Ɨnû 16:7 - Meta’

⁷ Mə nyaʼa zu gɨ̂ nɨ nyaʼə kyeŋə rɨ ənɨ ɨkwi ɨjə̀ŋ ə̀fààrɨ̀. Zɨ̀ nyaʼə kyeŋə ghàə̀ ni, “Ee, Ə̀nùŋɨ̀sɨg Ŋwìə̀kɔʼ, ɨchî nɨ àwɔ̀ ə saʼə bə̂d ə kàŋ kùʼ. À yɨə bə̀ ɨchî rəsìʼ!”

Ikan feg

⁷ Mə ya zug gì ne yaya kyḛ inga ikwijə̀ŋ àfàtì. Zì yaya kyḛ ghà gha, “E, Anɔŋisəg Ŋwiyekɔʼ, icheg ne àghò we sàʼa bəd we taŋ kòʼ bə̀ yaʼ ikuchèg tesiʼ!”

Ɨnû 16:7 ပူးပေါင်းရင်းမြစ်များ

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 13:10

Mbɨ mɨ berɨ gywɨ wə̀d mɔʼ wò mbɨ wɨwən, mbɨ berɨ bɨ gywɨ nɨŋ wò. Mbɨ mɨ berɨ zwiirɨ wə̀d mɔʼɔ ənɨ ɨbi bid, mbɨ berɨ bɨ zwiirɨ. Əne yɨ ni bə̂d Ŋwiə̀ berɨ nyiʼ. Mbɨ bə̀ berɨ kɨrɨ nuŋ fîŋ ɨgwɨ məd.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 14:18

Aŋgɨrə̀ cherə, nɨ nyaʼa berɨ ɨka ɨgwɨ ɨwid, nyaʼa jwɨ̀ rɨ ɨban ɨkwi ɨjə̀ŋ ə̀fààrɨ̀ pè kyeŋ ənɨ ə gɨ̂ kǎ kǎ əmbɨ we nɨ berɨ ɨbi tɔtɔ we ni, “Nɨŋ fe ɨbi tɔtɔ nɨ kwəŋ ɨghɨ əŋgu sopɨ ɨza vaìn tɨ ənɨ ɨzed vaìn mbe rɨ ɨgwɨ ə si, ɨmbə̀ʼ ɨghəm nɨ rɨtam vaìn te rɨ ɨgwɨ ə si fə tə̀nə̀.”

Ɨnû 19:2

Tɨ̀ ghɨ̀ əne ɨmbə̀ʼ ɨghəm nɨ ɨchî nɨ məd ə chəə bə̂d ə kaŋ kùʼ. À yɨə bə̀ ɨchî rəsìʼ. Wɨ̀ fə zɨ̀ ɨchə ɨgwɨ ə̀kùnɨ̀ əka ze nɨ nyaʼə chə̀kɨ̀ ɨsɨg ɨchî nɨ wɨ̀ nyaʼə niirɨə mbaŋə̀ əbəŋ əbəŋ. Ŋwìə̀ fə zɨ̀ ɨchə ɨgwɨ məd ɨmbə̀ʼ ɨghəm nɨ wɨ̀ nyaʼa zwiirɨ bə̂d ə̀fàʼì məd.”

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.