Ɨnû 14:4 - Meta’

⁴ Bə̂d mbɔ̂ yɨə mbe nɨ chəi mbɨ fiinɨ ə ɨnyod mbɨ məyi, ɨmbə̀ʼ ɨghəm nɨ chəi mbɨ nyaʼa kɨrɨ ni məyi. À yɨə bə̂d mbɔ̂ ə beenɨ əbɔʼ Wan njɨ̀g ɨsɨ jìm mbe nɨ wɨə wòə̀. Mbɨ fə choʼ mɨ̀mə̌d rəkaʼ ə̀bùʼ ə bə̂d mbe rɨ ɨgwɨ ɨsɨg əne nàʼ əmbɨ ə Ŋwiə̀ fɔrɨ əmbɨ ə Wan njɨ̀g ɨghabɨ ɨghɨ rɨtu nɨ mbɨ kwəŋɨ.

Ikan feg

⁴ Bəd mbo̰ ya bəd mbe ne nɔŋi ìtɔb nyàmnyɔd ti zḛ icheg ne chəyi mbi ya nɔ̀ki mə̀yi abu abu. Bəd mbo̰ ya yaʼ fɔ̀d mbaŋà. Mbi yaya bène abɔ̀ʼ Ŋwan njə̀g isiŋi ijìm mbe ne wì yaya ghò. Mbi fə zeri awɔb inga àbùʼì bəd ze igun isəg, ane nàʼ abə Ŋwiye fɔrɔ abə Ŋwan njə̀g icheg ighi mbègtog ne mbi foʼi a mben.

Ɨnû 14:4 ပူးပေါင်းရင်းမြစ်များ

Matìyò 19:12

Əton nɨ chəi mbaŋə̀ rɨ mɔʼɔ ə namə yɨ ni: à yɨ ɨchî nɨ mbɨ gywɨ mbɨ mɔʼɔ, à yɨə bə̂d zaʼ mbɨ mɔʼɔ, mbɨ mɔʼɔ ton ɨnamɨ ɨmbə̀ʼ ənû ɨfɔ̀n rɨkaŋ. Wə̀d we nɨ tɨ̀ wɨ̀ ben ənû zɔ̂, wɨ̀ benɨ.”

Matìyò 25:1

“Ənɨ ə nyùmə̀ we nɨ Kristo bɨrɨ wɨrɨ yeʼe, ənû ɨfɔ̀n rɨkaŋ bɨrɨ yeʼ ɨghabɨ ɨchî nɨ bɔn məyi wum nɨ nyaʼa nɨŋ mbə ɨnam jwɨ̀ wo bòm ɨnom ɨgən.

Matìyò 8:19

Ənɨ wɨ̀ nyaʼa gha əne, əchwiə̀ rɨ̀kə̌ mɔʼɔ nyaʼa wò əsɨ məd pè gha ɨ bɔ ni, “Əchwiə̀-ɨnû, mə bɨrɨ beenɨ əbɔʼ ne ɨsɨ jìm mbe nɨ àwɔ̀ ə wò əŋgu.”

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 13:37

Pità nyaʼa biirɨ ɨ bɔ ni, “Ə̀nùŋɨ̀sɨg, əton nɨ chəi ənɨ tɨ mə beenɨ əbɔʼ ne tɨ̀nîn kɨ ni ye ə? Mə fə tekɨ mɨ ɨnyod nɨ kwɨ ɨmbə̀ʼ əwe!”

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

1 Kɔrèn 6:20

Ŋwìə̀ nyaʼa fə zon əwən ənɨ ɨkab nɔnɔʼ. Əne mbə̀ nɨŋ ə ɨnyod wumnɨ ə Ŋwiə̀ əŋgu.

1 Kɔrèn 7:28

À mɨ nam, chəi à ghɨ ənû rɨbɔ̀ŋ. Wan əyi mɨ nam, chəi wɨ̀ ghɨ ənû rɨbɔ̀ŋ. Àyɨə bə̂d mbe nɨ namɨ bɨrɨ berɨ ŋgəʼ nɔnɔʼ ɨŋga ɨsɨg wɔ̂. Əne chəi mə kəb ni ŋgəʼ ze nyɨ ɨgwɨ nən.

