Ɨnû 17:3 - Meta’

³ Əzwî ə nyaʼa nyɨ ɨŋga num, əne aŋgɨrə̀ we nyaʼa nɨŋ əmɨ tɨ̀ wò ɨŋga ɨbad rɨkwàʼi. Ənɨ mə nyaʼa pè əŋgu, mə nyaʼa zə əyi nɨ chub ɨgun ə nyam kyeŋ nɨə bàŋə̀ buù. Tɨkum nɨə baʼrɨə ə Ŋwiə̀ mbɨə nyaʼa ɨgun ɨnyod məd jìm. Zɨ̀ nyaʼa bə̀ berɨ ɨtu sambe mbɨ ə ndɔŋ wum.

Ikan feg

³ Azwighi Ŋwiye ya nyi inga inum. Ane, angirə̀ we ya niŋ amə tì ghò inga ibad zɔbi. Anyumə̀ ne mə̀ ya pè angu, mə̀ ya bàd àyi ne chughi igun nyam kyen ne bàŋì baŋi. Tikum ne zɔ̀mbɔ̀ Ŋwiye ya yaʼ igun nyɔd məd ijìm. Zì ya bə̀ bèrì itog ìsàmbe tì ndɔŋ ìghum.

Ɨnû 17:3 ပူးပေါင်းရင်းမြစ်များ

Matìyò 27:28

Mbɨ nyaʼa chɨ̀ ngywɨ̌ rɨ məd, əne nɨŋ ngywɨ̌ ɨfɔ̀n zɨ̀ ɨgwɨ məd.

Ɨ̀fàʼì 8:39

Ənɨ mbɨ nyaʼa kɔʼ jwɨ̀ rɨŋga ətuŋ ze, Əzwî Ə̀nùŋɨ̀sɨg ə nyaʼa nɨŋ ə Filip wo mbɨ məd. Chəi wə̀d kyeŋ we nyaʼa wɨrɨ zə əməd. Əne wɨ̀ nyaʼa kɔ wo i yènə̀ ghaʼə.

2 Tès 2:4

Wɨ̀ bɨrɨ ton ɨghɨjìm mbe nɨ bə̂d ə tɔŋ ni ŋwìə̀, kɨ̀ mbe nɨ bə̂d ə wumnɨə, əne ghà nɨ tə chè ɨghɨ mbe jìm. Wɨ̀ bɨrɨ wo chub ɨŋga mbàn Ŋwìə̀ ghà ni tə yɨə Ŋwiə̀.

Ɨnû 1:10

À nyaʼa ɨgwɨ əni Ə̀nùŋɨ̀sɨg, Əzwî ə nyaʼa nyɨ ɨŋga num, əne mə nyaʼa zu gɨ̂ kǎ kǎ ənɨ mɨ njìm. Gɨ̂ ze nyaʼa ghàm ɨghabɨ ə tàŋ

Ɨnû 12:14

Àyɨə mbɨ nyaʼa nàʼ tɨbabɨ̀ ɨzam kyeŋ əmbɨ əyi we. Tɨbabɨ̀ te tɨə nyaʼa rɨbe. Mbɨ nyaʼa nàʼ ɨ bɔ ni wɨ̀ firə tɨ ənɨ tɨ̀sɔ̀ʼɔ̀ jɔ ze wò ɨŋga ɨbad rɨkwàʼi, əsɨ nɨ mbɨ bɨrɨ nəŋgɨ əməd ɨghəm ɨwu tad rɨ əbà.

Ɨnû 12:3

Ənweenɨ-ənû ə cherə ə nyaʼa jwɨ̀ ɨkaŋ: Tɨ̀sɔ̀ʼɔ̀ jɔ bagɨ zɨə nyaʼa əŋgu. Zɨ̀ nyaʼa berɨ ɨtu sambe, berɨ ndɔŋ wum bə̀ berɨ tɨdəm ɨfɔ̀n sambe ɨgwɨ ɨtu məd mbe.

