Ɨnû 14:11 - Meta’

¹¹ Ndiʼ tɨ ənɨ ɨwid we nɨ Ŋwìə̀ ə chəə mɨ̀mə̌d bɨrɨ mɨə kɔʼə ɨkaŋ koŋ koŋ. Chəi ə̀zwììrɨ̀ əziə kɨ̀ ɨzimɨ əmbɨ ə bə̂d mbe nɨə wumnɨ ə nyam kyeŋ ze kɨ̀ anèŋ məd. Chəi ə̀zwììrɨ̀ əmbɨ wə̀d we nɨ mbɨ zɨ ənweenɨ ze nɨ yeʼ ɨkum məd ɨgwɨ məd.”

Ikan feg

¹¹ Ndiʼ ane iywid we ne Ŋwiye we chə awɔb biri se kɔ̀ʼɔ ghò ikaŋ àbɔ̀ŋɔ kwàʼ ane ighə̀m imɔʼ. Kə̀ àkə tisi kə̀ izimi, chəyi àzwètì biri yaʼ abə bəd mbe ne ghùmnə nyam kyen ze bə̀ ghùmnə aghi-ŋwiye məd. Chəyi àzwètì biri bə yaʼ abə wə̀d we ne zi aneni ze ne ya ikum nyam ze igun ìwi nyɔd.”

Ɨnû 14:11 ပူးပေါင်းရင်းမြစ်များ

Matìyò 11:28

“Mbə̀ yeʼe əsɨ num, mbə̀n mɨjìm mbe nɨ fə bɔd bə̀ bèʼ ɨghɨ nɨ nirɨ, mə bɨrɨ ghɨ ni mbə̀ zwirɨ ə.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Mə̀Hibrù 1:8

Àyɨə wɨ̀ nyaʼa ghà ɨmbə̀ʼ i Wan ni, “À bɨrɨ chub ɨgun e ətən ɨfɔ̀n koŋ koŋ, kyɨə Ŋwiə̀. À wɨə tùmbɨ̀ə̀ mbe bə̂d ɨchî nɨ kuʼnɨ.

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 13:12

Ɨ zɨə nyaʼə tùmbɨ̀ə̀ bə̂d mbɨ ɨka we nɨ nyam kyeŋ rɨtu ze nyaʼa naʼ ɨ bɔ. Ɨ zɨə nyaʼə ghɨ̀ əne ɨfě nyam kyeŋ rɨtu ze. Ɨ zɨə nyaʼə ghɨ̀ ni si mbɨ ə bə̂d mɨ̀jìm mbe nɨ yeʼ ɨgwɨ ə si wumnɨ nyam kyeŋ rɨtu ze nɨ mbɨ nyaʼa fə vɨ əna əməd.

Ɨnû 13:15

Mbɨ nyaʼa sàŋ ni zɨ̀ fə əzwî ɨŋga anèŋ nyam kyeŋ rɨtu ze, ɨmbə̀ʼ anèŋ we ghàmə̀ əne ghɨ̀ ni mbɨ zwiirɨ bə̂d mɨ̀jìm mbe nɨ chəi mbɨə wumnɨə anèŋ we.

Ɨnû 13:17

ɨmbə̀ʼ tɨ wə̀d mɔʼɔ fen i ɨghɨ kɨ̀ zon ɨghɨ ni chəi wɨ̀ berɨ ənweenɨ ze ɨgwɨ məd. Ənweenɨ ze yɨ ɨkum nyam kyeŋ ze kɨ̀ ə nombà we nɨ təm ənɨ ɨkum məd.

Ɨnû 14:9

Aŋgɨrə̀ cherə nɨ pe ənɨ mbɨ mɨtad wɨə nyaʼə beenɨ əbɔʼ mɨ̀mə̌d. Ɨ wɨə nyaʼə ghàə̀ ənɨ ə gɨ̂ kǎ kǎ ni, “Wə̀d mɔʼɔ mɨ wumnɨ nyam kyeŋ ze bə̀ wumnɨ anèŋ məd, mbɨ mɨ fə bə̀ zɨ̀ ənweenɨ ənɨ əkəŋ ɨsɨ əməd kɨ̀ ɨgun əbɔ əməd,

Ɨnû 18:18

kyeŋ rɨkǎ ənɨ mbɨ zə ndiʼ rɨ ənɨ ɨwid we nɨə tɔ̀n əməd. Mbɨ bɨrɨ zə əne ghà ni, “À kɨ əsɨ zi nɨ nyaʼa ɨghabɨ əsɨ ə kyeŋ zɔ̂ ə?”

Ɨnû 18:9

Mɨfɔ̂n mbe rɨ ɨgwɨ ə si, nɨ nyaʼə niirɨ əməd əbəŋ əbəŋ bə̀ tad ɨnyod ɨŋga mbɔ̂n mbɨ məd, bɨrɨ chweŋ mɨsɨ bə̀ dì əməd ənɨ mbɨ zə ndiʼ rɨ ənɨ ɨwid we nɨə tɔ̀n əməd.

Ɨnû 19:3

Mbɨ nyaʼa wɨrɨ yɨ kyeŋ ghà ni, “Tɨ̀ yiirɨ ə Ŋwiə̀! Ndiʼ tɨ ənɨ ɨwid we nɨə tɔ̀n əməd zɨə kɔʼə wò ɨkaŋ koŋ koŋ.”

Ɨnû 20:10

Mbɨ nyaʼa màʼ ə Debɨ̀rə̀ we nɨ nyaʼə tambɨ mɨ̀mə̌d ɨŋga əsɨ ze nɨ sɔlfò ə ghɨ̀ ni ɨwid kyeŋ berɨə, nɨ yeʼ əsɨ ze nɨ mbɨ nyaʼa fə be màʼ nyam kyeŋ ze mbɨ ə bə̂d ɨ̀kə̀n mɨghab mbe əŋgu. Mbɨ bɨrɨ sɨə chəə mɨ̀mə̌d əŋgu əziə mbɨ ɨzimɨ koŋ koŋ.

Ɨnû 22:5

Chə wɨrɨ i ɨzimɨ. Chəi mbɨ bɨrɨ kəb ɨzeŋɨ zeŋɨ rɨ ənɨ ənam kɨ̀ rɨ ənɨ ə nyùmə̀, ɨmbə̀ʼ ɨghəm nɨ Ə̀nùŋɨ̀sɨg Ŋwiə̀ bɨrɨ yeʼ ɨzeŋɨ zeŋɨ mɨ̀mə̌d. Mbɨ bɨrɨ tumbɨ ɨsɨg koŋ koŋ.

Ɨnû 7:12

ghàə̀ ni, “À yɨ əne! Tɨ̀ yiirɨ à Ŋwìə̀, wumnɨ əməd, nàʼ məben-əwe ɨ bɔ, məd ə zeŋ, ɨ wɨə nàʼ əbɔrəbɔd, wɨ̀ berɨ ɨwe bə̀ berɨ ɨka koŋ koŋ! À yɨ əne.”