨ nyaʼa zeŋɨ, mbɨə nyaʼə beenɨ əbɔʼ məd ɨgun ə ngyi tɨ rɨ̀fɨ.

Ikan feg

¹⁴ Tinɔ̰ mə̀sogyì mbe ne yaʼi ikaŋ àbɔ̀ŋɔ ya zì ndwi àka inun ne mbi tangi ane linèn ne zḛ bə̀ fùyə. Mbɔb ya kɔʼ igun nyam mə̀kara fu fu si bèni abɔ̀ʼ məd.

Ɨnû 19:14 ပူးပေါင်းရင်းမြစ်များ

Matìyò 21:5

“Mbə̀ gha əmbɨ bə̂d mbe nɨə chub ə Zayɔ̀n ni, mbə̀ zə, ə ɨfɔ̀n wɨə yeʼe ɨ nən! Wɨ̀ fə swi i ɨnyod, əne kɔʼ ə jàkas bə̀ kɔʼ wan jàkas.”

Matìyò 26:53

Chəi à kyerɨ ni mə we tɨ̀ mə dì əmbɨ mɨ Mbǎʼ, wɨ̀ kɨ chà mɨnɔ̂n mbɨ̀aŋgɨrə̀ nɨ che mɨnɔ̂n wum chɔ̀b rɨ̀be ni mbɨ yeʼe wèèrɨ̀ əmɨ ə?

Matìyò 28:3

Ɨnyod məd nyaʼə teə ɨchî nɨ ɨbi mbə̀ŋ ə ŋwàŋə̀. Ngywɨ̌ rɨ məd nyaʼə bə̀ fuə rɨ saaŋ.

2 Tès 1:7

Wɨ̀ bɨrɨ naʼ ə̀zwììrɨ̀ əmbɨ mbə̀n mbe nɨə zəə ŋgəʼ. Wɨ̀ bɨrɨ bɨ naʼ ɨ na. Wɨ̀ bɨrɨ ghɨ̀ əne ənɨ ə nyùmə̀ we nɨ Ə̀nùŋɨ̀sɨg Yeso bɨrɨ swiʼ rɨkaŋ mbɨ mbi mbɨ̀aŋgɨrə̀ nɨ berɨ ɨka.

Jûd 1:14

À yɨ ɨmbə̀ʼ ə bə̂d mbɔ̂ nɨ Enɔ̀k nyaʼa ghamɨ rəŋwe. Enɔ̀k yɨə nyaʼə tɨ ənɨ əghaŋ ə Adàm nɨ pè ənɨ ɨwaŋ sambe. Wɨ̀ nyaʼa ghà ni, “Mbə̀ zə, Ə̀nùŋɨ̀sɨg wɨə yeʼe mbɨ mbi mbɨ̀aŋgɨrə̀ zeŋɨ chuʼ mbɨ ə chuʼ

Ɨnû 14:1

Mə nyaʼa nəŋ, əne zə Wan njɨ̀g nɨ nyaʼa təm ɨkaŋ ɨwum Zayɔ̀n. Ɨ wɨə nyaʼə mbɨ ə bə̂d chuʼ ɨkɨ fibɨ̀ mbɨ ɨwum kwè chɔ̀b rɨ̀kwè. Mbɨ nyaʼa ŋwaʼnɨ ɨkum Wan njɨ̀g bə̀ ŋwàʼnɨ̀ ɨkum Mbǎʼ məd ənɨ ɨkəŋ ɨsɨ mɨ̀mə̌d.

Ɨnû 14:20

Mbɨ nyaʼa mìn rɨtam vaìn te ɨŋga əsɨ ze nɨ mbɨə mìnə̀ mɨ̀noʼ əsaŋ əsɨ ze. Ənəm ə nyaʼa koŋ rɨ əsɨ ze yèn ɨghabɨ mɨ̀kilometà əkɨ ətad, bə̀ sà ɨŋga ɨghabɨ ə metà mɔʼ mbɨ əkwirɨ.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

Ɨnû 19:8

Ŋwìə̀ fə nàʼ ngywɨ̌ əka ɨnun ɨ bɔ ni wɨ̀ zɨə. Ngywɨ̌ ze zɨə teenɨə bə̀ zeŋə.” (Ngywɨ̌ əka ɨnun ze yɨ ɨnû chɔ̀m mbe nɨ bə̂d Ŋwiə̀ ə ghɨ̀ə̀.)

Ɨnû 3:4

Àyɨə bə̂d mɔʼɔ rɨpiî mbɨ ə Sadìs nɨ chəi mbɨ kɨrɨ tab tə ngywɨ. Mbɨ bɨrɨ yen mbɨ num ɨŋga ngywɨ̌ tɨ rɨ̀fɨ, ɨmbə̀ʼ ɨghəm nɨ mbɨ kàŋ kùʼ nɨ ghɨ əne.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 7:9

Ənɨ rɨ̀taanɨ njə̀m ze nyaʼa chě, mə nyaʼa nèŋ, əne zə ɨnɔ̂n bə̂d nɨ nyaʼa kwàʼ wɨ kyeŋ, nɨ chəi ənɨ tɨ̀ wə̀d nyaʼa taŋ. Mbɨ yɨə nyaʼə rɨŋga ɨbeŋ jìm, rɨŋga mɨnəbɨ jìm, rɨŋga ɨsɨ jìm bə̀ fɔrɨ rɨŋga mɨŋgam jìm. Mbɨ nyaʼa təm ɨfě ətən ɨfɔ̀n bə̀ təm ɨfě Wan njɨ̀g. Mbɨ nyaʼa zɨ̀ ngywɨ̌ tɨ rɨ̀fɨ bə̀ yim ɨzaŋ.