2 Kɔrèn 11:2

Mə wɨə ghɨ̀ ə̀dìì ɨgwɨ nən ɨchî nɨ Ŋwìə̀ ziə ə bə̀ ghɨ̀ə̀. Mbə yɨ əyi rɨ kyerɨ mbaŋə̀ nɨ mə nyaʼa nyɨ əmbɨ ɨnom mɔʼ, əne yɨə Kristo.

Efesùs 1:14

Əzwî ə Zeŋɨ ze yɨ ənweenɨ nɨ chwiə ni tɨ̀ bɨrɨ kɔ berɨ ɨghɨ mbe nɨ Ŋwiə̀ kaʼ əmbɨ mbi bə̂d wò pè ənɨ wɨ̀ choʼ ətu mɨ̀mə̌d. Tɨ̀ yiirɨ ə Ŋwiə̀.

Efesùs 5:27

Wɨ̀ nyaʼa ghɨ əne ɨmbə̀ʼ nuŋ ɨfetɨ we ənɨ i ɨfě, nɨ wɨ̀ fə yèʼɨ wɨ bɔŋ, nɨ chəi rɨfiŋ ɨgun, nɨ chəi ɨfě nyɔpɨ, nɨ chəi ənɔʼɔ kɨ̀ əghɨ ə mɔʼɔ ɨghabɨ əze ɨgun, ɨmbə̀ʼ ɨfetɨ we chub ɨzeŋɨ zeŋɨ nɨ chəi əghəm ɨgun.

1 Timotì 4:3

Ɨ mbɨə tonə ni tɨ bə̂d nam ə mbɨ ni tɨ mbɨ jɨg ə tɨkwɨrɨ ɨghɨjɨg mɔʼɔ. Ŋwiə̀ nyaʼa tekɨ rɨjɨg tɔ̂ ni bə̂d mbe nɨ ben əməd bə̀ kyerɨ rəsìʼ naʼ məben-əwe ɨ bɔ jɨg.

Mə̀Hibrù 12:23

Mbə fə yeʼe əsɨ ɨfetɨ bɔn fə̀d Ŋwiə̀ mbe nɨ mbɨ fə ŋwaʼnɨ tɨkum tɨ mɨ̀mə̌d ɨkaŋ. Mbə fə yeʼe əsɨ Ŋwìə̀ we nɨə saʼə bə̂d mɨ̀jìm. Mbə fə yeʼe əsɨ ɨzwî bə̂d mbe nɨə ghɨ̀ ɨnû nɨ kuʼnɨ, nɨ Ŋwìə̀ fə ghɨ̌ mbɨ bɔ̀ŋ màànɨ̀.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 21:22

Chə nyaʼa i mbàn Ŋwìə̀ ɨŋga əsɨ ze, ɨmbə̀ʼ ɨghəm nɨ mbàn Ŋwìə̀ məd yɨ Ə̀nùŋɨ̀sɨg Ŋwìə̀kɔʼ mbɨ ə Wan njɨ̀g.

Ɨnû 21:23

Chəi əsɨ ze ə kəb ə nyùmə̀ kɨ̀ ɨmɨg nɨ te ɨgun, ɨmbə̀ʼ ɨghəm nɨ ɨzeŋɨ zeŋɨ Ŋwìə̀ wɨə te ɨgwɨ əsɨ ze. Wan njɨ̀g yɨə bə̀ ənam əməd.

Ɨnû 3:4

Àyɨə bə̂d mɔʼɔ rɨpiî mbɨ ə Sadìs nɨ chəi mbɨ kɨrɨ tab tə ngywɨ. Mbɨ bɨrɨ yen mbɨ num ɨŋga ngywɨ̌ tɨ rɨ̀fɨ, ɨmbə̀ʼ ɨghəm nɨ mbɨ kàŋ kùʼ nɨ ghɨ əne.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.