Ɨnû 14:2 - Meta’

² Mə nyaʼa zu gɨ̂ nɨ gham rɨkaŋ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨchî nɨ mbə̀ŋ ə kùmə̀ kwàʼ rɨ̀kǎ. Gɨ̂ ze nyaʼa ghàm ɨchî nɨ mə̀buʼ mɨ̀noŋ ə buʼə mbə mɨ̀noŋ ŋgyi.

Ikan feg

² Mə ya zug gì ne ghàmi ikaŋ àbɔ̀ŋɔ kwàʼ icheg ni gha à ya tigyi nɔʼ nɔʼ te jòʼò bə̀ kwàʼ icheg ni gha à ya mbə̀ŋ ze kùmə̀ kwàʼ ane ika. Gì ze yaya ghàmà kwàʼ icheg ni gha à ya bəd ne bòʼo abin mbe nwìʼe inɔŋi.

Ɨnû 14:2 ပူးပေါင်းရင်းမြစ်များ

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

Ɨnû 1:10

À nyaʼa ɨgwɨ əni Ə̀nùŋɨ̀sɨg, Əzwî ə nyaʼa nyɨ ɨŋga num, əne mə nyaʼa zu gɨ̂ kǎ kǎ ənɨ mɨ njìm. Gɨ̂ ze nyaʼa ghàm ɨghabɨ ə tàŋ

Ɨnû 1:15

Tɨkyerɨ-ɨwu məd tɨə nyaʼa ɨghabɨ ə brɔnz nɨ mbɨ tɔn ɨŋga ɨsweŋ ɨwid ənam, chiʼ kwàʼ ɨchî chɔ̀m. Gɨ̂ məd zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀.

Ɨnû 11:12

Əne bə̂d ɨ̀kə̀n mbɔ̂ mɨ̀be nyaʼa zu gɨ̂ kǎ kǎ nɨ nyaʼa ghàm rɨkaŋ ghàə̀ əmbɨ mɨ̀mə̌d ni, “Mbə̀ kɔʼ yeʼe əgha!” Ənɨ bə̂d pə̀n mɨ̀mə̌d nyaʼə nèŋə̀, mbɨ nyaʼa wo ɨkaŋ ɨŋga pàʼ.

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 15:2

Mə nyaʼa zə əghɨ ə mɔʼɔ nɨ nyaʼa ɨghabɨ ə rɨ̀bàà mɨ̀manèm nɨ mbɨ nyamɨ mbɨ ɨwid. Mə nyaʼa bə̀ zə bə̂d mbe nɨ nyaʼa baŋ nyam kyeŋ rɨtu ze, baŋ anèŋ məd bə̀ baŋ ə nombà we nɨ təm ənɨ ɨkum məd. Mbɨ nyaʼa təm ɨban rɨ̀bàà mɨ̀manèm we mbɨ mɨnoŋɨ ŋgyi nɨ Ŋwìə̀ nyaʼa naʼ əmbɨ mɨ̀mə̌d.

Ɨnû 18:22

Chəi bə̂d bɨrɨ nɔ wɨrɨ buʼ ɨnoŋɨ ŋgyi kɨ̀ nɔ kwerɨ mɨkyî ɨŋga ne. Chəi bə̂d bɨrɨ nɔ wɨrɨ fə ɨmbarɨ bə̀ fə tàŋ ɨŋga ne. Chəi wə̀d əbɔ ə̀fàʼì bɨrɨ nɔ wɨrɨ tekɨ ɨghɨ ɨŋga ne. Chəi bə̂d bɨrɨ nɔ wɨrɨ wɔʼ ɨghɨ ɨŋga ne.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ɨnû 6:1

Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨnû 8:7

Aŋgɨrə̀ rɨtu nyaʼa fə i taŋ, əne əwəŋ mbɨ ɨwid, nɨ nyaʼa nyamɨ mbɨ ənəm, nyaʼa feŋgɨ ɨgwɨ ə si. Əba ə fibɨ̀ ənɨ mbɨ ghapɨ si ɨba tad nyaʼa fɨə. Əba ə fibɨ̀ ənɨ mbɨ ghapɨ ɨzed ɨba tad nyaʼa fɨə. Ɨfu zwɨ̂ jìm nyaʼa bə̀ fɨə.