Ɨnû 14:7 - Meta’

⁷ Wɨ̀ nyaʼa ghà ənɨ ə gɨ̂ kǎ kǎ ni, “Mbə̀ bɔ ə Ŋwiə̀ bə̀ nàʼ ɨwumnɨ ɨ bɔ, ɨmbə̀ʼ ɨghəm nɨ nyùmə̀ we nɨ məd bɨrɨ saʼ bə̂d fə kùʼ. Mbə̀ wumnɨ əməd we nɨ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ mɨ̀jwɨ̀-əmboŋ!”

Ikan feg

⁷ Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 14:7 ပူးပေါင်းရင်းမြစ်များ

Matìyò 25:13

“Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze kɨ̀ ə nyùmə̀ we nɨ Wan Wə̀d bɨrɨ wɨrɨ yeʼe.

Lk 17:18

Chəi wɨ mɔʼɔ nɨ bə̀ndɨ̀ yeʼe yiirɨ ə Ŋwiə̀ chè rɨ ənɨ wə̀d rɨ̀sɔ̀ʼɔ̀ wɔ̂ ə?”

Ɨ̀fàʼì 14:15

“Mba mɨ̀sə̀ʼ, mbə̀ kɨə ghɨ̀ ənû zɔ̂ ɨmbə̀ʼ ə yè ə? Tɨ̀ yɨə bə̂d mɨ̀sɔŋɨchù ɨghabɨ ə mbə̀nə. Tɨ̀ fə yeʼe mbɨ ɨkə̂n chɔ̀m ɨ nən ni mbə̀ saŋ ɨghɨ əko mbɔ̂ beenɨ əbɔʼ Ŋwìə̀ we nɨ yeʼ ɨkǎ. À yɨə məd nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

Ɨnû 11:13

Àmei ənɨ ə nyùmə̀ we, si nyaʼa wùd kwàʼ rɨ̀kǎ, əba ə fibɨ̀ ənɨ mbɨ ghapɨ nəb te rɨŋga əsɨ ze ɨsɨ wum nyaʼa buʼə. Si ze nyaʼa wùd əne, zwiirɨ bə̂d chuʼ sambe. Ə̀bùʼ ə bə̂d ə nyaʼa bɔ kwàʼ rɨŋgəʼ, əne mbɨ nyaʼa nàʼ ɨwumnɨ əmbɨ ə Ŋwìə̀ we nɨ yeʼ ɨkaŋ.

Ɨnû 11:18

Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ɨnû 15:4

Ə̀nùŋɨ̀sɨg, à kɨə we nɨ chəi wɨ̀ bɨrɨ bɔ əwe ə? À kɨə we nɨ chəi wɨ̀ bɨrɨ yiirɨ e ɨkum ə? Àmei àwɔ̀ rə̀zìʼ we nɨ zeŋɨ màànɨ̀. Bə̂d rɨŋga ɨbeŋ jìm bɨrɨ yeʼe wumnɨ əwe, ɨmbə̀ʼ ɨghəm nɨ wə̀d jìm fə zə ɨchî nɨ àwɔ̀ ə ghɨ̀ ɨnû nɨ kuʼnɨ.”

Ɨnû 16:9

Əzuʼ ə ka ka ze ə nyaʼa tɔ̀n bə̂d mbe, əne mbɨ nyaʼa zɔ̀m ɨkum Ŋwìə̀ we nɨ berɨ ɨka ɨgwɨ ə ŋgəʼ rɨ kǎ kǎ te, àyɨə chəi mbɨ nyaʼa beŋ tə fîŋ wumnɨ əməd.

Ɨnû 18:10

Ɨchî nɨ mbɨə bɔə ni mbɨ bɨrɨ zə ŋgəʼ ɨghabɨ əməd, mbɨ bɨrɨ təm əsa əgha ghà ni, “Ŋgəʼ bɨrɨ nyɨ ɨgwɨ ne! Ŋgəʼ bɨrɨ nyɨ ɨgwɨ ne, àwɔ̀ əsɨ ə kyeŋ, àwɔ̀ Babilɔ̀n nɨ yeʼ əbeŋ nɨ berɨ ɨka! Ŋwìə̀ fə nɨŋ àmei awà fìbɨ̀ chə əwe!”

Ɨnû 18:17

Ənɨ ə awà fibɨ̀, mbɔ̂n ze jìm fə nim i.” Ɨtu ɨgwɨ ə bə̂d nɨə tin əbaŋ ɨgyɨ̀, mbe nɨə yèn ɨŋga əbaŋ ɨgyɨ̀, mbe nɨə tin əbaŋ ɨgyɨ̀ mbɨ ə bə̂d mɨjìm mbe nɨə fàʼ ɨŋga ɨgyɨ̀, bɨrɨ təm əsa əgha

Ɨnû 18:19

Ɨ mbɨə nyaʼə sab əgywɨ ɨgwɨ mbə ɨtu ɨchî nɨ mbɨ nyaʼə chweŋə mɨsɨ bə̀ dìə̀. Ɨ mbɨə nyaʼə ghɨ̀ə̀ əne ghàə̀ rɨ̀kǎ ni, “Ŋgəʼ bɨrɨ nyɨ ɨgwɨ ne! Ŋgəʼ bɨrɨ nyɨ ɨgwɨ ne, àwɔ̀ əsɨ ə kyeŋ nɨ bə̂d mɨ̀jìm mbe nɨ nyaʼa berɨ ɨbaŋ ɨgyɨ̀ nyaʼa fuʼ əwən tɨ ənɨ mbɔ̂n ze nɨ à nyaʼa berɨ! Àmei ənɨ ə awà fibɨ̀, mbɔ̂n ze jìm fə nim i.

Ɨnû 19:5

Gɨ̂ nyaʼa yeʼe rɨ ənɨ ətən ɨfɔ̀n, ghàə̀ ni, “Mbə̀ yiirɨ a Ŋwiə̀, mbə̀n bə̂d ə̀fàʼì məd mɨjìm. Mbə̀n mbe nɨə wumnɨ əməd, mbə̀ yiirɨ əməd, əne yɨ mbɨ kwa mbɨ mbɨ kyeŋ!”

Ɨnû 4:11

“Ə̀nùŋɨ̀sɨg à Ŋwìə̀, àwɔ̀ ə kùʼ ni wə̀d jìm yiirɨ əwe, nàʼ ɨwumnɨ ɨ ne bə̀ ghà ni à berɨ ɨka, ɨmbə̀ʼ ɨghəm nɨ à nyaʼa tekɨ ɨghɨjìm, ɨghɨjìm mbɨ əŋgu bə̀ yeʼ ɨkǎ ɨchî nɨ à nyaʼa kəbɨ.”

Ɨnû 4:9

Ənɨ ɨghɨ mbe nɨ yeʼ ɨkǎ naʼ wumnɨ, yiirɨ bə̀ nàʼ məben-əwe əmbɨ məd we nɨ chub ɨgun ətən ɨfɔ̀n ze, nɨ wɨ̀ yeʼ ɨkǎ koŋ koŋ,

Ɨnû 8:10

Aŋgɨrə̀ we nɨ pe ənɨ mbɨ mɨtad nyaʼa fə i taŋ, əne fɨtəmɨ kyeŋ nɨ nyaʼə te ɨghabɨ ɨkaʼi nyaʼa nɔʼ rɨkaŋ feŋ ɨgun əba ə fibɨ̀ ənɨ mbɨ ghapɨ mɨgyɨ̂ ɨba tad bə̀ feŋ ɨgun mɨ̀jwɨ̀-əmboŋ.