Ɨnû 12:6

Əyi we nyaʼa nòrə̀ wò ɨŋga ɨbad rɨkwàʼi, əsɨ nɨ Ŋwìə̀ nyaʼa fə tekɨ ɨ bɔ, əsɨ nɨ mbɨ bɨrɨ nəŋgɨ əməd ɨni chuʼ fibɨ̀ mbɨ əkɨ əbe mbɨ ɨwum rɨ̀fuə.

Ɨnû 17:18

Əyi we nɨ à kəʼ zə yɨ əsɨ ə kyeŋ ze nɨ ɨfɔ̀n məd ə tùmbɨ̀ mɨfɔ̀n mɨ̀jìm ɨgwɨ ə si.”

Ɨnû 17:4

Əyi we nyaʼa zɨ̀ ngywɨ̌ tɨ mɨfɔ̀n. Wɨ̀ nyaʼa yèʼ i ɨnyod ənɨ ə ndəŋ te nɨ mbɨ tekɨ ənɨ ə gôl, ənɨ əti ɨka ɨnun bə̀ fɔrɨ ənɨ ə pə̂l! Wɨ̀ nyaʼa yim toʼ nɨ mbɨ tekɨ ənɨ ə gôl. Ɨnû rɨbɔ̀ŋ yiirɨ yiirɨ mbɨ rɨfiŋ tɨ ənɨ ɨchî nɨ wɨ̀ nyaʼə niirɨə mbaŋə̀ əbəŋ əbəŋ nyaʼa swi ɨŋga toʼ ze.

Ɨnû 18:12

Chəi wə̀d nɨə zon ɨghɨ mbe nɨ mbɨ tekɨ ənɨ ə gôl, ənɨ ə sɨrɨvà, ənɨ əti ɨka ɨnun bə̀ fɔrɨ ənɨ mɨ̀pə̂l. Chəi wə̀d nɨə zonə ngywɨ̌ rɨ əka ɨnun: əne yɨə ngywɨ̌ nɨ mbɨ baʼ ənɨ ə linen, ngywɨ̌ rɨ bagɨ, ngywɨ̌ silk mbɨ ə ngywɨ̌ tɨ mɨfɔ̀n. Chəi wə̀d nɨə zonə tɨkwɨrɨ ɨzed jìm te nɨ nyùʼrɨ ɨfɔ chɔ̀m. Chəi wə̀d nɨə zonə tɨkwɨrɨ ɨghɨjìm mbe nɨ bə̂d ɨbɔ ɨ̀fàʼì ə tekɨ ənɨ əsɔŋ sen, ənɨ ɨzed əka ɨnun jìm, ənɨ ə brɔnz, ənɨ ə ayòn fɔrɨ ənɨ ə mabɨ̀l.

Ɨnû 18:16

“Ŋgəʼ bɨrɨ nyɨ ɨgwɨ ne! Ŋgəʼ bɨrɨ nyɨ ɨgwɨ ne, àwɔ̀ əsɨ ə kyeŋ nɨ mbe bə̂d nyaʼə zɨ̀ə̀ ngywɨ̌ nɨ mbɨ baʼ ənɨ ə linen, zɨ̀ə̀ ngywɨ̌ tɨ mɨfɔ̀n, bə̀ yèʼ ɨnyod ənɨ ə ndəŋ te nɨ mbɨ tekɨ ənɨ ə gôl, ənɨ əti əka ɨnun bə̀ fɔrɨ ənɨ mɨ̀pə̂l!

Ɨnû 21:10

Əzwî ə nyaʼa nyɨ ɨŋga num, əne aŋgɨrə̀ we nyaʼa nɨŋ əmɨ tɨ̀ wò ɨkaŋ ɨwum kyeŋ nɨ nyaʼa kaŋ jeŋgɨ sà ɨkaŋ. Wɨ̀ nyaʼa pè əngu, chwi əsɨ ə zeŋɨ, əne yɨə Jèrusalèm, nɨ Ŋwìə̀ nyaʼə swiə rɨkaŋ.

Ɨnû 4:2

Àmei əwu əwən, Əzwî ə nyaʼa nyɨ ɨŋga num, əne mə nyaʼa zə ətən ɨfɔ̀n ɨkaŋ, bə̀ zə wə̀d we nɨ nyaʼa chub ɨgun ətən ze.