Ɨnû 14:13 - Meta’

¹³ Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”

Ikan feg

¹³ Mə ya si zug gì mɔ̀ʼɔ ne ya ghàmi ikaŋ àbɔ̀ŋɔ gha, “Ŋwàʼra gha: Bəd mbe ne ku ni ko amad anìŋ se ghò imbìghè, ne yaʼi ane ifɔti tì Anɔŋisəg, Ŋwiye ziye àbɔrɔ̀bɔd igun inɔb.” Azwighi Ŋwiye ze gha, “E, à ya kwàʼ ane. Mbi biri zwètì ane ìfàʼì mbe ne mbe fàʼà imbə̀ʼ icheg ne inug mbe ne mbi fə ghi biri beni abɔ̀ʼ inɔb!”

Ɨnû 14:13 ပူးပေါင်းရင်းမြစ်များ

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Lk 16:25

Àyɨə Abràham nyaʼa ghà ni, 'Wân, kɔndɨ ni ənɨ à nyaʼa ɨkǎ, à nyaʼa berɨ ɨghɨ chɔ̀m, àyɨə Lazarɔ̀s nyaʼa berɨ ɨghɨ rɨbɔ̀ŋ. Tɨ̀nîn məd wɨ ɨŋga chɔ̀m əgha, àyɨə àwɔ̀ wɨ əŋgəʼ.

Lk 16:9

Yeso nyaʼa wò ɨmbì ghà ni, “Mə ghà ɨ nən ni mbə̀ nɨŋ mbɔ̂n ze nɨ mbə̀ berɨ ɨchî rɨbɔ̀ŋ ghɨ̀ mbə mɨ̀sə̀ʼ əŋgu, ɨmbə̀ʼ ənɨ mbɔ̂n ze mi i, mbɨ nɨŋ əwən ɨŋga ɨkwɨ mbe nɨ tən i koŋ.

Rm 14:8

Tɨ̀ mɨ yeʼ ɨkǎ, tɨ̀ wɨ ɨka ɨmbə̀ʼ wumnɨ Ə̀nùŋɨ̀sɨg. Tɨ̀ mɨ kwɨ, tɨ̀ fə kwɨ ɨmbə̀ʼ wumnɨ Ə̀nùŋɨ̀sɨg. Əne tɨ̀ mɨ yeʼ ɨkǎ kɨ̀ tɨ̀ mɨ kwɨ, tɨ̀ yɨə bə̂d Ə̀nùŋɨ̀sɨg.

1 Kɔrèn 15:18

Əne yɨ ni bə̂d mbe nɨ nyaʼa be ben ə Kristo bɔŋ kwɨ fə nim.

1 Kɔrèn 15:20

À yɨ rəsìʼ ni Ŋwìə̀ nyaʼa zwemnɨ ə Kristo. À yɨə bə̀ rəsìʼ ni Kristo yɨə wə̀d rɨtu nɨ Ŋwìə̀ zwemnɨ rəbɔʼ bə̂d mbe nɨ nyaʼa fə kwɨ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

2 Kɔrèn 5:8

Ee, ɨnû mbe nɨ tɨ̀ benɨ yɨ mbɨ rəsìʼ, əne tɨ̀ bɨrɨ kə̀b saŋ nyamnyod zɔ̂, ɨmbə̀ʼ chub ɨŋga nyamnyod fi mbɨ Ə̀nùŋɨ̀sɨg.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

1 Tèsàlonikà 4:14

Tɨ̀ ben ni Yeso nyaʼa kwɨ wɨrɨ zwemə. Tɨ̀ bə̀ ben ni Ŋwìə̀ bɨrɨ wɨrɨ nɨŋ bə̂d mbe nɨ nyaʼa ben Yeso bɔŋ kwɨ ni mbɨ chub mbɨ Yeso.

1 Tèsàlonikà 4:16

Ənɨ ə nyùmə̀ we nɨ Ə̀nùŋɨ̀sɨg ziə bɨrɨ swiʼ rɨkaŋ, bə̂d bɨrɨ zu ɨŋgam ka ka, zu gɨ̂ aŋgɨrə̀ kyeŋ bə̀ zu tàŋ Ŋwìə̀. Bə̂d mbe nɨ nyaʼa ben ə Kristo bɔŋ kwɨ bɨrɨ be zwemə.

1 Tèsàlonikà 5:10

nɨ nyaʼa kwɨ ɨgwɨ mba ɨtu ɨmbə̀ʼ kɨ̀ tɨ wɨ ɨkǎ kɨ̀ tɨ fə kwɨ, tɨ̀ we tɨ rɨ chubɨ mbɨ məd.

1 Timotì 5:24

Ɨnû rɨbɔ̀ŋ bə̂d mɔʼɔ mbɨ əsaŋ əsaŋ nɨ bə̂d ə zəə. Ɨnû rɨbɔ̀ŋ mbe ə zeŋ chwiə ni mbɨ fə gù ɨsaʼi bɔŋ mbɨ be sɨə saʼə mɨ̀mə̌d. Ɨnû rɨbɔ̀ŋ bə̂d cherə bɨrɨ jwɨ̀ əsaŋ ənɨ əgha ə tɔ sààrɨ̀.

