Ɨnû 17:16 - Meta’

¹⁶ Ndɔŋ te wum nɨ à kəʼ zə mbɨ ə nyam kyeŋ ze bɨrɨ ban ə̀kùnɨ̀ ze. Mbɨ bɨrɨ nɨŋ ɨghɨjìm rɨ bɔ, saŋ əməd tɨ̀sɔ̀ʼ ɨkyerɨ. Mbɨ bɨrɨ kud nyamnyod məd bə̀ tɔ̀n əməd ənɨ ɨwid.

Ikan feg

¹⁶ Ndɔŋ te ìghum ne àghò kə̀ bàri, tì nyam kyen ze biri bàn àkwàrì ze. Mbɔb biri bən ighi ijìm ibo, sàŋì aməd tì ìkyèrikye. Mbi biri kud nyàmnyɔd məd bə̀ nìmni aməd ane iywid.

Ɨnû 17:16 ပူးပေါင်းရင်းမြစ်များ

Ɨnû 12:3

Ənweenɨ-ənû ə cherə ə nyaʼa jwɨ̀ ɨkaŋ: Tɨ̀sɔ̀ʼɔ̀ jɔ bagɨ zɨə nyaʼa əŋgu. Zɨ̀ nyaʼa berɨ ɨtu sambe, berɨ ndɔŋ wum bə̀ berɨ tɨdəm ɨfɔ̀n sambe ɨgwɨ ɨtu məd mbe.

Ɨnû 16:12

Aŋgɨrə̀ we nɨ pe ənɨ mbɨ rɨ̀fuə nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨgwɨ ɨgyɨ̂ kyeŋ we nɨ mbɨə tɔŋ ənɨ ə Yufretìs. Ənɨ wɨ̀ nyaʼa sab əne, ɨgyɨ̀ kyeŋ we nyaʼa zom. Wɨ̀ nyaʼa zom ɨmbə̀ʼ tekɨ ɨnə̂njɨ̀ əmbɨ mɨfɔ̀n mbe rɨ əbà ze nɨ nyùmə̀ ə jwɨ̀ə̀.

Ɨnû 17:10

Mɨfɔ̂n mɨ̀tân rəbɔʼ mɨfɔ̀n mbe fə kwɨ. Wɨ̀ fibɨ̀ wɨə kɨrɨ i ɨkǎ. Chəi wɨ cherə kɨrɨ yeʼe. Ənɨ wɨ̀ yeʼe, wɨ̀ bɨrɨ chub àmei ənɨ ɨkə nyumə̀.

Ɨnû 18:19

Ɨ mbɨə nyaʼə sab əgywɨ ɨgwɨ mbə ɨtu ɨchî nɨ mbɨ nyaʼə chweŋə mɨsɨ bə̀ dìə̀. Ɨ mbɨə nyaʼə ghɨ̀ə̀ əne ghàə̀ rɨ̀kǎ ni, “Ŋgəʼ bɨrɨ nyɨ ɨgwɨ ne! Ŋgəʼ bɨrɨ nyɨ ɨgwɨ ne, àwɔ̀ əsɨ ə kyeŋ nɨ bə̂d mɨ̀jìm mbe nɨ nyaʼa berɨ ɨbaŋ ɨgyɨ̀ nyaʼa fuʼ əwən tɨ ənɨ mbɔ̂n ze nɨ à nyaʼa berɨ! Àmei ənɨ ə awà fibɨ̀, mbɔ̂n ze jìm fə nim i.

Ɨnû 18:8

Ɨchî nɨ wɨə ghà əne, ŋgəʼ rɨ kǎ kǎ bɨrɨ nyɨ ɨgwɨ məd əni ə fibɨ̀. Ŋgəʼ te yɨ ɨwɔn, yɨ ə̀kə̀nɨ̀ mbɨ ə njì kǎ kǎ. Mbɨ bɨrɨ tɔn əməd ənɨ ɨwid, ɨmbə̀ʼ ɨghəm nɨ Ə̀nùŋɨ̀sɨg Ŋwìə̀ we nɨə saʼ əməd ə berɨ ɨka.”

Ɨnû 19:18

Mbə̀ yeʼe kud nyamnyod mɨ̀fɔ̀n, kud nyamnyod ɨtu ɨgwɨ mɨ̀sɔgyɨ̀, kud nyamnyod mɨ̀sɔgyɨ̀, kud nyamnyod ngyi, kud nyamnyod bə̂d mbe nɨə kɔʼə ngyi te bə̀ kud nyamnyod bə̂d mɨjìm, əne yɨ ɨ̀bòʼò mbɨ ə bə̂d nɨ yeʼ ənɨ ə ɨghəm, əne yɨə bə̂d kyeŋ mbɨ mbɨ kwa!”