Ɨnû 13:10 - Meta’

¹⁰ Mbɨ mɨ berɨ gywɨ wə̀d mɔʼ wò mbɨ wɨwən, mbɨ berɨ bɨ gywɨ nɨŋ wò. Mbɨ mɨ berɨ zwiirɨ wə̀d mɔʼɔ ənɨ ɨbi bid, mbɨ berɨ bɨ zwiirɨ. Əne yɨ ni bə̂d Ŋwiə̀ berɨ nyiʼ. Mbɨ bə̀ berɨ kɨrɨ nuŋ fîŋ ɨgwɨ məd.

Ikan feg

¹⁰ Wə̀d ne mbi fə beri ni gwì aməd mbi biri bə gwì aməd. Wə̀d ne mbi beri ni zweti aməd ane ibeg ibid, wì biri bə̀ ku ane ibeg ibid. Anug azo̰ ya kə̀bə̀ gha bəd Ŋwiye nyimbi fìŋ bə̀ bèrì ibḛfiŋ.

Ɨnû 13:10 ပူးပေါင်းရင်းမြစ်များ

Matìyò 26:52

Yeso nyaʼa ghà əmbɨ wə̀d ɨbi we ni, “Sɔ e ɨbi əbaʼ. Àyɨə kyerɨ ni wə̀d we nɨə zɔ̀ŋ ənɨ ɨbi bɨrɨ bɨ kwɨ ɨchû ɨbi.

Matìyò 7:2

Ɨchî nɨ mbə̀ə saʼə bə̂d cherə, yɨə bə̀ ɨchî nɨ Ŋwiə̀ bɨrɨ saʼ əwən. Ŋwìə̀ bɨrɨ nɨŋ ɨchî nɨ mbə̀ saʼ bə̂d cherə saʼ əwən əŋgu.

Lk 21:19

Mbə mɨ nyìʼ, mbə bɨrɨ jɨg ɨ̀tènɨ̀ rəsìʼ.

Kòlosè 1:11

Ŋwiə̀ we nɨ berɨ ɨka nɨ chè ɨka jìm ghɨ ni mbə̀ jeŋgɨ təm kàànɨ̀ ɨmbə̀ʼ mbə̀ sɨə nyìʼ əton ə ŋgəʼ, sɨə yimə fîŋ, sɨə ghaʼə bɔŋgɔb,

Mə̀Hibrù 6:12

Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 11:18

Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ɨnû 14:12

Əne yɨ ni bə̂d Ŋwiə̀ berɨ nyìʼ, mbɨ berɨ nùŋ tɨkə rɨ Ŋwiə̀ bə̀ nùŋ fîŋ ɨgun ə Yeso.

Ɨnû 16:6

Bə̂d rɨbɔ̀ŋ nyaʼa chəmnɨ ənəm mbe bə̂d mbɨ əzɨ mbe bə̂d ɨ̀kə̀n. Əne à fə nàʼ ənəm əmbɨ mɨ̀mə̌d ni mbɨ nɔ. À yɨ əghɨ nɨ mbɨ kəbɨ!”

Ɨnû 17:11

Nyam kyeŋ ze nɨ nyaʼa kweʼ ɨkǎ, àyɨə zɨ̀ fə kwɨ, yɨ ɨfɔ̂n we nɨ pe ənɨ mbɨ famɨ. Məd yɨ wɨ mɔʼɔ rəbɔʼ mɨfɔ̀n mbe sambe. Zɨ̀ bɨrɨ wo əsɨ ze nɨ mbɨ bɨrɨ nimnɨ əməd.

Ɨnû 17:8

Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.

Ɨnû 2:19

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à ghaʼ mbe bɔŋgɔb bə̀ kyerɨ ni à fə nùŋ e fîŋ ɨgwɨ num. Mə bə̀ kyerɨ ni à wɨə faʼə fɔrɨ ni à wɨə nyìʼ əton ə ŋgəʼ. Ɨ̀fàʼì mbe nɨ à sɨ nwìə̀ faʼ, mbɨ chè mbɨ rɨtu.

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.