Ɨnû 14:6 - Meta’

⁶ Mə nyaʼa zə aŋgɨrə̀ cherə nɨə fìd əton ɨkaŋ. Aŋgɨrə̀ we nyaʼa berɨ ɨkə̂n chɔ̀m we nɨ ten i koŋ nɨ gha əmbɨ ə bə̂d mbe nɨ yeʼ ɨgwɨ ə si, nɨ gha əmbɨ bə̂d ɨŋga ɨbeŋ jìm, nɨ gha əmbɨ bə̂d ɨŋga mɨnəbɨ jìm, nɨ gha əmbɨ ə bə̂d nɨə ghàmə̀ mɨŋgam jìm bə̀ fɔrɨ nɨ gha əmbɨ ə bə̂d mɨ̀jìm ɨsɨ jìm.

Ikan feg

⁶ Mə ya bàd angirə̀ ndəŋ ne fìrè aton ikaŋ àbɔ̀ŋɔ. Angirə̀ we ya bèrì ikən chɔm we ne təmi ane ighə̀m imɔʼ ni ghà abə bəd mbe ne yaʼi igun isəg; abə bəd inga iben ijìm, abə bəd inga tinəbi ijìm, abə bəd inga tìngam aben tijìm bə̀ fɔrɔ abə bəd məjìm isiŋi ijìm.

Ɨnû 14:6 ပူးပေါင်းရင်းမြစ်များ

Matìyò 10:27

Ɨnû mbe nɨ mə gha ɨ nən ɨŋga ɨsɨ firɨ, mbə̀ gha ənɨ ɨsɨ ə zeŋə. Ɨnû mbe nɨ mə ghà ɨ nən əchùmə, mbə̀ təm rɨ ɨdom nəb saʼ.

Mk 16:15

Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

1 Pità 1:25

àyɨə ɨŋgam Ə̀nùŋɨ̀sɨg ə ten i koŋ.” Ɨŋgam we yɨ ɨkə̂n chɔ̀m we nɨ mbɨ gha ɨ nən.

Ɨnû 10:11

Mbɨ nyaʼa ghà ɨ num ni, “À berɨ wɨrɨ gha ɨkə̂n Ŋwiə̀ ɨmbə̀ʼ ənû ze nɨ wɨ̀ kàʼi əmbɨ ə bə̂d mɨ̀nɔnɔʼ, əmbɨ ə bə̂d ɨŋga ɨbeŋ nɔnɔʼ, əmbɨ ə bə̂d nɨə ghàm mɨŋgam jìm bə̀ ghà əmbɨ mɨ̀fɔ̀n.”

Ɨnû 10:7

Àyɨə ənɨ aŋgɨrə̀ we nɨ pe ənɨ mbɨ sambe fə i taŋ, Ŋwiə̀ bɨrɨ ghɨ ɨnû mbe nɨ yeʼ ənə̀mə, ɨchî nɨ wɨ̀ nyaʼa fə ghǎ əmbɨ mbi bə̂d ə̀fàʼì mbe nɨ yeʼ bə̂d ɨ̀kə̀n ɨməd.”

Ɨnû 13:7

Mbɨ nyaʼa sàŋ əməd ni zɨ̀ maʼ bid mbɨ ə bə̂d Ŋwiə̀ bə̀ baŋ mɨ̀mə̌d. Mbɨ nyaʼa nàʼ ɨka ɨ bɔ ni zɨ̀ tumbɨ bə̂d rɨŋga ɨnəbɨ jìm, rɨŋga ɨsɨ jìm, rɨŋga mɨŋgam jìm bə̀ fɔrɨ rɨŋga ɨbeŋ jìm.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Ɨnû 8:13

Mə nyaʼa nèŋ, əne zə ɨzam nɨ nyaʼə fid əton ɨkaŋ. Ɨ wɨə nyaʼə ghàmə̀ rɨ̀kǎ ghàə̀ ni, “Ŋgəʼ bɨrɨ nyɨ, ŋgəʼ bɨrɨ nyɨ, ŋgəʼ bɨrɨ nyɨ ɨgun ə bə̂d mbe nɨ yeʼ ɨgwɨ ə si ənɨ ə nyùmə̀ we nɨ mbɨ̀aŋgɨrə̀ cherə tad fə tə tàŋ!”