Ɨnû 15:1 - Meta’

¹ Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ikan feg

¹ Mə ya bàd aneni anug kyen ndəŋ ne chè ibo ikaŋ àbɔ̀ŋɔ. Aneni anug azo̰ yaya chwìye mbè angirə̀ ìsàmbe ne ya nyimi ngəʼ ka ka ìsàmbe. Ngəʼ ìto̰ ya yaʼ ngəʼ ka ka ne si nwḭ̀yḛ̀ imbə̀ʼ icheg ne tì mə̀ chè, ze chwi gha agaŋ Ŋwiye fə mèg.

Ɨnû 15:1 ပူးပေါင်းရင်းမြစ်များ

Ɨnû 10:3

Wɨ̀ nyaʼa kyeŋ ənɨ gɨ̂ kǎ kǎ ɨchî nɨ ŋgwàbaʼ ə zùʼə̀. Ənɨ wɨ̀ nyaʼa kyeŋ əne, mbə̀ŋ nyaʼa kùm ɨghəm sambe.

Ɨnû 11:14

Ŋgəʼ kǎ kǎ ze nɨ pe ənɨ tɨ rɨbe fə chè i, àyɨə ze nɨ pe ənɨ tɨ rɨtad bɨrɨ zambɨ yeʼe.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 14:19

Əne aŋgɨrə̀ we nyaʼa ŋwì fɨ ɨbi sob ɨza rɨ ənɨ ɨzed vaìn mbe rɨ ɨgwɨ ə si. Wɨ̀ nyaʼa fetɨ rɨtam te màʼ ɨŋga ɨbɨgɨ kyeŋ nɨ mbɨə mìnə̀ mɨnoʼ ɨŋga. Əzɔ̂ ə chwi ɨchî nɨ Ŋwìə̀ ə sə ɨtəm.

Ɨnû 16:1

Mə nyaʼa zu gɨ̂ kǎ kǎ nɨ nyaʼə yeʼə rɨŋga mbàn Ŋwìə̀. Gɨ̂ ze zɨə nyaʼə ghà əmbɨ mbɨ̀aŋgɨrə̀ mbe sambe ni, “Mbə̀ nɨŋ ɨŋgupɨ ɨkaŋ mbe sambe nɨ ɨsə ɨtəm Ŋwiə̀ yeʼ ɨŋga wò sab ɨgwɨ ə si.”

Ɨnû 17:1

Aŋgɨrə̀ fibɨ̀ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nyaʼa yeʼe pè ghà ɨ num ni, “Yeʼe, mə bɨrɨ chwi ɨchî nɨ mbɨ bɨrɨ chə ə̀kùnɨ̀ ə ka ze nɨ chub ɨgun mɨgyɨ̂ kyeŋ nɔnɔʼ ɨ ne.

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.

Ɨnû 21:9

Wɨ mɔʼɔ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nɨ ŋgəʼ kǎ kǎ te sambe nɨ sɨ nwìə̀ nyaʼa swi ɨŋga, nyaʼa yeʼe ghà ɨ num ni, “Yeʼe, mə bɨrɨ chwi ɨgən we nɨ yeʼ ɨwi Wan njɨ̀g ɨ ne.”

Ɨnû 8:13

Mə nyaʼa nèŋ, əne zə ɨzam nɨ nyaʼə fid əton ɨkaŋ. Ɨ wɨə nyaʼə ghàmə̀ rɨ̀kǎ ghàə̀ ni, “Ŋgəʼ bɨrɨ nyɨ, ŋgəʼ bɨrɨ nyɨ, ŋgəʼ bɨrɨ nyɨ ɨgun ə bə̂d mbe nɨ yeʼ ɨgwɨ ə si ənɨ ə nyùmə̀ we nɨ mbɨ̀aŋgɨrə̀ cherə tad fə tə tàŋ!”

Ɨnû 8:2

Mə nyaʼa zə mbɨ̀aŋgɨrə̀ mbe sambe nɨə təm ɨfě Ŋwiə̀. Mbɨ nyaʼa nàʼ tàŋ sambe əmbɨ mɨ̀mə̌d.

Ɨnû 8:6

Mbɨ̀aŋgɨrə̀ mbe sambe nɨ nyaʼa yim tàŋ te sambe nyaʼa tekɨ ə ɨnyod nɨ fə.

Ɨnû 9:20

Chəi ə̀bùʼ ə bə̂d mɨ̀sɔŋɨchù ze nɨ chəi ŋgəʼ kǎ kǎ tɔ̂ nyaʼa zwiirɨ mɨ̀mə̌d nyaʼa beŋ tə fîŋ tɨ ənɨ ɨghɨ mbe nɨ mbɨ nyaʼa tekɨ ənɨ mbə ɨbɔ. Chəi mbɨ kɨrɨ sob nɨ wumnɨ ɨzwî rɨbɔ̀ŋ bə̀ fɔrɨ nɨ wumnɨ mbɨ̀anèŋ mbe nɨ mbɨ tekɨ ənɨ ə gôl, ənɨ ə sɨrɨvà, ənɨ ə brɔnz, ənɨ ɨti bə̀ fɔrɨ ənɨ ɨzed. Chəi ənɨ tɨ̀ mbɨ̀anèŋ mbɔ̂ zə ɨsɨ, zu ənû kɨ̀ yènɨ̀.