Ɨnû 18:6 - Meta’

⁶ Mbə̀ ghɨ ənɨ məd ɨchî nɨ wɨ̀ nyaʼa ghɨ̌ ənɨ bə̂d cherə. Ɨnû mbe nɨ wɨ̀ nyaʼa ghɨ̌ ənɨ ə nən, mbə̀ wi ɨ bɔ ɨghəm be. Mbə̀ nyam mɨnoʼ mbɨ ka ɨghəm be nàʼ ɨ bɔ. Mbə̀ naʼ àmei ɨŋga toʼ ze nɨ wɨ̀ nyaʼa bə̀ nàʼ ɨ nən.

Ikan feg

⁶ Mbə̀ ghiyə ibo kwàʼ icheg ne wì ya ghi abə bəd ndəŋ. Inug mbe ne wì ya ghi inən, mbə̀ ywite ibo achug abe. Mbə̀ nyamba mənoʼ ka ka aghəm abe nàʼ ibo. Mbə̀ naʼa məyi inga toʼ ze ne wì ya bə nàʼ inən.

Ɨnû 18:6 ပူးပေါင်းရင်းမြစ်များ

2 Timotì 4:14

Àlèzandà we nɨə kywɨ ɨghɨ ənɨ ə kopà nyaʼa zɨ̀ ŋgəʼ nɔnɔʼ ɨgwɨ num. Ə̀nùŋɨ̀sɨg bɨrɨ chwɨ əməd ɨmbə̀ʼ ɨnû mbe nɨ wɨ̀ nyaʼa ghɨ̌.

Ɨnû 13:10

Mbɨ mɨ berɨ gywɨ wə̀d mɔʼ wò mbɨ wɨwən, mbɨ berɨ bɨ gywɨ nɨŋ wò. Mbɨ mɨ berɨ zwiirɨ wə̀d mɔʼɔ ənɨ ɨbi bid, mbɨ berɨ bɨ zwiirɨ. Əne yɨ ni bə̂d Ŋwiə̀ berɨ nyiʼ. Mbɨ bə̀ berɨ kɨrɨ nuŋ fîŋ ɨgwɨ məd.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 16:19

Əsɨ ə kyeŋ ze ə nyaʼa sandɨ ɨba tad. Ɨsɨ kyeŋ jìm rɨŋga ɨsɨg nyaʼa buʼ ə. Ŋwìə̀ nyaʼa kɔndɨ ə Babilɔ̀n kyeŋ we, əne nàʼ toʼ mɨ̀nòʼ ɨ bɔ. Mɨnôʼ mbe ə chwiə ni məd wɨə sə ɨtəm kwàʼ rɨŋgəʼ.

Ɨnû 17:2

Mɨfɔ̂n rɨ ɨgwɨ ə si fə niirɨ əməd əbəŋ əbəŋ. Bə̂d rɨŋga ɨsɨg fə nɔ mɨnoʼ mbe nɨ wɨ̀ naʼ əmbɨ mɨ̀mə̌d be, əne mbɨ fə niirɨ əməd əbəŋ əbəŋ.”

Ɨnû 17:4

Əyi we nyaʼa zɨ̀ ngywɨ̌ tɨ mɨfɔ̀n. Wɨ̀ nyaʼa yèʼ i ɨnyod ənɨ ə ndəŋ te nɨ mbɨ tekɨ ənɨ ə gôl, ənɨ əti ɨka ɨnun bə̀ fɔrɨ ənɨ ə pə̂l! Wɨ̀ nyaʼa yim toʼ nɨ mbɨ tekɨ ənɨ ə gôl. Ɨnû rɨbɔ̀ŋ yiirɨ yiirɨ mbɨ rɨfiŋ tɨ ənɨ ɨchî nɨ wɨ̀ nyaʼə niirɨə mbaŋə̀ əbəŋ əbəŋ nyaʼa swi ɨŋga toʼ ze.

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”