Ɨnû 17:17 - Meta’

¹⁷ Mbɨ bɨrɨ ghɨ əne ɨmbə̀ʼ ɨghəm nɨ Ŋwìə̀ fə zɨ̀ ɨŋga fîŋ tɨ mɨ̀mə̌d ni mbɨ ghɨ ənû ze nɨ wɨ̀ nyaʼa fə taŋɨ. Mbɨ bɨrɨ zɨ̀ mbə ɨtu ənɨ mbɨ mɔʼ, nàʼ ɨka nɨ tumbɨ bə̂d əmbɨ ə nyam kyeŋ rɨtu ze pè ənɨ ɨŋgam Ŋwiə̀ jwɨ ənɨ rəsìʼ.

Ikan feg

¹⁷ Mbɔb biri ghì ane imbə̀ʼ icheg ne Ŋwiye fə zì inga ìtɔb fìŋ gha mbe ghiyə anug ze ne wì ya fə chuʼri. Mbi biri zì ìmbɔb itog ane ìmbi imɔʼ, nàʼ ika ni tùmbì bəd abə nyam kyen mbègtog ze pè ane nyumə̀ ne Ìngam Ŋwiye biri dù ane tesiʼ.

Ɨnû 17:17 ပူးပေါင်းရင်းမြစ်များ

Lk 22:22

Wan Wə̀d bɨrɨ kwɨ ɨchî nɨ Ŋwìə̀ nyaʼa fə nuŋɨ, àyɨə ŋgəʼ bɨrɨ nyɨ ɨgun ə wə̀d we nɨ fen əməd!”

Lk 22:3

Satàn nyaʼa nyɨ ɨŋga fîŋ Judàs we nɨ mbɨ nyaʼə tɔŋ ənɨ Iskàriɔ̀t, nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû Yeso mbe wum chɔ̀b rɨ̀be.

Lk 22:37

Mə ghà ɨ nən ni ɨŋgam Ŋwiə̀ we nɨ gha ni, 'Mbɨ nyaʼa fɔtɨ əməd əbɔʼ bə̂d mbe nɨə ghɨ̀ ɨnû rɨbɔ̀ŋ,' ə berɨ jwɨ ənɨ rəsìʼ, ɨghəm nɨ ɨnû jìm mbe nɨ mbɨ nyaʼa ŋwaʼnɨ ɨmbə̀ʼ əmɨ berɨ jwɨ ənɨ rəsìʼ.”

Jn 10:35

Ŋwìə̀ nyaʼa tɔŋ bə̂d mbe nɨ nyaʼa zu ɨŋgam məd ni mbɨ yɨ mɨ̀ŋwìə̀. Əne mbə̀ kyerɨ ni Ə̀ŋwàʼnɨ̀ ə Ŋwiə̀ ə zɨə ghà rəsìʼ.

Jn 13:18

“Chəi mɨə ghà ɨnû mbɔ̂ ɨmbə̀ʼ mbə̀n mɨjìm. Mə kyerɨ bə̂d mbe nɨ mə̀ fə chɔʼɔ. Àyɨə ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ ni, 'Wə̀d we nɨ nyaʼa jɨgɨ mbɨ num fə bèŋ ənɨ mɨ wə̀d pə̀n'.

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Jn 19:24

Mbɨ nyaʼa nɨŋ əne ghà mbənə mbənə ni, “Tɨ rɨ seerɨ a ngywɨ̌ zɔ̂, àyɨə tɨ̀ sɔŋ mbaŋ zə wə̀d we nɨ bɨrɨ jɨg. Ənû zɔ̂ ə nyaʼa ghɨ̀ ɨmbə̀ʼ ɨŋgam Ŋwiə̀ we nɨ mbɨ nyaʼa ŋwaʼnɨ jwɨ ənɨ rəsìʼ ni, Mbɨ nyaʼa ghàpɨ̀ tɨ ngywɨ̌ əkaʼ mɨ̀mə̌d, bə̀ sɔ̀ŋ mbaŋ ɨmbə̀ʼ jɨg mɨ ngywɨ̌ ze rɨŋga.” À yɨ ənû nɨ mɨ̀sɔgyɨ̀ mbe nyaʼa ghɨ̌.

Jn 19:28

Yeso nyaʼa kyerɨ ni ɨnû jìm fə mì i, əne ɨ ghɨ ni ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ, wɨ̀ nyaʼa ghà ni, “Ədɔʼ ə zɨə ne əmɨ.”

2 Kɔrèn 8:16

Mə wɨə nàʼə̀ məben-əwe əmbɨ ə Ŋwiə̀ nɨ nyaʼa ghɨ ni Taitùs berɨ fîŋ chɔ̀m nɨ weerɨ əwən ɨchî nɨ mə̀ bə berɨ.

Ɨnû 10:7

Àyɨə ənɨ aŋgɨrə̀ we nɨ pe ənɨ mbɨ sambe fə i taŋ, Ŋwiə̀ bɨrɨ ghɨ ɨnû mbe nɨ yeʼ ənə̀mə, ɨchî nɨ wɨ̀ nyaʼa fə ghǎ əmbɨ mbi bə̂d ə̀fàʼì mbe nɨ yeʼ bə̂d ɨ̀kə̀n ɨməd.”

Ɨnû 15:1

Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ɨnû 17:13

Mbɨ bɨrɨ zɨ mbə ɨtu ənɨ mbɨ mɔʼ, əne nàʼ ɨka əmbɨ mɨ̀mə̌d bə̀ nàʼ ɨka nɨ tumbɨ bə̂d əmbɨ ə nyam kyeŋ rɨtu ze.

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Ɨnû 6:11

Ŋwìə̀ nyaʼa nàʼ ngywɨ̌ rɨ̀fɨ əmbɨ əzwî ə mɔʼ mɔʼ rəbɔʼ ɨzwî mbe, ghà əmbɨ mɨ̀mə̌d ni mbɨ zwiirɨ ənɨ akə nyùmə̀ pè ənɨ ɨnun bə̂d mbe nɨə fàʼ əmbɨ Kristo mbɨ ɨnun bɔŋgɔb mbe nɨ mbɨ bɨrɨ zwiirɨ ɨchî nɨ mbɨ nyaʼa zwiirɨ mɨ̀mə̌d fə kuʼu.