Ɨnû 13:15 - Meta’

¹⁵ Mbɨ nyaʼa sàŋ ni zɨ̀ fə əzwî ɨŋga anèŋ nyam kyeŋ rɨtu ze, ɨmbə̀ʼ anèŋ we ghàmə̀ əne ghɨ̀ ni mbɨ zwiirɨ bə̂d mɨ̀jìm mbe nɨ chəi mbɨə wumnɨə anèŋ we.

Ikan feg

¹⁵ Mbi ya sàŋì nyam kyen ze gha zì zwèghe igun aghi-ŋwiye àzi nyam kyen mbègtog, ze si yaʼ izɔm. Zì ya ghì ane ni ghì gha aghi-ŋwiye ze se ghàmà. Mbi ya bə̀ sàŋì gha wì zweti wə̀d ijìm ne chəyi wì ya bḛ ni ghumni aghi-ŋwiye ze.

Ɨnû 13:15 ပူးပေါင်းရင်းမြစ်များ

Jems 2:26

Ɨchî nɨ nyamnyod nɨ chəi əzwî yɨ ətu ə̀kǒ, əne bə̂, ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ.

Ɨnû 13:1

Mə nyaʼa zə nyam kyeŋ nɨ zɨ̀ nyaʼə jwɨ̀ rɨŋga rɨ̀bàà. Zɨ̀ nyaʼa berɨ ndɔŋ wum bə̀ berɨ ɨtu sambe. Ndɔŋ te ɨ mɔʼ mɔʼ nyaʼa berɨ rɨdəm mɨfɔ̀n kwa kwa ɨgun. Ɨtu mbe ɨ mɔʼ mɔʼ nyaʼa berɨ tɨkum nɨ zɔm ə Ŋwiə̀ ɨgun.

Ɨnû 13:12

Ɨ zɨə nyaʼə tùmbɨ̀ə̀ bə̂d mbɨ ɨka we nɨ nyam kyeŋ rɨtu ze nyaʼa naʼ ɨ bɔ. Ɨ zɨə nyaʼə ghɨ̀ əne ɨfě nyam kyeŋ rɨtu ze. Ɨ zɨə nyaʼə ghɨ̀ ni si mbɨ ə bə̂d mɨ̀jìm mbe nɨ yeʼ ɨgwɨ ə si wumnɨ nyam kyeŋ rɨtu ze nɨ mbɨ nyaʼa fə vɨ əna əməd.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 14:11

Ndiʼ tɨ ənɨ ɨwid we nɨ Ŋwìə̀ ə chəə mɨ̀mə̌d bɨrɨ mɨə kɔʼə ɨkaŋ koŋ koŋ. Chəi ə̀zwììrɨ̀ əziə kɨ̀ ɨzimɨ əmbɨ ə bə̂d mbe nɨə wumnɨ ə nyam kyeŋ ze kɨ̀ anèŋ məd. Chəi ə̀zwììrɨ̀ əmbɨ wə̀d we nɨ mbɨ zɨ ənweenɨ ze nɨ yeʼ ɨkum məd ɨgwɨ məd.”

Ɨnû 14:9

Aŋgɨrə̀ cherə nɨ pe ənɨ mbɨ mɨtad wɨə nyaʼə beenɨ əbɔʼ mɨ̀mə̌d. Ɨ wɨə nyaʼə ghàə̀ ənɨ ə gɨ̂ kǎ kǎ ni, “Wə̀d mɔʼɔ mɨ wumnɨ nyam kyeŋ ze bə̀ wumnɨ anèŋ məd, mbɨ mɨ fə bə̀ zɨ̀ ənweenɨ ənɨ əkəŋ ɨsɨ əməd kɨ̀ ɨgun əbɔ əməd,

Ɨnû 16:2

Aŋgɨrə̀ rɨtu nyaʼa wò sab ɨsə ɨtəm Ŋwiə̀ we nɨ nyaʼa ɨŋga əŋgupɨ əkaŋ əməd ɨgwɨ ə si. Ənɨ wɨ̀ nyaʼa sab əne, mɨchɔʼɔ nɨ nyaʼa bə kwàʼ rɨŋgəʼ bə̀ seə kwàʼ rɨŋgəʼ nyaʼa jwɨ̀ ɨgun ə bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d, mbɨ bə̀ wumnɨ anèŋ məd.

Ɨnû 16:5

Mə nyaʼa zu aŋgɨrə̀ we nɨ nyaʼa berɨ ɨka ɨgwɨ mɨnib ghà ni, “Àwɔ̀ Wə̀d Zeŋɨ, àwɔ̀ we nɨ yeʼ tɨ̀nîn, nɨ nyaʼa bei əŋgu, ɨchî nɨ àwɔ̀ ə saʼə bə̂d ə kàŋ kùʼ.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 17:17

Mbɨ bɨrɨ ghɨ əne ɨmbə̀ʼ ɨghəm nɨ Ŋwìə̀ fə zɨ̀ ɨŋga fîŋ tɨ mɨ̀mə̌d ni mbɨ ghɨ ənû ze nɨ wɨ̀ nyaʼa fə taŋɨ. Mbɨ bɨrɨ zɨ̀ mbə ɨtu ənɨ mbɨ mɔʼ, nàʼ ɨka nɨ tumbɨ bə̂d əmbɨ ə nyam kyeŋ rɨtu ze pè ənɨ ɨŋgam Ŋwiə̀ jwɨ ənɨ rəsìʼ.

Ɨnû 17:6

Mə nyaʼa zə ni əyi we nyaʼa fə nɔ ənəm ə bə̂d Ŋwiə̀ bə̀ nɔ ənəm ə bə̂d mbe nɨ nyaʼa ghà ɨnû ɨmbə̀ʼ ə Yeso. Wɨ̀ nyaʼa nɔ əne be. Ənɨ mə̀ nyaʼa zə əməd, mə nyaʼa yiirɨ kwàʼ rɨŋgəʼ.

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”

Ɨnû 18:24

Ənəm ə bə̂d ɨ̀kə̀n, ənəm ə bə̂d Ŋwiə̀ mbɨ ənəm ə bə̂d mɨjìm mbe nɨ mbɨ nyaʼa zwiirɨ ɨgwɨ ə si fə tàb əwe.”

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.