1 Timotì 5:25

Əndəŋ əndəŋ bə, bə̂d mbɨə zəə ɨnû chɔ̀m mbe nɨ bə̂d ə ghɨ̀ə̀. Ka à bè yeʼi mbe nɨ chəi bə̂d ə zəə, àyɨə chəi ənɨ tɨ mbɨ nə̀m.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 10:4

Ənɨ mbə̀ŋ ze nyaʼa kum ɨghəm sambe, mə nyaʼa nɨrə ŋwàʼnɨ̀ ɨnû mbe nɨ mbə̀ŋ ze nyaʼa kumɨ ghà ɨ num, àyɨə mə nyaʼa zu gɨ̂ nɨ nyaʼa ghàm rɨkaŋ ghà ni, “Tɨrə̀ tɔ ghà e ənû ze nɨ mbə̀ŋ kum ɨghəm sambe ghà ɨ ne. Tɨrə̀ bɨ tɔ ŋwàʼnɨ̀ e ə si.”

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 11:19

Mbɨ nyaʼa fiʼ mbàn Ŋwìə̀ ze nɨ yeʼ ɨkaŋ, əne bə̂d nyaʼa zə tɨkub ə fɨso ze ɨŋga. Ɨbi mbə̀ŋ wɨə nyaʼə ŋwàŋə̀, gɨ̂ rɨ ghàmə̀, mbə̀ŋ kùmə̀, si wùd, əwəŋ ə feŋgɨ kwàʼ rɨ̀kǎ.

Ɨnû 16:17

Aŋgɨrə̀ we nɨ pe ənɨ mbɨ sambe nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨŋga ɨfə. Ənɨ wɨ̀ nyaʼa sab əne, gɨ̂ kǎ kǎ nyaʼa jwɨ̀ rɨ ənɨ ətən ɨfɔ̂n ze nɨ nyaʼa ɨŋga mbàn Ŋwìə̀. Zɨ̀ nyaʼə ghàə̀ ni, “Ɨnû jìm fə mì i!”

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Ɨnû 2:1

Ə̀nùŋɨ̀sɨg Yeso nyaʼa gha ɨ num ni, “Ŋwaʼnɨ əmbɨ aŋgɨrə̀ we nɨə nəŋgɨ ɨfetɨ bə̂d Kristo we rɨ ə Efesùs ni: “Wə̀d we nɨ yim rɨtəmɨ te sambe ɨŋga e əbɔ ə jɨgɨ, nɨə yèn əkaʼ ɨghɨ mbe sambe nɨ mbɨə te ɨnam ɨgun, nɨ mbɨ tekɨ ənɨ ə gôl, ə ghà ni,

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 20:6

Ŋwìə̀ bɨrɨ naʼ əbɔrəbɔd əmbɨ ə bə̂d mbe nɨ bɨrɨ zwemə ənɨ ə nyùmə̀ rɨtu wɔ̂. Mbɨ bɨrɨ bɨ chub ɨzeŋɨ zeŋɨ. Chəi ɨvɨ we nɨ pe ənɨ wɨ be berɨ ɨka ɨgwɨ mɨ̀mə̌d. Mbɨ bɨrɨ fàʼ ɨghabɨ ə bə̂d mbàn əmbɨ ə Ŋwiə̀ fɔrɨ əmbɨ Kristo, əne mbɨ bɨrɨ bɨ tumbɨ ɨsɨg mbɨ məd ɨghəm ɨwu chuʼ fibɨ̀.

Ɨnû 21:5

Məd we nɨ nyaʼa chub ɨgun ətən ɨfɔ̀n ze nyaʼa ghà ni, “Mbə̀ zə, mə wɨə tekɨ ɨghɨjìm ənɨ mbɨ fi!” Wɨ̀ nyaʼa bə̀ ghà ni, “Ŋwaʼnɨ ənû zɔ̂ ɨmbə̀ʼ ɨghəm nɨ mɨŋgam mbɔ̂ yɨ mɨŋgam rəsìʼ nɨ tɨ̀ bə̂d benɨ.”

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

Ɨnû 6:11

Ŋwìə̀ nyaʼa nàʼ ngywɨ̌ rɨ̀fɨ əmbɨ əzwî ə mɔʼ mɔʼ rəbɔʼ ɨzwî mbe, ghà əmbɨ mɨ̀mə̌d ni mbɨ zwiirɨ ənɨ akə nyùmə̀ pè ənɨ ɨnun bə̂d mbe nɨə fàʼ əmbɨ Kristo mbɨ ɨnun bɔŋgɔb mbe nɨ mbɨ bɨrɨ zwiirɨ ɨchî nɨ mbɨ nyaʼa zwiirɨ mɨ̀mə̌d fə kuʼu.